BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اۋا رايىنا بايلانىستى سقو-دا ساباق بولمايدى

سقو، baq.kz. سولتۇستىك قازاقستان وبلىسىنىڭ بارلىق اۋدانىندا جانە پەتروپاۆل قالاسىندا 24 جەلتوقسان كۇنى قاتتى ايازعا بايلانىستى مەكتەپتەردە 1-11 سىنىپ وقۋشىلارىنا ساباق توقتاتىلدى.

- اۋا تەمپەراتۋراسى -25 گرادۋس جانە جەلدىڭ جىلدامدىعى سەكۋندىنا ەكى مەترگە جەتكەن جاعدايدا 1-4 سىنىپتارعا، تەمپەراتۋرا -27 گرادۋس بولسا 1-9 سىنىپ وقۋشىلارىنا، ال -30 گرادۋستان اسسا جانە جەلدىڭ جىلدامدىعى سەكۋندىنا ەكى مەترگە جەتسە بارلىق سىنىپقا ساباق توقتاتىلادى. بۇگىن اۋا-رايىنىڭ قولايسىز بولۋىنا بايلانىستى بارلىق سىنىپتارعا ساباق توقتاتىلدى، - دەدى پەتروپاۆل قالالىق ٴبىلىم ٴبولىمىنىڭ باسشىسى ايناگۇل سۇراعانوۆا.

"قازگيدرومەت" مەكەمەسىنىڭ مالىمەتىنشە، بۇگىن پەتروپاۆلدا اۋا تەمپەراتۋراسى -32 گرادۋسقا دەيىن تومەندەگەن. تۇنگە قاراي پەتروپاۆلدا -39 گرادۋسقا دەيىن، ال وبلىس اۋماعىندا -40 گرادۋسقا دەيىن اياز تۇرادى دەپ بولجانىپ وتىر.

رەسمي دەرەك بويىنشا، سولتۇستىك قازاقستان وبلىسىندا 498 مەكتەپتە 71 مىڭعا جۋىق وقۋشى ٴبىلىم الادى. ال پەتروپاۆل قالاسىنداعى 36 مەكتەپتە 23 مىڭ بالا وقيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي