BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردا – كوشباسشى

فوتو: Бауыржан Жуасбаев

استانا، baq.kz. 2018 جىلعى رەيتينگ قورىتىندىسى بويىنشا قىزىلوردا وبلىسى بيزنەستى جۇرگىزۋ ٴۇشىن قولايلى جاعداي جاساعان ەڭ ۇزدىك ٴوڭىر دەپ تانىلدى.

بۇگىن "يندۋستريالاندىرۋدىڭ ەكىنشى بەسجىلدىعى. قازاقستاندا جاسالعان" جالپىۇلتتىق تەلەكوپىر بارىسىندا مەملەكەت باسشىسى قىزىلوردا وبلىسىنىڭ اكىمى قىرىمبەك كوشەربايەۆقا «ەڭ ۇزدىك بيزنەس ورتا قۇرعانى ٴۇشىن» نوميناسياسى بويىنشا "التىن ساپا" سىيلىعىن تابىستادى.

ايتا كەتەيىك، 2018 جىلدىڭ 1 قاراشاسىندا وڭىردە 51 956 شاعىن جانە ورتا بيزنەس سۋبەكتىسى تىركەلگەن، ونىڭ ىشىندە 42 066 جۇمىس ىستەپ تۇر. وتكەن جىلدىڭ سايكەس كەزەڭىمەن سالىستىرعاندا شاعىن جانە ورتا بيزنەس سۋبەكتىلەرىنىڭ سانى 12،7 پايىزدى قۇرادى. بۇل - رەسپۋبليكادا ەڭ جاقسى كورسەتكىش. سونىمەن قاتار، جۇمىس ىستەپ تۇرعان شاعىن جانە ورتا بيزنەس سۋبەكتىلەرىنىڭ ۇلەسى تىركەلگەندەر سانىنىڭ 80،9%-ىن قۇرادى.

ەستەرىڭىزگە سالا كەتەيىك، جاپپاي كاسىپكەرلىكتى دامىتۋ، حالىقتى جۇمىسپەن قامتۋ ماسەلەلەرىن ٴتيىمدى شەشۋ مەن جالپى ىشكى ونىمدەگى شاعىن جانە ورتا بيزنەستىڭ ۇلەسىن ايتارلىقتاي ارتتىرۋ ماقساتىندا وبلىس اكىمدىگىنىڭ، وبلىستىق ٴماسليحاتتىڭ، "نۇر وتان" پارتياسى فيليالىنىڭ، قوعامدىق كەڭەستىڭ جانە وڭىرلىك كاسىپكەرلەر پالاتاسىنىڭ شەشىمىمەن 2018-2020 جىلدارى وڭىردە جاپپاي كاسىپكەرلىكتى دامىتۋدىڭ ٴۇش جىلدىعى رەتىندە جاريالاندى. جىل باسىندا "جاپپاي كاسىپكەرلىكتى دامىتۋدىڭ جول كارتاسى" ازىرلەندى. شاعىن جانە ورتا بيزنەستى قارجىلاندىرۋعا رەسپۋبليكالىق جانە وبلىستىق بيۋدجەتتەن، بانكتەر مەن قورلاردان 32 ميلليارد تەڭگەدەن استام قارجى ٴبولىندى. ونىڭ ىشىندە ستارتاپ-جوبالارعا 3 ميلليارد تەڭگەدەن استام قارجى قاراستىرىلعان.

جاپپاي كاسىپكەرلىكتى، اسىرەسە اۋىلدىق جەرلەردە دامىتۋعا وڭىردە باسىمدىق بەرىلىپ وتىر، وبلىستىڭ ٴاربىر اۋىلدىق ەلدىمەكەنىنە جەرگىلىكتى اتقارۋشى ورگاندار مەن ورتالىق مەملەكەتتىك ورگانداردىڭ اۋماقتىق بولىمشەلەرىنىڭ باسشىلارىنان شاعىن جانە ورتا بيزنەستى دامىتۋعا جاۋاپتىلار بەكىتىلدى. سونىمەن قاتار، جىل قورىتىندىسى بويىنشا ٴوز ٴىسىن وسى جىلى باستاعان ٴار اۋدان مەن وبلىس ورتالىعىنداعى ۇزدىك ستارتاپ-كاسىپكەرلەردى، سونداي-اق اۋداننىڭ ۇزدىك اكىمىن جانە جاۋاپتى لاۋازىمدى تۇلعانى 1 ملن.تەڭگە كولەمىندەگى سىياقىمەن ماراپاتتاۋ تۋرالى شەشىم قابىلداندى.

ەسكە سالايىق، بولاشاق جانە ٴوز ىستەرىن باستاعان كاسىپكەرلەر ٴۇشىن بارلىق قولايلى جاعدايلاردى جاساۋ ماقساتىندا كاسىپكەرلەر ٴۇيى اشىلدى. مۇندا وبلىستىق كاسىپكەرلىك جانە تۋريزم باسقارماسى، «قىزىلوردا» وڭىرلىك ينۆەستيسيالىق ورتالىعى، كاسىپكەرلەرگە قىزمەت كورسەتۋ ورتالىعى، «جوبالارعا ساراپتاما جۇرگىزۋ ورتالىعى» جشس، وڭىرلىك كاسىپكەرلەر پالاتاسى، ەكىنشى دەڭگەيلى ٴبىرقاتار بانك فيليالدارى جانە وزگە دە مەكەمەلەر ورنالاستىرىلعان. سونداي-اق، ايماقتىڭ كاسىپكەرلەرى ٴۇشىن ەلەكتروندىق قىزمەت تۇرلەرىن تەگىن الۋعا بولاتىن ونلاين-كابينەت جۇمىس ىستەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي