BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قانداي بانكتەن دەپوزيت اشۋ ٴتيىمدى؟

قازىرگى كەزدە اقشا جيناۋدى، دەپوزيت اشۋدى ٴجون كورەتىندەر از ەمەس. جينالعان اقشا ەشقاشان ارتىق بولمايدى. 7kun.kz cايتى بانكتەردەگى دەپوزيتتەردىڭ پايىزى قانشا ەكەنىن انىقتاعان ەكەن.

2017 جىلدىڭ قاڭتار ايىندا قازاقستاندىق كەپىلدىك قورى (قكق) جەكە تۇلعالار سالىمىنا ٴتيىمدى سىياقى ستاۆكاسىن 14 پايىز ەتىپ بەكىتكەن سوڭ بانكتەر تەڭگەدە ساقتالاتىن دەپوزيتتەردىڭ سىياقى مولشەرلەمەسىن تومەندەتە باستادى. نارىقتا ورتا ەسەپپەن تەڭگە دەپوزيتىنىڭ مولشەرلەمەسى 2-2،9 پايىزعا ٴتۇستى. تيىسىنشە شەتەل ۆاليۋتالارىنداعى پايىزداردا تومەندەدى. ياعني قازىرگى كەزدە قازاقستانداعى كەيبىر ەكىنشى دەڭگەيلى بانكتەردە (ەدب) تەڭگەمەن سالىنعان دەپوزيتتىڭ جىلدىق سىياقى مولشەرلەمەسى (جسم) 13%-عا، جىلدىق ٴتيىمدى سىياقى مولشەرلەمەسىن (جتسم) 14%-عا تومەندەدى. بۇعان دەيىن 1%-عا جوعارى بولعان. اتالعان جتسم تەك ٴبىر جىل كولەمىندە راسىمدەلگەن دەپوزيتتەرگە جانە قارجىڭىزدى دەپوزيتتەن شەشىپ الماعان جاعدايدا عانا قوسىلادى.

قازىرگى ۋاقىتتا دەپوزيت پايىزى تومەندەمەگەن بانك – حالىق بانك. بۇل بانكتە دەپوزيتتى سالۋدىڭ ەڭ تومەنگى مولشەرى 15 000 تەڭگە. سالىمدى (دەپوزيتتى) تولىقتىرۋ مۇمكىندىگى شەكتەلمەگەن. ەرەكشەلىگى -1 ايعا دەپوزيت اشا الاسىز. 1 ايعا جسم – 10%، 3 ايعا – 11%، 6 ايعا – 12%، 9 ايعا – 13%. 2 جىلعا دەيىن دەپوزيت اشقىڭىز كەلسە جسم 14%-دى قۇرايدى. ال جتسم 1 ايعا – 10،6%، 3 ايعا – 11،7%، 6 ايعا – 12،9%، 9 ايعا – 14%، 12 ايدا – 15،2%، 24 اي ارالىعىندا – 14%.

قازكوممەرسبانكتە دەپوزيتتى 3 ايدان 24 ايعا دەيىن سالا الاسىز. باستاپقى سالىمىڭىز 15 000 تەڭگەدەن كەم بولماۋ كەرەك. اتالعان بانكتە 3 ايعا اشىلعان دەپوزيتكە جسم كولەمى – 8%. 6 ايعا – 11%، 12 ايعا – 13،2%، 18-24 اي ارالىعىندا 13%-دى قۇرايدى. ال جتسم كولەمى 3 ايعا – 8،4%، 6 ايعا – 11،6%، 12 ايعا – 14%، 18-24 ايعا 13،8%.

ال كaspi bankتە سىياقىنىڭ جوعارعى جىلدىق ٴتيىمدى مولشەرلەمەسى دەپوزيتىڭىزدىڭ مەرزىمىنە قاراماستان — 12%. ياعني دەپوزيت سالۋ مەرزىمى – 1 ايدان 24 ايعا دەيىن. قازاقستان بويىنشا كەز كەلگەن فيليالدان اقشانى الۋعا جانە سالۋعا بولادى. سالىمدار قازاقستانننىڭ سالىمدارعا كەپىلدىك بەرۋ قورىمەن سەنىمدى ساقتاندىرىلعان. دەپوزيتتى 1000 تەڭگەدەن باستاپ سالۋعا بولادى.

forte bankتە دەپوزيتتى تەك 12 ايدان 36 اي ارالىعىندا سالا الاسىز. جسم – 13%، جتسم – 13،8%. سالىمنىڭ ەڭ از سوماسى – 15 000 تەڭگە جانە تولىقتىرۋ شەكتەۋسىز.

سەسنابانكتە دەپوزيت اشۋدىڭ ەڭ تومەنگى سوماسى – 10 000 تەڭگە. 1 ايدان 60 ايعا دەيىن اشۋعا بولادى. جسم 1 ايعا –6،5%، 3 ايعا – 8%، 6 ايعا – 10%، 13 ايعا – 13%، 18 ايعا – 12% 36-60 ايعا – 10%، . ال جتسم 1 ايعا – 7%، 3 ايعا – 8،4%، 6 ايعا – 10،5%، 13 ايعا – 13،8%، 18 ايعا – 12،7%، 36-60 ايعا – 10،5%.

ال دەپوزيتتى دوللار نەمەسە ەۋرومەن اشقىڭىز كەلگەن جاعدايدا كوپشىلىلىك بانكتە جسم – 1،5%، جتسم – 1،5%-دى قۇرايدى.

ايتا كەتەيىك، ۇلتتىق بانك +/-1% ٴدالىزى بويىنشا بازالىق مولشەرلەمەنى 11%-عا دەيىن تومەندەتۋ تۋرالى شەشىم قابىلدادى. وسىعان بايلانىستى الداعى ۋاقىتتا دەپوزيت مولشەرلەمەسى تومەندەۋى دە مۇمكىن.

دەپوزيتكە قاتىستى باسقا دا سۇراقتار تۋىنداعان جاعدايدا بانكتەردىڭ رەسمي سايتتارىندا كورسەتىلگەن تەلەفونعا حابارلاسىپ اقپارات الۋعا بولادى.

ەسكەرتۋ! بانكتەردە دەپوزيت تۇرلەرى كوپ، ٴبىز سىزگە ەڭ ٴتيىمدى دەپوزيت تۋرالى اقپارات بەردىك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي