BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردالىقتاردىڭ 19 % «قينالعاندا» پارا بەرەتىن بولىپ شىقتى

استانا، baq.kz. قىزىلوردا وبلىسىندا پارا بەرۋدەن باس تارتاتىنداردىڭ سانى ارتقان.

«سىر مەديا» ٴجشس-نىڭ اقپاراتتىق تالداۋ ورتالىعى قىزىلوردالىق تۇرعىنداردىڭ سىبايلاس جەمقورلىق ماسەلەسىنە كوزقاراستارىن انىقتاۋ ماقساتىندا الەۋمەتتىك زەرتتەۋ جۇرگىزگەن.

بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتىنىڭ باق وكىلدەرىمەن وتكىزىلگەن بريفينگ بارىسىندا بەلگىلى بولدى.

«الەۋمەتتىك زەرتتەۋگە قاتىسقان وبلىس تۇرعىندارىنىڭ 66 پايىزى سىياقى نەمەسە پارا بەرمەيتىنىن ايتقان. پارا بەرمەيمىز دەۋشىلەردىڭ قاتارى وتكەن جىلمەن سالىستىرعاندا 6،7 پايىزعا ارتىپ وتىر»، - دەدى ٴباسپاسوز بريفيگىندە اگەنتتىكتىڭ وبلىستىق دەپارتامەنتى باسشىسىنىڭ ورىنباسارى بايحوجايەۆ.

دەگەنمەن دە تۇرعىنداردىڭ 19 پايىزى قينالعان ساتىندە پارا بەرەتىنىن بىلدىرگەن.

ال، «you&me» قوعامدىق پىكىردى زەرتتەۋ ورتالىعىنىڭ قازاقستان رەسپۋبليكاسىنداعى سىبايلاس جەمقورلىقتى قابىلداۋ دەڭگەيىن انىقتاۋ بويىنشا جۇرگىزگەن الەۋمەتتىك زەرتتەۋىنە قاتىسقان قىزىلوردالىقتاردىڭ 94،5 پايىزى سىبايلاس جەمقورلىققا قارسى ەكەندەرىن بىلدىرسە، رەسپوندەنتتەردىڭ 83،3 پايىزى پارا نەمەسە سىيلىق بەرۋ جاعدايىنا كەزىكپەگەنىن ايتقان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي