BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

شارشاماۋدىڭ قۇپياسىن بىلەسىز بە؟

جۇمىس، ٴۇي تىرلىگى، بالا تاربيەسى، كۇيەۋدى كۇتۋ، دوستارمەن كەزدەسۋ، وز-وزىڭە كوڭىل ٴبولۋ – بارىنە بىردەي ۋاقىت تابۋ قيىننىڭ قيىنى. بۇل ٴتىزىمنىڭ ىشىنە اندا-ساندا باس سۇعىپ تۇراتىن قوناقتاردى، كۇتپەگەن كەزدەسۋلەردى قوسىڭىز.

ٴار تىرلىكتىڭ وڭ جانە تەرىس ەنەرگيا بەرەتىن قاسيەتى بار.

ەگەر ٴسىز شىعارماشىلىقتىڭ ادامى بولساڭىز، ٴۇي تىرلىگى، بالالاردىڭ ساباعىن قاراپ، ولارعا ەرتەگى ايتىپ، ٴتىپتى جۇمىستان كەيىنگى شارشاۋدى ۇمىتىپ، ولارمەن بىرگە ويناي الاسىز. سەبەبى، جۇمىسىڭىزدى شەكسىز جاقسى كورەسىز.

ال كەيبىر كۇش جۇمىسىن تالاپ ەتەتىن قىزمەتكەر ايەلدەر جۇمىستان كەيىنگى ۋاقىتتا كوپ نارسەگە ٴمان بەرگىسى كەلمەيدى. كۇنى بويى تىنىمسىز ەڭبەك بار ەنەرگيانى سورىپ الادى، ال ول شارشاپ، تاماقتى ازەر دايىنداپ جۇرەدى.

ەگەر ايەل كۇش بەرەتىن ىس-ارەكەتتى ٴجيى جاساپ تۇرسا، بۇل كوپ كومەك بەرەدى. ال ەنەرگياسىن كەرىسىنشە سورىپ الاتىن ىس-ارەكەتتەردى وزىنە «اينالدىرىپ» السا، قۇبا-قۇپ. قالاي دەيسىز بە؟

– جۇبايىڭىزدى جۇمىسقا، بالالاردى ساباققا شىعارىپ سالۋ، بالالاردىڭ ٴۇي تاپسىرماسىن، كۇندەلىگىن تەكسەرۋ، ٴۇي تىرلىگى دەگەن پۋنكتەردى ماحابباتپەن ورىنداڭىز.

– سۇيىكتىم دە، بالالارىم دا بۇگىنگى كۇنىن ٴساتتى وتكىزسىن دەگەن وتانانىڭ ٴبىر اۋىز تىلەگى تۇتاس شاڭىراقتىڭ بەرەكەسىن كىرگىزەدى. بالالاردىڭ ٴۇي تاپسىرماسىن تەكسەرۋ دەگەندى ونىڭ بولاشاعىن اشۋ دەپ ٴتۇسىنىڭىز، وعان دەگەن ماحابباتى، ٴاردايىم جانىندا بولاتىنىڭىزدى كورسەتەدى.

– ال ەندى ٴۇي تىرلىگىنەن قاشان قىزىڭىز بوي جەتىپ، قولعانات بولعانشا نەمەسە بالاڭىز ەر جەتىپ، كەلىن اكەلگەنشە، بولماسا اياق استى بايىپ ٴۇي قىزمەتكەرىن العانشا قۇتىلا المايسىز.

بۇل تىرلىكتەردى دە ىجداھاتتىلىقپەن جاساساڭىز، اينالدىرعان ميلليسەكۋندتار بويى عانا جۇمسايسىز.

«ٴقازىر مىنا جەردى جيناپ بولعان سوڭ، وتاعاسىمەن وتىرىپ، شاي ىشەمىز، ەسكى سۋرەتتەردى قارايمىز» دەپ ماقسات قويىپ، تىندىرساڭىز بولادى.

ساتتىلىك!

دەرەككوز: massaget.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي