BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ناۋرىزدا قانداي يگى ىستەر جاسالۋى ٴتيىس؟

22 ناۋرىز – قازاقتىڭ جاڭا جىلى، ۇلىستىڭ ۇلى كۇنى! بۇل كۇنى ادامزات جاقسى ٴىس ىستەۋگە ۇمتىلادى.

ناۋرىزدا جاسالۋى كەرەك يگى ىستەر:

اعاش وتىرعىزۋ. كوكتەمدە جەرگە تال ەگۋ – يگى ٴىس. "اتادان مال قالعانشا، تال قالسىن" دەيتىن قازاق اعاش وتىرعىزۋ ىسىنە باسا ٴمان بەرگەن.

ۇلكەن كىسىلەرى بار ۇيگە بارىپ، امانداسۋ. ناۋرىز كوجە جاساپ قانا قويماي، ٴار ٴۇيدىڭ ناۋرىز كوجەسىنەن ٴدام تاتۋ ٴداستۇرى بار. سوندىقتان اسىرەسە ۇلكەن كىسىلەرى بار ۇيگە كىرىپ شىقساڭىز، نۇر ۇستىنە نۇر بولماق.

جەتىم-جەسىرگە، كەمباعال ادامدارعا كومەك بەرۋ. ناۋرىز مەيرامىندا كوڭىلى جارتى ادامدارعا كومەك بەرىپ، بۇكىل حالىق ولاردىڭ دا مەيرامدى بارىمەن تەڭدەي كوڭىلدى قارسى الۋىنا جاعداي جاساعان.

رەنجىتكەن ادامنان كەشىرىم سۇراۋ. ٴومىر بولعان سوڭ، بارىنە بىردەي ۇناۋ مۇمكىن ەمەس. كەي جاعدايدا بىرەۋدى رەنجىتىپ الساق، كەيدە بىرەۋ ٴبىزدى رەنجىتىپ، كوڭىلىمىزگە قاياۋ سالىپ جاتادى. ناۋرىز مەيرامىندا رەنجىسكەن ادامدار قۇشاقتاسىپ، تاتۋلاسادى. وكپەنىڭ ٴبارى وتكەن كۇننىڭ ەنشىسىندە قالسىن دەگەن تىلەكپەن ٴبىر-بىرىن كەشىرەدى.

بۇل كۇنى ٴۇيىڭىزدى عانا ەمەس، اۋلاڭىزدى، اينالاڭىزدى قوقىستان تازارتۋ يگى ىستەر قاتارىنا جاتادى. 22 ناۋرىزعا ٴبىر كۇن قالعاندا، ياعني 21 ناۋرىز كۇنى اتا بابامىز بۇكىل قوقىستى شىعارىپ، اينالاسىن تازالىققا بولەگەن. وسى ٴداستۇرلى ۇستانىپ، ٴسىز دە ناۋرىزدى تازا جەردە قارسىلاڭىز. ۇلىستىڭ ۇلى كۇنىمەن بىرگە جاڭارىڭىز.

دەرەككوز: massaget.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي