BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

جەرگىلىكتى ٴوزىن-وزى باسقارۋ جۇيەسىن دامىتۋىمىز كەرەك - دانيال احمەتوۆ

فوتو: Виталий Иванов

«جەرگىلىكتى ٴوزىن-وزى باسقارۋعا دەربەس بيۋدجەتتى جانە كوممۋنالدىق مەنشىكتى ەنگىزۋ» تاقىرىبىندا شىعىس قازاقستان وبلىسىندا ٴتۇڭعىش رەت اۋىل اكىمدەرىنىڭ رەسپۋبليكالىق فورۋمى ٴوتتى، دەپ حابارلايدى baq.kz اقپارات اگەنتتىگى.

فورۋم جۇمىسىنا قر ۇلتتىق ەكونوميكا ٴمينيسترى تيمۋر سۇلەيمەنوۆ، شقو اكىمى دانيال احمەتوۆ، پاۆلودار وبلىسىنىڭ اكىمى بولات باقاۋوۆ قاتىستى. سونداي-اق، شىعىس پەن پاۆلودار وڭىرلەرىنەن 500-دەن اسا اۋداندىق ماڭىزداعى قالا، اۋىل، كەنت پەن اۋىلدىق وكرۋگتەردەگى جەرگىلىكتى اتقارۋشى ورگاندارىنىڭ وكىلدەرى كەلدى.

2018 جىلعى قاڭتاردىڭ بىرىنەن باستاپ رەسپۋبليكاداعى ەلدى-مەكەندەردى قارجىلاندىرۋ ٴۇشىن جەرگىلىكتى ٴوزىن-وزى باسقارۋدىڭ دەربەس بيۋدجەتىن ساتىلاي ەنگىزۋ باستالادى.

"جەرگىلىكتى ٴوزىن-وزى باسقارۋ جۇيەسىن دامىتۋىمىز كەرەك. ماڭىزدى سۇراقتاردى شەشۋدە تۇرعىندار ەتەنە اتسالىسىپ، بيلىك ولاردىڭ پىكىرلەرىنە قۇلاق اسۋى ٴتيىس. سوندا عانا سەنىم پايدا بولادى. ٴبىراق، قاراجاتتى دۇرىس جانە ٴتيىمدى جۇمساۋ ٴۇشىن اكىمدەردىڭ بىلىگى مەن ٴبىلىمى باسقا دەڭگەيدە بولۋى قاجەت"، - دەدى ايماق باسشىسى دانيال احمەتوۆ.

اۋىل تۇرعىندارىنىڭ سالىعىنىڭ دەنى بۇدان بىلاي مەكتەپكە دەيىنگى تاربيە مەن ٴبىلىم بەرۋگە، اباتتاندىرۋ، كوگالداندىرۋ، جەرگىلىكتى جولدىڭ جاعدايىن جاقسارتۋ سياقتى ماڭىزدى ماسەلەلەرگە جۇمسالادى. بۇل رەتتە فورۋمدا قاراجاتتى جۇمساۋ باعىتىن ناقتىلاۋعا اۋىل تۇرعىندارى دا بىلەك سىبانا كىرىسۋلەرى كەرەكتىگى ەرەكشە اتاپ ٴوتىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي