BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

7 كۇنگە ارنالعان جاپون ديەتاسى

فوتو: AzbukaDiet.ru

ازيالىق ايەلدەر اراسىنان ارتىق سالماقتىلارىن كوپ كەزدەستىرە بەرمەيتىنىمىز راس. ونىڭ سىرى نەدە؟ تابيعات پا، تۇقىمقۋالاۋشىلىق پا؟ الدە ولاردىڭ اس مازىرىندە قۇپيا بولار؟ تومەندەگى جاپوندىق ديەتامەن 7 كۇندە 5 كيلوگرامم سالماق تاستاڭىز.

قانداي ديەتا بولماسىن، ناقتى ناتيجەگە قول جەتكىزۋ ٴۇشىن ونىڭ تالاپتارىن تولىعىمەن ورىنداۋ كەرەك. سول سياقتى جاپوندىق ديەتانىڭ باستى تالاپتارى – ٴتاتتى، ۇن ونىمدەرى، مايلى مەن تۇزدى تاعامعا جولاماۋ. ەگەر 7 كۇن جاپوندىق ديەتادان كەيىن دە ونىڭ ەرەجەلەرىنە ۇستاناتىن بولساڭىز، ديەتا كەزىندە تاستاعان سالماعىڭىزدى قايتا قوسپايتىن بولاسىز.

بۇل ديەتانى باستاۋدان ٴبىر كۇن بۇرىن تۇز بەن ەتتى اس مازىرىنەن ازايتىڭىز. كوكونىستەردەن كوبىرەك جەپ، كۇنىنە، كەم دەگەندە، 1،5 ليتر سۋ ٴىشىڭىز.

1-كۇن:

تاڭعى اسقا 1 كەسە ٴسۇتسىز، قانتسىز كوفە ٴىشىپ، ارتىنان 1 ستاكان سۋ ٴىشىڭىز. سۋ اعزاداعى توكسيندەردى ايداپ شىعارىپ، استىڭ دۇرىس قورىتىلۋىنا سەپتىگىن تيگىزەدى.

تۇسكى اسقا 2 پىسكەن (قايناتىپ) جۇمىرتقا، پەكين ورامجاپىراعىنان دايىندالعان شاعىن سالات جانە 1 ستاكان تومات شىرىنى جەتكىلىكتى. تومات شىرىنىن ۇيدە دايىنداعان ٴجون. ويتكەنى دۇكەندە ساتىلاتىن شىرىننىڭ قۇرامىندا تۇز بولادى. ال جاپون ديەتاسىنىڭ باستى قاعيداعىسىنىڭ ٴبىرى – تۇزدان باس تارتۋ.

كەشكى اسقا بالىق (250گ) ٴپىسىرىپ (بۋدا نە قايناتىپ) جەڭىز.

2-كۇن:

تاڭعى اسقا 1 كەسە ٴسۇتسىز، قانتسىز كوفە مەن ازداعان كەپتىرىلگەن نان (رجانوي سۋحاريك).

تۇسكى اسقا ورامجاپىراقتان دايىندالعان شاعىن سالات پەن بالىق (سۋعا پىسكەن).
كەشكى اسقا 200 گ مايسىز قوي ەتى (سۋعا پىسكەن) جانە 1 ستاقان ايران (مايلىلىعى 1%).

3-كۇن:

تاڭعى اسقا 1 كەسە ٴسۇتسىز، قانتسىز كوفە مەن ازداعان كەپتىرىلگەن نان.

تۇسكى اسقا تاباعا ازداپ ٴزايتۇن مايىن قۇيىپ، كادى قۋىرىپ جەڭىز.

كەشكى اسقا 2 جۇمىرتقا (سۋعا پىسكەن)، 200 گ مايسىز قوي ەتى (سۋعا پىسكەن) جانە ورامجاپىراقتان دايىندالعان شاعىن سالات.
4-كۇن:

تاڭعى اسقا 1 كەسە ٴسۇتسىز، قانتسىز كوفە.

تۇسكى اسقا مىندەتتى تۇردە ىرىمشىك ٴتىلىمى (15 گ)، 1 جۇمىرتقا (سۋعا پىسكەن) جانە ٴسابىز (سۋعا پىسكەن).

كەشكى اسقا 2 قىزىل الما.

5-كۇن:

تاڭعى اسقا ٴسابىز (سۋعا پىسكەن) بەن ليمون شىرىنى.

تۇسكى اسقا 250 گ بالىق (بۋدا نە سۋعا پىسكەن) جانە 1 ستاقان تومات شىرىنى.

كەشكى اسقا 2 قىزىل الما.

6-كۇن:

تاڭعى اسقا 1 كەسە ٴسۇتسىز، قانتسىز كوفە.

تۇسكى اسقا 500 گ تاۋىق ەتى (قايناتىپ)، ٴزايتۇن مايىمەن ورامجاپىراق نەمەسە ٴسابىز سالاتى.

كەشكى اسقا ورامجاپىراق سالاتى جانە 2 جۇمىرتقا (سۋعا پىسكەن)

7-كۇن:

تاڭعى اسقا 1 كەسە كوك شاي.

تۇسكى اسقا 200 گ سيىر ەتى (قايناتىپ) جانە جەمىستەر (الما، المۇرت، اپەلسين).
كەشكى اسقا ٴۇشىنشى كۇنگى اس مازىرىنەن (2 جۇمىرتقا (سۋعا پىسكەن)، 200 گ مايسىز قوي ەتى (قۋىرىلماعان) جانە ورامجاپىراقتان دايىندالعان شاعىن سالات) باسقاسىنىڭ كەز كەلگەنىن جەۋىڭىزگە بولادى.

سونىمەن قاتار كۇندەلىكتى كەم دەگەندە 1،5 ليتر سۋ ٴىشىپ ٴجۇرۋدى ۇمىتپاڭىز.

دەرەككوز: anabol.kz


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي