BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بالالارعا قوسىمشا قانداي ٴبىلىم قاجەت؟

بۇگىندە مەملەكەتتىك مەكتەپتەردە ٴتۇرلى پاندەر وقىتىلاتىنى بەلگىلى. ونىڭ بارلىعى دا مەكتەپ باعدارلاماسىندا بەكىتىلگەن. ايتالىق بيولوگيا، فيزيكا، حيميا، الگەبرا، ادەبيەت، شەت تىلدەرى ت.ب. وسىنىڭ ٴبارى بالا ٴبىلىمىن تولىقتىرۋمەن بىرگە كەلەشەكتە ومىرلىك قاجەتتىلىگىن دە وتەۋگە جارايدى.

الايدا كەيبىر عالىمداردىڭ ايتۋىنشا، مەكتەپتەردە مىندەتتى تۇردە وقىتىلاتىن پاندەر قاتارى مازمۇن جاعىنان تولىقتىرىلۋى ٴتيىس. ولاردىڭ ٴبىرقاتارى مىناداي:

  1. فانتاستيكالىق رومانداردىڭ نەگىزىن جازۋ.

مەكتەپتەگى باستاۋىش سىنىپ وقۋشىلارى ٴۇشىن ٴوز ومىرىنەن شىعارما جازۋ — وتە قىزىق. كوپتەگەن عالىمدار بالانىڭ جەكە ويلاۋ قابىلەتىن دامىتۋ ٴۇشىن كلاسسيكالىق ادەبيەتتەردى وقۋ از، ٴتىپتى جەكە كىتاپ جازۋعا دا داعدىلاندىرۋ كەرەكتىگىن ايتادى.

  1. قولدانبالى مەحانيكا

ٴبىلىم وردالارىندا الگەبرا مەن گەومەتريا ەڭ قيىن ٴپان جانە وعان وقۋشىلار سەلقوس قارايدى. ومىردە وسى پاندەردى قولدانا قويۋ ەكىتالاي دەيتىندەردىڭ قاتارى كوپ. الايدا مۇنىڭ دا پايداسىن كورۋ ٴۇشىن ناقتى عىلىممەن اينالىساتىندار جەتكىلىكتى. بالالاردى ونەرتاپقىشتىققا باۋلۋ ارقىلى اتالعان ەكى پانگە قىزىعۋشىلىعىن ارتتىرۋعا بولادى. ول ٴۇشىن جالاڭ تەوريادان گورى تاجىريبەگە باسا نازار اۋدارۋ كەرەك ەكەن.

  1. كينووندىرىس

كوپتەگەن مەكتەپتە تەاتر ۇيىرمەلەرى بار. ٴبىراق وعان بارلىق بالانىڭ قاتىسۋى مىندەتتى ەمەس. ول بالالاردىڭ ورىنداۋشىلىق شەبەرلىكتەرىن جەتىلدىرەدى. وسى جەردە قازىرگى زاماننىڭ ەڭ وزىق قۇبىلىسى كينووندىرىسى دەر بولساق، بولاشاق يەلەرىن كينو ٴتۇسىرۋدىڭ قىر-سىرىنا باۋلىعان ٴجون. ول تابىس كوزى عانا ەمەس، ەلدى تانىتۋدىڭ تاماشا جولى.

  1. لاتىن ٴتىلى

قازىرگى الەمدە تۋعان تىلىڭمەن قاتار، وزگە ٴتىلدى دە مەڭگەرۋ — وتە ٴتيىمدى. ولاردىڭ قاتارىندا لاتىن ٴتىلى كەز كەلگەن ٴتىلدىڭ نەگىزى. ەگەر مەكتەپتە لاتىن ٴتىلىن جەتىك مەڭگەرسەڭىز، ودان كەيىن يسپان، يتاليان، پورتۋگال، فرانسۋز تىلدەرىن مەڭگەرۋ وڭاي كورىنەدى.

  1. ٴدىنتانۋ

مەكتەپ، كوللەدج بىتىرگەن بالالاردىڭ كوپشىلىگى الەمدەگى نەگىزگى دىندەردىڭ نازىك يىرىمدەرىن بىلە بەرمەيدى، ٴدىن توڭىرەگىندە تۇسىنىگى از. مۇنى جاقسى ٴبىلۋدىڭ پايداسى زور ەكەن. ول تانىم-تۇسىنىكتى كەڭەيتۋمەن بىرگە، مادەنيەتتى بولۋعا ماجبۇرلەيدى.

  1. فيلوسوفيا تاريحى

بالالاردىڭ ٴبارى بىردەي فيلوسوفيا عىلىمىن مەڭگەرۋگە ۇمتىلماسى انىق. الايدا فيلوسوفيا نەگىزدەرى ومىردە وتە قاجەت بولاتىنىن ەسكەرگەن ٴجون. بارلىق اتاقتى ادامدار فيلوسوفيا عىلىمىن جاقسى مەڭگەرگەن. ايتالىق، سوكرات، پلاتون، اريستوتەل، كونفۋسيي، گاۋتاما، سۋن سزى جانە باسقالار ٴوز زامانىندا وسى سالانى تەرەڭ يگەرىپ، ناتيجەسىندە حالىقتىڭ ىستىق ىقىلاسىنا بولەنگەن.

  1. سپورت

مەكتەپتەردە بالالاردىڭ دەنساۋلىعى ساقتاۋ مەن وسۋىنە سەپتىگى تيەتىن دەنە شىنىقتىرۋ ٴپانى بار. ٴبىراق ۇل-قىزداردى جۇگىرۋ مەن سەكىرۋ تەز جالىقتىرادى. سوندىقتان ماماندار تانىمال سپورت تۇرلەرىنىڭ تاريحىن وقىتىپ، بالالاردى قىزىعۋشىلىعىنا قاراي سول پاندەردى وقىتۋدى ۇسىنادى.

  1. شاحمات

كوپتەگەن ادامدار شاحمات تاقتاسىنداعى سۇلبالاردىڭ قالاي نە ٴۇشىن جۇرەتىندىگىن بىلمەيدى. سوندىقتان دا بولار، دۇنيەجۇزىندە 1000 عانا حالىقارالىق گروسسمەيستەرلەر بار. بارلىق عالىمدار شاحمات ويدى دامىتۋدىڭ مىقتى قۇرالى ەكەندىگىن جوققا شىعارمايدى. كاسىپقوي شاحماتشىلار ناقتى عىلىممەن اينالىسسا، ٴوز ٴىسىنىڭ شەبەرى بولارى انىق. شاحماتتى جاقسى بىلەتىن بالا ساباقتى دا جاقسى وقيدى دەگەن دە قاعيدا بار.

  1. مۋزىكا

مۋزىكا ساباعى كەز كەلگەن مەكتەپتە بار. سوڭعى ۋاقىتتا بۇل پانگە قىزىعۋشىلىق ارتتى. ەكى بالانىڭ ٴبىرى مۋزىكا اسپابىن يگەرىپ، ٴانشى بولعىسى كەلەدى. الايدا ۇل-قىزدارعا ٴتيىمدىسى كلاسسيكالىق مۋزىكانى يگەرۋ ەكەن. ول — ناعىز مۋزىكانتتاردىڭ الىپپەسى.

  1. جەكپە-جەك ونەرى

دەنە شىنىقتىرۋ پانىنە جەكپە جەك نەگىزدەرىن ەنگىزۋدەن دە ەشكىم ۇتىلمايدى ەكەن. بالالار مىناداي زاماندا قىراعىلىعىن كۇشەيتىپ، ٴوزىن ٴوزى قورعاي الاتىن بولادى. ٴتىپتى ولاردىڭ ٴوز كەلەشەگىنە سەنىممەن قاراۋىنا دا وسى ٴپان ناقتى كومەكتەسە الادى.

دەرەككوز: aikyn.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي