BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴشاۋۋال ورازاسى مەن قازا ورازاعا قالاي نيەت ەتىلەدى؟

نيەت دەگەنىمىز، ىشتەي ٴبىر نارسەنى ورىنداماققا وقتالۋ، سونى دىتتەۋ دەگەندى بىلدىرەدى. سوندىقتان دا، كوكەيدە الدەبىر ورازاعا نيەت ەتىلگەن بولسا، سونىڭ ٴوزى جارامدى. تىلمەن ايتۋ شارت ەمەس.

دەگەنمەن، اۋىزشا ايتام دەۋشى كىسى نيەتىن ٴشاۋۋال ورازاعا دا، قازا ورازاعا دا قازاق تىلىندە جاساي بەرسە بولادى. ارنايى نيەت-دۇعاسى جوق. ورنەك رەتىندە ايتار بولساق:

ٴشاۋۋال ورازاسىنىڭ نيەتى: «نيەت ەتتىم اللا ريزالىعى ٴۇشىن ٴشاۋۋال ايىنداعى ٴناپىل ورازانىڭ ٴبىرىنشى كۇنىن (ەكىنشى نە ٴۇشىنشى كۇنىن...) ۇستاماققا. ٴحاليساليللاھي ٴتاعالا».

قازا ورازانىڭ نيەتى: «نيەت ەتتىم اللا ريزالىعى ٴۇشىن وسى جىلعى رامازان ورازاسىنان قالعان پالەن كۇندىك (مىسالى، التى كۇندىك) قازا ورازالارىمنىڭ ٴبىرىنشى كۇنىن وتەمەككە (نەمەسە ەكىنشى، ٴۇشىنشى...). ٴحاليساليللاھي ٴتاعالا».

اۋىز اشقاندا ادەتتەگىدەي سۋمەن نەمەسە قۇرمامەن اشقان ابزال. اۋىز اشاردا قازاقشالاپ تىلەك-دۇعاسىن جاساۋىنا بولادى.

ەسكەرتۋ:

قازا ورازالاردىڭ نيەتى الدىڭعى كۇننىڭ اقشام ۋاقىتىنان باستاپ، سارەسى ۋاقىتى بىتكەنگە دەيىنگى ارالىقتا (ەرتەسى تاڭ نامازىنىڭ ۋاقىتى كىرگەنگە شەيىن) جاسالۋى شارت.

ٴناپىل ورازاسىنا (مىسالى، ٴشاۋۋال ايىنداعى ورازاعا) ەرتەسى كۇنى تۇسكە دەيىن (كۇننىڭ تاس توبەگە كەلگەن ۋاقىتقا دەيىن، ەش ٴنار تاتپاعان بولسا) نيەت ەتۋگە بولادى. مىسالى، تاڭ نامازىنىڭ ۋاقىتى كىرىپ قويعاننان سوڭ ۇيقىدان ويانعان كىسى ەش ٴنار تاتپاستان سول كۇنگى ٴناپىل ورازاعا نيەت ەتىپ، ۇستاپ كەتە بەرۋىنە بولادى.

islam.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي