BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

تەلەكوپىر. اتىراۋدا ۇن ديىرمەنى ىسكە قوسىلدى

اتىراۋ، baq.kz. يندۋستريالاندىرۋ كۇنى اياسىندا وتكەن تەلەكوپىردە مەملەكەت باسشىسى نۇرسۇلتان نازاربايەۆ اتىراۋدا ۇن تارتاتىن ديىرمەندى ىسكە قوستى.

"ۇن تارتاتىن ديىرمەن جوباسى اۋىل شارۋاشىلىعىن دامىتۋعا باعىتتالعان مەملەكەتتىك باعدارلامالار اياسىندا قولعا الىنعان. «سيفرلى قازاقستان» باعدارلاماسى دا سەپتىگىن تيگىزدى. ديىرمەن قازىرگى زامانعى يتالياندىق جابدىقپەن قامتىلعان. باسقارۋ پروسەسى تولىعىمەن اۆتوماتتاندىرىلعان. ٴوندىرىستى پلانشەت ارقىلى باسقارۋعا بولادى"، - دەيدى جوبا جەتەكشىسى راشيد وتاروۆ.

ديىرمەن «داۋلەت» جەكەمەنشىك يندۋستريالىق ايماعىندا ورنالاسقان. كەشەننىڭ باستى باعىتى - نان جانە ماكارون ونىمدەرىن دايىندايتىن جوعارى جانە ٴبىرىنشى سۇرىپتاعى ۇن الۋعا قاجەت بيدايدى وڭدەۋ. ۇنتاق جارما مەن كەبەك شىعارۋ دا جوسپاردا بار. مەكەمەنىڭ ماقساتى ازىق-تۇلىك جانە جەڭىل ونەركاسىپتەردە 100 پايىز قازاقستاندىق مازمۇندى دامىتۋ، وتاندىق تاۋار ٴوندىرۋدى ۇلعايتۋ.

اتىراۋ وبلىسىنىڭ اكىمى نۇرلان نوعايەۆ تەلەكوپىر باستالعانعا دەيىن وندىرىسپەن تانىسىپ، مۇنداي جوبالار مۇنايلى ٴوڭىر ٴۇشىن ماڭىزدى ەكەنىن اتاپ ٴوتتى. جەرگىلىكتى ساپالى ٴونىم بولاشاقتا سىرتتان كەلەتىن اۋىل شارۋاشىلىعى تاۋارلارىمەن باسەكەگە تۇسە الادى.

جوبا باستاماشىلارىنىڭ ايتۋىنشا، وندىرىسكە قاجەت بيداي سولتۇستىك قازاقستاننان ساتىپ الىنادى. شىعارىلاتىن ٴونىم قازاقستاننىڭ باتىس ٴوڭىرىنىڭ قاجەتتىلىگىن تولىق جابادى. بولاشاقتا تمد جانە ازيا ەلدەرىنە ەكسپورتتاۋ جوسپارلانىپ وتىر.

جالپى قۇنى 4،4 ملرد تەڭگە بولاتىن جوبا جىلىنا 55 مىڭ توننا ٴونىم شىعارادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي