BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەلەسى جىلى 77 مىڭ اقتوبەلىكتىڭ جالاقىسى وسەدى 

استانا، baq.kz ٴتىلشىسى. بۇل جونىندە ورتالىق كوممۋنيكاسيالار قىزمەتىندە وڭىردە مەملەكەت باسشىسىنىڭ جولداۋىن ىسكە اسىرۋ بارىسى جانە اعىمداعى جىلدىڭ الەۋمەتتىك-ەكونوميكالىق دامۋ قورىتىندىلارىنا ارنالعان بريفينگتە اقتوبە وبلىسىنىڭ اكىمى بەردىبەك ساپاربايەۆ مالىمدەدى.

«اعىمداعى جىلدىڭ 10 ايىندا اقتوبە وبلىسىنەدا 1،3 ترلن تەڭگەنىڭ ٴوندىرىس ونىمدەرى شىعارىلىپ، ٴوڭىر ەكونوميكاسىنا 376 ملرد تەڭگە قاراجات ٴتۇستى. اۋىل شارۋاشىلىعىندا 193 ملرد تەڭگەگە، قۇرىلىستا 133 ملرد تەڭگەگە تابىس بولسا، قازىرگى ۋاقىتتا 600 مىڭ شارشى مەتر تۇرعىن ٴۇي پايدالانۋعا بەرىلدى. جىل سوڭىنا دەيىن بۇل كورسەتكىشتى كەمىندە 900 مىڭ شارشى مەترگە جەتكىزۋ كوزدەلىپ وتىر»، - دەدى ساپاربايەۆ.

وبلىس اكىمى اتاپ وتكەندەي، بيۋدجەتكە 400 ملرد تەڭگەدەن استام كىرىس ٴتۇسىپ، قارجىنىڭ يگەرىلۋى 94،4% قۇراعان. بۇل ٴوڭىر ەكونوميكاسىنىڭ دامۋ قارقىنىڭ 5% جەتكىزگەن.

«تاپسىرماعا سايكەس، تومەن جالاقى الاتىن ازاماتتار توبىنا تالداۋ جاسالدى. انىقتالعانداي، كەلەسى جىلدىڭ قاڭتار ايىنان باستاپ جوبامەن كەمىندە 77 مىڭ ادامنىڭ جالاقىسى ٴوسۋى كەرەك. جالاقىنى ۇلعايتۋ جونىندە كاسىپورىندارمەن، مەكەمەلەرمەن ارنايى مەموراندۋم جاسالعان. وعان سايكەس، جىل سايىن ەڭبەكاقى كەمىندە 5-10% وسەدى»، - دەدى ٴوڭىر باسشىسى.

ول جەكە ينۆەستيسيالار تارتۋ بويىنشا اۋقىمدى جۇمىستار اتقارىلىپ جاتقانىن اتاپ ٴوتتى.

«بيىلعى جىلى جالپى قۇنى 56 ملرد تەڭگە بولاتىن 15 جوبا ىسكە قوسىلۋى كەرەك. بۇل باعىتتاعى جۇمىستار سايكەسىنشە جۇرگىزىلىپ جاتىر»، - دەدى ساپاربايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي