BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

يممۋنيتەتىڭىز ٴتۇسىپ كەتتى مە؟

كوكتەم مەزگىلىنىڭ كەلۋى – ۇلكەن قۋانىش. جەر جاسىل جەلەككە ورانىپ، تابيعات كەرەمەت كۇيگە ەنەدى. اسىرەسە، قىز-كەلىنشەكتەر كوكتەم مەزگىلىندە قۇلپىرىپ، جايناي تۇسەدى. ٴبىراق قۋانۋعا مۇرشا جوق؟ نەگە؟ كوڭىل-كۇي تۇسىڭكى، ۇنەمى ۇيقى كەلەدى، ال قورشاعان ورتا شارشاتادى.

گيپوۆيتامينوز، يممۋنيتەتتىڭ ازايۋى مەزگىل اراسىندا ادەتتەگى دۇنيە. كوكتەمدە يممۋنيتەتتى كوتەرۋ ٴۇشىن، قاراپايىم كەڭەستەرگە قۇلاق ٴتۇرىڭىز. ولار تۇلعاڭىزعا بەلسەندىلىك سىيلاپ، كوڭىلىڭىزدى كوتەرىڭكى ەتەدى

كوكتەمدە يممۋنيتەت كوتەرۋدىڭ 7 ٴتاسىلى

№ 1 دەنە شىنىقتىرۋمەن اينالىسۋ – دەنساۋلىققا ٴبىرىنشى قادام.

سەرۋەندەۋدەن باستاڭىز. جاياۋ ٴجۇرۋ – دەنە شىنىقتىرۋدىڭ ىشىندەگى قولجەتىمدىسى. دۇكەننەن دۇكەنگە اۋا جۇتىپ قانا ٴجۇرۋ ەسەپتەلمەيدى. اسىقپاي سەرۋەندەڭىز. ويىڭىزدى اينالاعا ٴبولىپ، اسەم تابيعات اياسىن تاماشالاڭىز.

№ 2 جىلدام ٴجۇرۋ

اعزاعا ازداپ كۇش تۇسىرسەڭىز، ٴسىزدىڭ دەنە قيمىلىڭىزعا بايلانىستى قان جۇگىرىپ، اعزاڭىزعا وتتەگى تاراپ، اعزاداعى زات الماسۋ جىلدامداپ، توتىعۋ-تۇزەلۋ جاڭالانىپ، كوڭىل-كۇيىڭىز كوتەرىلەدى، ياعني كوڭىل-كۇي جاقسارسا، يممۋنيتەت كوتەرىلەدى. دەنە شىنىقتىرۋدى جايلاپ باستاۋ كەرەك، بىردەن اعزاعا كوپ كۇش سالىپ، زورىقتىرۋعا بولمايدى، بىرتىندەپ جۇيەلى تۇردە اعزاعا تۇسەتىن كۇشتى كوبەيتىپ، ۇلعايتىپ وتىرۋ كەرەك. مىسالى، جىلدام ٴجۇرۋ، 1-كۇن 1 شاقىرىم (جاعدايىڭىزعا قاراي 500 مەتردەن باستاساڭىز دا بولادى)، سودان كەيىن كۇندە 5 شاقىرىمعا دەيىن قوسىپ وتىراسىز. قالالىق جاعدايدا جۇمىسقا دەيىن نەمەسە جۇمىستان كەيىن بىر-ەكى ايالداما جىلدام جاياۋ جۇرسەڭىز جەتكىلىكتى. يممۋنيتەتتى كوتەرۋ ٴۇشىن تازا اۋادا سەرۋەندەۋ ەمەس، جىلدام ٴجۇرۋ پايدالى.

№ 3 سالقىن سۋمەن قۇيىنۋ

يممۋنيتەتتى كوتەرۋدىڭ بۇل ٴتۇرىن دە اقىرىنداپ باستاعانىڭىز ٴجون، الدىمەن اياقتارىڭىزدان باستاپ سالقىن سۋ قۇيىنىڭىز، سوسىن بەلدەن تومەن قاراي، سوسىن يىقتان تومەن قاراي، ەڭ سوڭىندا توبەدەن باستاپ سالقىن سۋمەن قۇيىنىڭىز. العاشىندا 1-2 رەت قۇيىنىپ، سوڭىرا كوبەيتىڭىز. يممۋنيتەتتى كوتەرۋ ٴۇشىن كونتراستى دۋش تا بولادى، بۇل بىرەسە سالقىن، بىرەسە ىستىق سۋمەن قۇيىنۋ، ٴبىراق ىستىق-سۋىق الشاقتىعىن بىرتە-بىرتە 10-15 كۇن ارالىعىندا كوبەيتىڭىز.

№ 4 سپورتپەن شۇعىلدانۋ

فيتنەسكە، بيگە قاتىسۋ يممۋنيتەتتى كوتەرۋمەن بىرگە ٴتانىڭىزدىڭ سۇلۋلىعىن ساقتاۋعا جانە سۇلۋلانا تۇسۋىنە كوپ ىقپالىن تيگىزەدى.

№ 5 قۇنارلى اس ٴىشۋ

تاماقتانۋ ارقىلى دا نىعايتۋعا بولادى. ىشەتىن تاماعىڭىز تابيعي، دارۋمەندەرگە باي بولۋى قاجەت. ولار: جەمىس-جيدەك، كوكونىستەر، بال، ەت.

ال قانتى كوپ تاعامداردى جانە قۋىرىلىپ دايىندالعان تاعامداردى از پايدالانعانىڭىز ٴجون، ويتكەنى ول تاعامداردى قورىتۋعا اعزاداعى پايدالى زاتتار كەتەدى دە، يممۋنيتەت السىرەيدى. يممۋنيتەتتى كوتەرۋگە قىشقىل ٴسۇت تاعامدارى، ايران، يوگۋرتتار اس قورىتۋ جولدارىن پايدالى باكتەريالارمەن تولىقتىرىپ، زور ۇلەس قوسادى. ارينە، يممۋنيتەتىڭىز ساقتالىپ، نىعايا ٴتۇسۋ ٴۇشىن ٴىش قاتۋدان ساقتانىڭىز.

№ 6 پايدالى تۇنبالار پايدالانىڭىز

يممۋنيتەتتى نىعايتۋ ٴۇشىن ٴارتۇرلى شوپتەردىڭ جاپىراقتارى مەن تامىرلارىنان الىناتىن تۇنبالار مەن شىرىندار بار: تامىر ٴدارى (جەنششەن) تۇنباسى، قىتاي ليمونشاسى جانە ليمون قوسىلعان كوك ٴشاي، يتمۇرىن شىرىنى. پايدالاناردان بۇرىن نۇسقاۋلارىن وقىڭىز، اعزاڭىزعا جاقپاي قالۋى مۇمكىن، ابزالى دارىگەردەن كەڭەس العانىڭىز ٴجون.

№7 كۇلكى

يممۋنيتەتىڭىز مىقتى بولسىن دەسەڭىز، بارلىق ۋاقىتتا كۇلىپ، كوڭىلدى ٴجۇرىڭىز. كۇلكى – يممۋنيتەتتى كوتەرۋدىڭ ەڭ كەرەمەت ٴادىسى.

سەن الەمگە كۇلىمدەسەڭ، الەم ساعان كۇلىمدەيدى. سوندىقتان «يممۋنيتەتىم جوق مەن السىرەپ ٴجۇرمىن» دەگەن ويدى ٴوشىرپ، يممۋنيتەتتى ٴوزىڭىز قالىپتاستىرىڭىز. ال تابيعات سىزگە قانشاما يممۋنيتەت كوتەرۋگە مۇمكىندىك بەرىپ وتىر. پايدالانىڭىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي