BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بەيتانىس ادامنىڭ كولىگىنە وتىرماڭىز

سوڭعى دەرەكتەرگە سۇيەنسەك، بۇگىندە ادامداردى الداپ-ارباۋ، الاياقتىق امالدارى سياقتى قىلمىس تۇرلەرى كۇرت كوبەيىپ كەتىپتى.

ارباۋعا ٴتۇسىپ، سان سوعىپ قالماس ٴۇشىن ٴبىز سىزدەرگە مىناداي ساقتىق شارالارىن ەستە ۇستاۋعا كەڭەس بەرەمىز:

♦ۇرى-قارىدان ساق ٴجۇرۋدى ۇمىتپاۋ كەرەك. كەي-كەيدە ۇيرەنشىكتى داعدىدان بولەك، مىسالى، جۇمىسقا، قوناققا باراردا ۇيرەنشىكتى جولدان باسقا جولمەن ٴجۇرىپ تۇرۋ كەرەك. قاي جول ٴقاۋىپسىز، جارىق، ادامى كوپ ەكەنىن بىلە جۇرگەن دۇرىس.

♦ەگەر تۇنگى ۋاقىتتا جۇرەر بولساڭىز، نەعۇرلىم ٴقاۋىپسىز جولدى تاڭداڭىز. قاراڭعى، بۇرىلىس-قالتارىسى كوپ جەرلەرمەن، قوقىس ماڭىمەن جۇرمەڭىز. جالعىز جۇرگەندە جەراستى جولىمەن، تۇيىق كوشەلەرمەن وتپەۋ­گە تىرىسىڭىز.

♦قاراڭعى ٴتۇسىپ كەتىپ، جۇمىستان كەش ورالاتىن، جولاي ٴبىر جەرگە بۇرىلاتىن بولساڭىز، بۇل جونىندە جاقىندارىڭىزعا ەسكەرتىپ قويىڭىز.

♦بەيتانىس ادامنىڭ كولىگىنە وتىرماڭىز. اسىرەسە بۇل جاس قىزدارعا قاتىستى. ەگەر قاراڭعىدا جول شەتىندە تۇرساڭىز نەمەسە ٴجۇرىپ كەلە جاتقاندا جانىڭىزعا كولىك توقتاپ، ٴسىزدى سويلەسۋگە شاقىرسا، وندا وعان، كولىك ىشىنە ٴۇڭىلىپ قاراماڭىز. ادامنىڭ سۇستى، كۇدىكتى ەكەنىن بايقاساڭىز، وندا كومەك شاقىرا ايقايلاپ، كولىكتىڭ قارسى بەتىنە قاراي قاشىڭىز.

♦جاسوسپىرىمدەر، بويجەتكەندەر باسقوسۋعا بارار بولسا، بۇل جونىندە تۋىستارىنا ەسكەرتكەنى دۇرىس. سەبەبى سوڭعى كەزدەرى جاس­تار اراسىندا ٴىز-تۇزسىز جوعالىپ كەتۋ فاكتىلەرى جيىلەگەن. كوڭىل كوتەرەتىن جەرلەردە وتىرعاندا ۇرى-قارى، قاراقشى، قىلمىسكەردىڭ جەمتىگىنە ۇشىراماس ٴۇشىن وتە ساق ٴجۇرۋ كەرەك.

♦ۇيدەن، ٴدامحانا، تويحانادان، تۇنگى كلۋبتان شىققان كەزدە ۇيدەگىلەرگە بۇل جونىندە حابارلاڭىز. قانشا ۋاقىتتا باراتىنىڭىزدى ەسكەرتىڭىز. بەيتانىس ادام ۇيىڭىزگە جەتكىزىپ سالامىن دەسە، كولىگىنە ويلانباي وتىرا كەتپەڭىز.

♦الىس ساپاردان شىققان جاعدايدا بىرەۋلەرمەن ساپارلاس بولساڭىز، ولارعا وزىڭىزدە قانداي باعالى زاتتار، قانشا اقشا بارىن ايتپاڭىز.

♦قوناقۇيگە ورنالاسقاندا بولمە ەسىگىنىڭ قۇلپىنا، تەلەفونعا ٴمان بەرىڭىز، ولار مىعىم، جۇمىس جاعدايىندا بولۋى كەرەك. بولمە تەرەزەسى، بالكونى سەنىمدى بولسىن. سونداي-اق بولمە كىلتى ٴقاۋىپسىز جەردە ساقتالا ما، جوق الدە قالاي بولسىن سولاي قويىلا سالا ما، وسىعان دا ٴمان بەرىڭىز.

♦قىسقاسى، قاي جەردە جۇرسەڭىز دە ساقتىق شارالارىن ويىڭىزدان شىعارماڭىز. سوندا ٴسىز الاياقتاردان، قىلمىسكەرلەردەن امان بولاسىز.

zamana.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي