BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

الماتى وبلىسىندا مۇگەدەك ازاماتتى ٴولتىردى دەگەن كۇدىكپەن ايەل ادام ۇستالدى

تالدىقورعان، baq.kz. الماتى وبلىسىنىڭ پوليسەيلەرى 30 جاستاعى مۇمكىندىگى شەكتەۋلى ەر ادامدى ٴولتىردى دەگەن كۇدىكپەن 34 جاستاعى ايەل ادامدى ۇستادى.

وقيعا قاراتال اۋدانىندا ورىن العان. 24 جەلتوقساندا جەرگىلىكتى پوليسەيلەرگە ۇشتوبە قالاسىنداعى ۇيلەردىڭ بىرىنەن ەر ادامنىڭ ٴمايىتى تابىلعانى تۋرالى حابارلاما تۇسكەن.

وقيعا ورنىندا ٴتارتىپ ساقشىلارى قايتىس بولعان ازاماتتىڭ ٴبىر اياعى جوق 1-توپتاعى مۇگەدەك ەكەنىن جانە اناسىمەن بىرگە تۇرعانىن انىقتادى. دەنە جاراقاتىن سالعان قىلمىس قۇرالى بولۋى مۇمكىن ٴاسۇي پىشاعى وقيعا ورنىنان تابىلىپ، تاركىلەندى.

«قاراتال اۋدانىنىڭ پوليسياسى ادام ولىمىنە قاتىسى بار دەگەن كۇدىكپەن زارداپ شەگۋشىمەن كورشى تۇراتىن 34 جاستاعى ايەل ادامدى ۇستادى. الدىن الا تەرگەۋ بارىسىندا ىشىمدىك ٴىشۋ كەزىندە جانجال تۋىنداپ، قىلمىس جاسالعان. قازىرگى ۋاقىتتا بۇل ٴىس بويىنشا قر قىلمىستىق كودەكسىنىڭ 99-بابىنا سايكەس سوتقا دەيىنگى تەرگەۋ امالدارى جۇرگىزىلۋدە. كۇدىكتى اۋداندىق ۋاقىتشا ۇستاۋ وقشاۋلاعىشىنا قاماققا الىندى»،- دەپ حابارلايدى الماتى وبلىسى پوليسيا دەپارتامەنتىنىڭ ٴباسپاسوز قىزمەتى.

سونىمەن قاتار، پوليسيا تاراتقان اقپارات بويىنشا قاماققا الىنعا ازاماتشا بۇعان دەيىن توناۋ ٴىسى بويىنشا قىلمىستىق جاۋاپكەرشىلىككە تارتىلىپ، باس بوستاندىعىنان ايىرىلعانى بەلگىلى بولدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي