BAQ.kz - Қазақстан жаңалықтары USD 376.4 BAQ.kz - Қазақстан жаңалықтары EUR 427.36 BAQ.kz - Қазақстан жаңалықтары RUB 5.86
استانا:

مينيستر قازاقستاندا يپوتەكا باعاسى ارزاندايتىنىن ايتتى

قر ينۆەستيسيالار جانە دامۋ ٴمينيسترى جەڭىس قاسىمبەك سەيسەنبىدەگى ۇكىمەت وتىرىسىندا «نۇرلى جەر» مەملەكەتتىك باعدارلاماسى بويىنشا اتقارىلاتىن جۇمىستارعا توقتالدى. ول الداعى ۋاقىتتا ەلىمىزدە يپوتەكا باعاسى ارزاندايتىنىن ايتتى، دەپ حابارلايدى baq.kz ٴتىلشىسى.

«بۇل باعدارلامانى ٴارى قاراي جۇزەگە اسىرۋدىڭ مەحانيزمىن قاراستىرامىز. مەملەكەت باسشىسى جۇكتەگەن تاپسىرمالاردان سوڭ ارحيتەكتۋرا، قالا قۇرىلىسى جانە قۇرىلىس سالاسىندا مەملەكەتتىك نورماتيۆتەردى جەتىلدىرۋ بويىنشا جۇمىستاردى باستادىق»، - دەدى مينيستر.

ونىڭ ايتۋىنشا، قازاقستاندا يپوتەكالىق نەسيە قۇنى ارزاندايدى.

«قولجەتىمدى باسپانامەن قامتاماسىز ەتۋ ماقساتىندا 2030 جىلعا قاراي ٴبىر تۇرعىندى 30 شارشى مەترلىك باسپانامەن قامتاماسىز ەتۋ كورسەتكىشىنە جەتكىزۋ ارقىلى يپوتەكالىق نەسيەلەۋ قۇنىن ارزانداتۋ بويىنشا ماسەلەلەر قاراستىرىپ جاتىرمىز. بيىل كوممەرسيالىق بانكتەر قۇرىلىس سالۋشىلارعا 125 ملرد تەڭگە كولەمىندە سۋبسيديالانعان نەسيە، 105 ملرد تەڭگە يپوتەكالىق نەسيە بەرەدى. بانك سەكتورىنىڭ جاندانۋى جىل سايىن نەسيە بەرۋ كولەمىن 350 ميلليارد تەڭگەگە دەيىن ارتتىرسا، «تۇرعىن ٴۇي قۇرىلىس جيناق بانكى» سالىمشىلارىنىڭ ۇلەسىن ەكونوميكالىق بەلسەندى حالىقتىڭ 12 پايىزىنا دەيىن جەتكىزەدى. قابىلدانعان شارالاردىڭ ارقاسىندا بىلتىرعى جىلمەن سالىستىرعاندا 2018 جىلى قوسىمشا باسپانا بەرۋ 6 پايىزعا كوبەيمەك»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي