BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەستە ساقتاۋدىڭ ەرەكشە تاسىلدەرى

فوتو: discover24.ru

ٴبىر مالىمەتتى بىرنەشە رەت قايتالاي بەرۋ ارقىلى جاتتاپ الۋ عىلىم تىلىندە مەحانيكالىق ەس دەپ اتالادى. ونىڭ ناتيجەسى ۇزاققا سوزىلمايدى. سول ساتتە كوپ كۇش سالساڭىز دا، ۋاقىت وتە كەلە تەز ۇمىتىلىپ قالادى.

ال اقپاراتتى ٴتۇسىنىپ، لوگيكاعا سالىپ، ٴار كومپونەنتىنە جەتە ٴمان بەرۋ ارقىلى ساناعا سىڭىرىلگەن مالىمەتتىڭ جادتا ساقتالۋى دا ۇزاققا سوزىلادى. ٴبىز ادەتتە مەكتەپ كەزىندە ماجبۇرلىكپەن كوپ ولەڭ جاتتايمىز. الايدا ٴقازىر ٴار ولەڭنىڭ تەك 1-2 شۋماعىن عانا ەسكە تۇسىرە الامىز.

نەمىس پسيحولوگى گ.ەببينگاۋز ماعىناسىز بۋىنداردى جاتتاۋداعى ەرەكشەلىكتەردى اشتى. ادام ۇزاق قاتاردى قايتالاپ، ەسكە ساقتاعان كەزدە، سوڭىندا تۇرعان ماتەريال تەز ەسكە تۇسەدى ەكەن. زەرتتەۋلەر ناتيجەسى بويىنشا، العاشقى 1 ساعاتتان سوڭ الىنعان اقپاراتتىڭ 60%-ى ۇمىتىلادى، ال 6 كۇننەن كەيىن باستاپقىدا دا جاتتالعان بۋىنداردىڭ 20% بولىگى عانا ەستە قالادى ەكەن.

قاجەتتى اقپاراتتى ەستە قالدىرۋ ٴۇشىن:

– ارنايى ماقسات قويىپ، مەڭگەرۋگە شىن تالپىنۋ;

– بولاشاقتا قانشالىقتى قاجەت بولاتىنىن سەزىنۋ;

– تەرەڭنەن ويلانىپ، مالىمەتتىڭ ٴمان-ماعىناسىن ٴتۇسىنىپ، باسقا دا قۇبىلىستارمەن اسسوسياسيا جاساۋ;

– قابىلدانعان اقپاراتتى ىشتەي وڭدەپ، بۇرىنعى ٴوز ويلارىمەن ۇشتاستىرىپ، قورىتىندى تۇجىرىم شىعارۋ;

– ۇنەمى قايتالاۋ. قاجەتتى مالىمەتتى جاتتاعاننان كەيىن، ەستە ساقتاۋ ٴۇشىن 40 مينۋتتان كەيىن تاعى قايتالاۋ كەرەك. ٴبىرىنشى كۇنى اراعا ۋاقىت سالىپ 2-3 رەت، ەكىنشى كۇنى 1-2 رەت، 3-7 كۇننەن كەيىن 1 رەت قايتالاسا، 100 رەت قايتالاعاننان دا ارتىق بولادى.

دەرەككوز: massaget.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي