BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەرتە ٴولىمنىڭ الدىن الۋ ٴۇشىن كۇنىنە قانشا كوفە ٴىشۋ قاجەتتىگى ايتىلدى

فوتو: drum.fit

يسپان مەديكتەرى ەرتە ٴولىمنىڭ الدىن الۋ ٴۇشىن كۇنىنە ىشۋگە قاجەت كوفەنىڭ پورسياسىن انىقتادى. بۇل تۋرالى رەسەيلىك lenta.ru بريتاندىق the telegraph باسىلىمىنا سىلتەمە جاساپ.

كۇنىنە ٴتورت كەسە (چاشكا) كوفە ىشسە، ول مۇلدەم كوفە ىشپەيتىندەر نەمەسە تىم از ىشەتىندەرمەن سالىستىرعاندا ەرتە ٴولىم ٴقاۋپىن 64%-عا تومەندەتە الادى. كۇنىنە ٴۇش كەسە ٴىشۋ – 30%، ەكى كەسە كوفە – 22%-عا ازايتادى.

بارلىعى ماماندار باقىلاۋىندا 20 مىڭداي ادام بولعان. ولاردىڭ ٴارقايسىسىنىڭ دەنساۋلىعى ون جىل بويى باقىلاندى.

ەرتە ٴولىمنىڭ الدىن الۋداعى كوفەنىڭ ٴتيىمدى بولۋ سەبەبى رەتىندە عالىمدار ونىڭ قۇرامىنداعى انتيوكسيدانتتار، ناقتى ايتقاندا پوليفەنولداردى اتايدى.

شىلدە ايىندا وسىعان ۇقساس زەرتتەۋ قورىتىندىسىن امەريكان عالىمدارى جاريالاعان بولاتىن. ولار كۇنىنە ٴبىر كەسە كوفە ٴىشۋدىڭ بارلىق سەبەپتەردەن بولاتىن ٴولىم ٴقاۋپىن ورتاشا 12%، كۇنىنە ٴۇش كەسە ٴىشۋ 18%-عا تومەندەتەدى دەگەن ەدى. ول زەرتتەۋ ٴۇشىن 190 مىڭ ادامنىڭ ٴومىر سالتى مەن دەنساۋلىعى باقىلانعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي