BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الداعى 10 جىلدا ٴسىزدى اسىرايتىن 5 ماماندىق

ٴبىز جان-جاقتى دامىعان، كەڭىستىگى اقپاراتپەن تولىسقان عاسىردا ٴومىر ٴسۇرىپ جاتىرمىز. بۇل كەزەڭدە ادام بالاسىنا ساپالى بىلىممەن قاتار ۇتقىرلىق جانە جىلدامدىق قاجەت. بۇل – زاماننىڭ تالابى. ٴقازىر الەۋمەتتىك جەلى ارقىلى ٴتۇرلى سايتتان مىڭداعان اقپارات الۋعا، عىلىممەن اينالىسۋعا مۇمكىندىك بەرەتىن كەڭەستەر الۋعا بولادى. 2017 جىلدىڭ وزىندە ٴسىز ٴبىلىپ، ۇيرەنۋگە تۋرا كەلەتىن التى ٴىلىم بار. ولار ماماندىق ەمەس، ٴبىراق قوسىمشا تابىس كوزىنە اينالۋعا بولاتىن، جالپى قاجەتتىلىك تۋدىراتىن ٴىلىم تۇرلەرىن massaget.kz سايتى نازارلارىڭىزعا ۇسىنادى.

1. ۆەب-ديزاين جانە جوبالاۋ جىل سايىن عىلىم دامىپ وتىرادى. وعان شەك جوق. ال ۆەب-ديزاين جۇمىسىن باسقارا ٴبىلۋ ونى جوبالاۋ وسى جىلدىڭ وزىندە ۇلكەن قاجەتتىلىك تۋىنداتپاق. ويتكەنى توراپتاعى جارنامالاردىڭ جار سالىپ تۇرعان شاعىندا سايت اشۋ، ونىمەن جۇمىس ىستەۋ ۇلكەن شەبەرلىكتى تالاپ ەتپەك.

2. اقپاراتقا ستاتيستيكالىق ساراپتاما جاساۋ

الەمدىك باق بۇگىندە ساراپشىلاردىڭ كومەگىنە جۇگىنۋ ۇستىندە. سەبەبى ٴار سالاعا اقپارات بەرە وتىرىپ، ساراپتاما جاساۋ – ۇلكەن جۇمىس. ونى جاساي ٴبىلۋ ٴۇشىن دە ارنايى ٴبىلىم قاجەت. ال بۇل ٴبىلىم وسى جىلدىڭ وزىندە سۇرانىسقا يە بولارى انىق.

3. ديزاين

ادام بالاسىن تاڭ قالدىرۋدان جالىقپايتىن ٴساننىڭ داۋرەنى ٴجۇرىپ تۇرعان كەزدە، كيىمدەردى ٴپىشۋ، ۇلگىسىن جاساۋ، سىزۋ دەيتىن شەبەرلىك ساباقتارى سىزگە مىندەتتى تۇردە كەرەك بولادى. سەبەبى ٴقازىر ٴبارى ٴبىر-بىرىنىڭ كوشىرمەسىن عانا جاساپ، از ەڭبەكپەن كوپ پايدانىڭ اينالاسىنان شىعا الماي ٴجۇر. ال بۇل جىلى ٴسىزدىڭ جىلىڭىز بولسىن دەسەڭىز، تابىسقا دا اتاققا دا كەنەلگىم كەلەدى دەسەڭىز، قازىردەن باستاپ وسى ىلىمگە بەت بۇرىڭىز.

4. ماكياج

سەنسەڭىز دە، سەنبەسەڭىز دە مەيك-اپ كاسىبى ۇلكەن جىلدامدىقپەن دامىپ كەلەدى. ەۋروپا مەن شىعىس تالاسۋ ۇستىندە. سەبەبى بىرەۋى حيميانىڭ كومەگىنە جۇگىنە وتىرىپ، تەز ارادا بەتكە ٴار بەرۋدى، تەز ارىقتاتۋدى ۇيرەتىپ الەك بولىپ جاتسا، ٴبىرى تابيعي ونىممەن تاڭ قالدىرىپ ٴجۇر. ال وسى ەكى تالاس ورتاسىنان جول تاۋىپ، سۇلۋلىق الەمىنە ەنىپ كەتە الساڭىز، ٴسىز جەڭىمپاز بولۋعا ابدەن لايىقتىسىز.

5. كاسىپكەرلىك زەرتتەۋ

ٴبىر ەلدىڭ تاعدىرى ونىڭ ەكونوميكاسىنا بايلانىستى. سوندىقتان كاسىپتىڭ قىر-سىرىن مەڭگەرىپ قانا قويماي، وعان زەرتتەۋ جاساۋ، باعانىڭ قۇنىن، ٴوسۋى مەن ٴتۇسۋىن ساراپتاي ٴبىلۋ ۇلكەن ەڭبەكتى تالاپ ەتەدى. ال بۇل ٴىلىمدى مەڭگەرىپ، قاتىپ قالعان شەڭبەر سىرتىنا شىعىپ، كاسىپپەن اينالىسامىن دەسەڭىز، وسى باعىتتاعى كىتاپتارعا ٴۇڭىلىڭىز، اقپاراتتاردى پايدالانىڭىز، يگەرىڭىز.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي