BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

اتىراۋدا جۇرگىزۋشىلەر مەن كوندۋكتورلاردىڭ جالاقىسى ٴوستى

اتىراۋ، baq.kz. جولسەرىكتەر مەن جۇرگىزۋشىلەردىڭ جالاقىسىن وسىرۋدەگى ماقسات -قالالىق اۆتوبۋستاردا ەلەكتروندى بيلەت جۇيەسىنىڭ ٴتيىمدى ەنگىزىلۋىنە نەگىز بولادى.

بۇل تۋرالى "سمارت-اتىراۋ" كمم باسشىسى ادىلبەك تانكيەۆ مالىمدەدى.

ونىڭ ايتۋىنشا، وسى جىلدىڭ قاراشاسىنان باستاپ قوعامدىق كولىك جۇرگىزۋشىلەرى 110 مىڭ تەڭگە ورنىنا 300 مىڭ تەڭگە جالاقى الاتىن بولادى، جولسەرىكتەر جالاقىسى 45 مىڭ تەڭگەدەن 85 مىڭ تەڭگەگە وسكەن.

"بۇل شارالار قوعامدىق كولىكتەردە جولاقى تولەۋدىڭ ەلەكتروندى جۇيەسىنىڭ وتە ٴتيىمدى ەنگىزىلگەندىگىنەن قولعا الىندى. جولاۋشىلاردىڭ قوزعالىسىن باسقارۋ، تاسىمالداۋشى مەكەمەلەر كىرىستەرىنىڭ اشىقتىعى، سونداي-اق بيۋدجەتكە سالىق تۇسىمدەرىن ارتتىرۋ ٴۇشىن. جالاقى بارلىق تاسىمالداۋشى مەكەمەلەردىڭ ەمەس، تەك ساناۋلى مەكەمەلەردىڭ جۇرگىزۋشىلەرى مەن جولسەرىكتەرى ٴۇشىن عانا ٴوستى"،- دەدى ادىلبەك تانكيەۆ.

ايتا كەتەيىك، قازىرگى تاڭدا ەلەكتروندى بيلەت جۇيەسى 6 اۆتوبۋسقا ەنگىزىلدى - 2،14،5،12،4،10. 1 جانە 20 اۆتوبۋستاردا جۇيە 1-2 كۇندە ىسكە قوسىلادى. جولاقى تولەۋ كارتاسىن قالاداعى ٴىرى ساۋدا ورىندارىندا ورنالاسقان 11 نۇكتەدەن الا الاسىز. سونىمەن قاتار، جالاقىنى 7 تولەم جۇيەسى ارقىلى تولەۋگە بولادى.

"ٴبىز كولىك جۇرگىزۋ ساناتى سايكەس كەلەتىن جۇرگىزۋشىلەردى كەلىسىم-شارتقا وتىرۋعا شاقىرامىز"،- دەپ تولىقتىردى ادىلبەك تانكيەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي