BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جاڭا ماۋسىم جاڭالىقتارعا تولى

«قازاقستان» ۇلتتىق ارناسىنىڭ ٴداستۇرلى ونەردى دارىپتەيتىن «سەگىز قىرلى، ٴبىر سىرلى» ينتەللەكتۋالدىق، مۋزىكالىق-كوڭىلاشار باعدارلاماسىنىڭ ەكىنشى ماۋسىمى ٴوز مارەسىنە جەتتى. اقتىق سايىس پەن جەڭىمپازداردى ماراپاتتاۋ ٴراسىمىن بۇگىن تەلە-ەفيردەن تاماشالاي الاسىزدار. ٴبىز جوبا پروديۋسەرى نازگۇل سارىبايەۆادان بايقاۋ بارىسى جايلى سۇراعان ەدىك.
 - ٴبىرىنشى ماۋسىمدا قانشا ونەرپاز قا­تىستى؟ - «سەگىز قىرلى» ٴداستۇرلى ٴان باي­گەسى 2009 جىلدىڭ 11 ساۋىرىنەن بەرى ەفيرگە شىعىپ كەلەدى. 1 ماۋسىمدا 32 ونەرپاز: 8 ٴانشى باتىس ٴان مەكتەبىنەن، 8 ٴانشى ارقانىڭ انشىلىك مەكتەبىنەن، 8 ٴانشى جەتىسۋ انشىلىك-ورىن­داۋ­شىلىق مەكتەبىنەن، سونداي-اق سىر­دىڭ جىرشىلىق ٴداستۇرىن جالعاس­تىرۋشى 8 ۇمىتكەر باق سىنادى. ولار­دىڭ اراسىنان بەيبىت مۇسايەۆ (جەتىسۋ)، اقمارال ەرىمبەتوۆا (با­تىس)، تالعات ابۋعازين (ارقا)، بەي­سەنبەك تولەۋبايەۆتار (سىر) توپ جا­رىپ شىقتى. باس جۇلدەنى قازاقستان رەس­پۋبليكاسىنىڭ مادەنيەت قاي­رات­كەرى ارداق يساتايەۆانىڭ شاكىرتى - تالعات ابۋعازين يەلەندى. - جالپى، ورىنداۋشىلارعا قويى­لا­تىن تالاپ قانداي؟ - قاتىسۋشىلاردىڭ جاس ەرەك­شەلىگى 18-35 جاس ارالىعىن قۇراۋى ٴتيىس. ولار ارنايى كوميسسيا ازىرلەگەن 4 مەكتەپتىڭ اندەرىن جاقسى مەڭگەرۋى مىندەت. باعدارلامادا ەكى ٴداستۇرلى ٴانشى سايىسقا تۇسەدى. «كوڭىلاشار» بولىمىندە وزدەرىنىڭ داۋىس مۇم­كىن­دىكتەرىن كورسەتەدى. «ان-كوكپاردا» بىلىكتىلىكتەرىن تانىتادى، «ولەڭ - ٴسوز­دىڭ پاتشاسى» ايدارىندا جا­سىرىلعان ولەڭ جولدارىن تولىق­تىرادى جانە سول شۋماقتى ورىنداپ بەرەدى. «امانات» ايدارىندا ۇيا­شىقتارعا جاسىرىلعان «التىن قور­دا» ساقتالعان مايتالمان ٴانشى، جىرشى-جىراۋلاردىڭ ۇندەرىن تاس­پادان 5 سەكۋند ىشىندە ٴدوپ باسىپ تانۋى قاجەت. ال «ٴسىز ەستىمەگەن ٴبىر ٴان» ايدارىندا بۇرىن-سوڭدى ەش جەردە ورىندالماعان حالىق اندەرى مەن حالىق كومپوزيتورلارىنىڭ جانە بۇگىنگى سازگەرلەردىڭ ٴداستۇرلى اندەرىن جارىققا شىعارۋى كەرەك. - «ٴسىز ەستىمەگەن ٴبىر ٴان» ايدارى ٴبىز ەس­تىمەگەن قانشا ٴاندى جارىققا شى­عار­دى؟ - ٴبىرىنشى ماۋسىمدا «ٴسىز ەستىمەگەن ٴبىر ٴان» ايدارىندا 68 جاڭا ٴان ورىندالسا، ەكىنشى ماۋسىمدا بۇرىن-سوڭدى ەش جەردە شىرقالماعان 81 تۋىندى قازاق ٴان قورجىنىن تو­لىقتىردى. كورەرمەن كوڭىلىنەن شى­عىپ، ۇلكەن ساحنالارعا جولداما الدى. جانە «سەگىز قىرلىنىڭ» «امانات» ايدارى ارقىلى جۇسىپبەك ەلەبەكوۆ، مادەنيەت ەشەكەەۆ، قالي بايجانوۆ، قوسىمجان باباقوۆ، ماناربەك ەرجانوۆ، جانىبەك كارمەنوۆ (ارقا)، رۇستەمبەك جىراۋ جيەنباي ۇلى، كوشەنەي رۇستەمبەك ۇلى، بيداس رۇستەمبەكوۆ، ٴشامشات تولەپوۆا، بالقاشباي جىراۋ ٴجۇسىپوۆ (سىر)، ٴالي قۇرمانوۆ، عاريفوللا قۇر­مانعاليەۆ، قاتيموللا بەردىعاليەۆ، كۇرىش تاسبولاتوۆ، مەكەس تورەشوۆ، جاقسىلىق سارسەنعاليەۆ، قالامپىر راحيموۆا (باتىس)، دانەش راقىشەۆ، اسەمحان قوسباساروۆ، ٴالىمقۇل جامبىلوۆ، تورتكەن كەنەنقىزى، مىرزاحمەت مۋكامانوۆ، جاقسىلىق مىرقايەۆ (جەتىسۋ) سىندى كوپتەگەن قازاقتىڭ ماڭدايىنا بىتكەن ٴبىرتۋار تالانتتارىنىڭ عاجاپ ۇندەرى جاڭ­عىرىپ، جاس ۇرپاقتىڭ ساناسىنا ٴسىڭدى. ٴداستۇرلى ونەردىڭ جەڭىسى - وسى بولسا كەرەك. - كەشەگى ماۋسىم قالاي قورى­تىن­دىلاندى؟ جەڭىمپاز كىم؟ - كەشە ارقانىڭ انشىلىك مەك­تەبىن ناسيحاتتاۋشى جاستاردىڭ جولى بولىپ، فينالدا اتاقتى شاشۋباي اقىنداردىڭ ۇزەڭگىلەسى، ەلگە تانىمال ٴارى ٴانشى، ٴارى كومپوزيتور ماياسار اقىننىڭ ۇرپاعى جاقسىگەلدى مايا­ساروۆ پەن ونەردەگى قادامىن كۇي­شىلىكپەن باستاعان، 2010 جىلى وتكەن «جاس جۇلدىز» فەستيۆالىندە ٴداستۇرلى ٴان نوميناسياسى بويىنشا 1 ورىندى يەلەنگەن ەسبول شاڭبايەۆ باق سى­ناستى. ەكەۋى دە تاماشا ورىنداۋ­شى­لار، دەگەنمەن «امانات» ايدارىندا ەسبول شاڭبايەۆ العىرلىق تانىتىپ، جەڭىسكە جەتتى. - جوبا ٴارى قاراي جالعاسىن تابا ما؟ - مىندەتتى تۇردە. ويتكەنى «سەگىز قىر­لى» ٴان بايگەسى - الەمدىك تەلە­ۆيزيا تاريحىندا انالوگى جوق ەكسكليۋزيۆتى جوبا. يدەيا اۆتورى - ونەرتانۋ عىلىمدارىنىڭ كانديداتى، ۇلت­تىق ارنانىڭ مۋزىكالىق پروديۋسەرى ساعاتبەك قاليەۆ. «قا­زاقستان» ۇلتتىق تەلەارناسىنىڭ كورەرمەندەرى ٴۇشىن ماقساتتى تۇردە ارنايى ازىرلەنىپ وتىر. سوندىقتان كەلەسى ماۋسىمنىڭ ٴتۇسىرىلىمى 11، 12 ناۋرىزعا جوسپارلانىپ، قازىرگى ساتتە وعان قاتىسۋشىلاردىڭ ٴتىزىمى ىرىكتەلۋ ۇس­تىندە. جالپى. جوبانىڭ قۇ­رى­لىمىندا بۇرىنعى ماۋسىمداردان اسا ايىرماشىلىق بولمايدى، دەگەنمەن ٴبىرشاما جاڭالىقتار بولاتىندىعى راس. بۇل - ازىرگە كاسىبي قۇپيا. http://www.aikyn.kz/index.php؟option=com_content&task=view&id=5970&itemid=2

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي