BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋە بيلەتىن ارزان ساتىپ الۋعا كومەكتەسەتىن 7 كەڭەس

دەمالىس ۋاقىتى باستالعان كەزدە كوپشىلىگى شەتەلگە ساياحاتتاۋدى جوسپارلايدى. الايدا دەمالىس مەرزىمى كەزىندە تۋر بيلەتتەرى قىمباتاپ كەتەتىنى بەلگىلى، ال قىمبات باعانى كەيبىرىنىڭ قالتاسى كوتەرمەيدى. ال ەگەر ساياحاتتاۋدى قاتتى قالاساڭىز جانە وعان قاراجاتىڭىز جەتكىلىكسىز بولسا نە ىستەۋگە بولادى؟ 7kun.kz-تىڭ كەڭەسىن وقي وتىرىڭزدار.

1. بيلەتتى ارنايى ىزدەۋ جۇيەلەرىنەن قاراۋ

بىرىنشىدەن ارزان اۋە بيلەتتەردى ساتىپ الۋعا بولاتىن سايتتاردى ىزدەپ كورۋ كەرەك. ولار — سىزگە قاجەتتى پارامەترلەر بويىنشا جەلىدەن بارلىق بيلەتتەردى قاراپ، ارزان بيلەتتەردى تابۋعا كومەكتەسەتىن ارنايى ىزدەۋ جۇيلەرى. مۇنداي ىزدەۋ قۇرالدارىنا aviasales، skyscanner سىندى جۇيەلەردى جاتقىزۋعا بولادى.

ٴسىزدىڭ قالتاڭىزداعى قاراجاتقا قاراي ۇشۋدى جوسپارلاۋعا كومەكتەسەتىن سايتتاردىڭ ٴبىرى — kiwi. ونىڭ باسقا ىزدەۋ جۇيەلەرىنەن ايىرماشىلىعى سايت بيلەتتەردى wizzair، ryanair، easyjet لوۋكوست-كومپانيالارى ارقىلى ىزدەيدى جانە ساياحاتشى بارعىسى كەلگەن جەرگە ارزان جەتۋ ٴۇشىن ٴتۇرلى اۋە كومپانيالاردىڭ رەيستەرىن ۇسىنادى.

2. تۋروپەراتورلاردىڭ پاراقشالارىنا جانە اۋە بيلەتتەرىن ساتىپ الۋعا بولاتىن سايتتارعا جازىلۋ

سايتتاردىڭ جانە تۋراپەراتورلاردىڭ پاراقشالارىنا جازىلساڭىز، ولار ۇنەمى جەڭىلدىكتەر، اكسيالار تۋرالى اقپاراتتاردى جىبەرىپ وتىرادى. مىسالى كەيدە ٴسىزدىڭ بارعىڭىز كەلگەن ەلگە كۇتپەگەن جەردەن جەڭىلدىك بولۋى مۇمكىن. ەگەر ولاردىڭ پاراقشاسىنا جازىلىپ قويساڭىز ارزان بيلەتتەردى ساتىپ الۋعا مۇمكىندىك تۋادى.

سونداي-اق، تۋروپەراتورلاردىڭ جانە اۋە كومپانيالاردىڭ سايتىنا جازىلعان جاعدايدا چارتەرلەرگە بيلەت ساتىپ الۋعا بولادى. سەبەبى تۋروپەراتور ۇشاقتاعى ورىنداردى كوتەرمە باعامەن ساتىپ العاندىقتان چارتەرلىك رەيستەر ارزان. چارتەرلەرگە بيلەتتەر ۇشۋ ۋاقىتىنا از ۋاقىت قالعاندا ساتىلىمعا شىعادى. سوندىقتان زاتتارىڭىزدى جيناپ، دايىن بولىڭىز.

3. اۋىسىپ ٴمىنۋ

باراتىن جەرىڭىزگە تىكەلەي ٴبىر ۇشاقپەن ەمەس، اۋىسىپ ٴمىنۋ ارقىلى بارعان ارزانداۋ بولادى. ايالدامالاردا قىدىرۋدىڭ ٴوزى قىزىق. ونىڭ ۇستىنە بىردەن ەكى قالانى كورە الاسىز.

4. باسقا كورشى قالالار ارقىلى ۇشۋ

كورشى قالالار ارقىلى ۇشۋعا بولاتىن مۇمكىندىكتەردى قاراپ كورىڭىز. مىسالى كەيبىرى ٴۇشىن رەسەي ارقىلى ۇشۋ ٴتيىمدى بولۋى مۇمكىن. سەبەبى ولاردا تاسىمالداۋشىلار سانى كوپ، ال ۇشۋ ورنىنا پويىز نەمەسە اۆتوبۋس ارقىلى جەتە الاسىز.

5. بيلەتتى الدىن الا ساتىپ الۋ

ەگەر الدىن الا جوسپارلاۋدى جاقسى كورسەڭىز، ٴسىز ۇنەمدەي بىلەسىز دەگەن ٴسوز. اۋە بيلەتتەرى دەمالىس ۋاقىتى باستالعاندا بىردەن قىمباتتاپ كەتەدى، ال ٴسىز بيلەتتى الدىن الا كوكتەم ۋاقىتىندا ساتىپ الساڭىز بۇل وتە ٴتيىمدى. ارزان باعا ۇشۋعا 50-60 كۇن قالعاندا بولادى.

6. دەمالىس ماۋسىمىندا ساياحاتتاماۋ

ٴبارىمىز بىلەتىندەي، دەمالىس ماۋسىمى كەزىندە ٴبارى قىمباتتايدى. سوندىقتان ەڭبەك دەمالىسىن كوكتەمدە نەمەسە كۇزگە قاراي الۋعا بولاتىن مۇمكىندىكتى قاراستىرىڭىز. بۇل كەزدە تايلاندتا الدەقايدا جىلى بولادى. ٴارى باعا د ارزان.

7. بيلەتتەردى اپتا ورتاسىنا جانە تۇنگى رەيستەرگە ساتىپ الۋ

كەشكى جانە تۇنگى رەيستەردىڭ بيلەتتەرى تاڭعى نەمەسە كۇندىزگىگە قاراعاندا ارزان ٴارى ٴتيىمدى. بيلەتتى تۇنگى ۋاقىتتا برونداپ قويسا دا بولادى. بۇدان بولەك سەيسەنبى، سارسەنبى بەيسەنبى كۇندەرىنە ساتىپ الىنعان بيلەتتەر ارزان، ال ەڭ قىمبات بيلەتتەر دەمالىس جانە مەرەكە كۇندەرى ساتىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي