BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

رەفورمالاردى تابىستى جۇزەگە اسىرۋدا قوعام ورتاق ماقساتقا جۇمىلۋى ٴتيىس – كالەتايەۆ

فوتو: Бауыржан Жуасбаев

استانا، baq.kz ٴتىلشىسى. بۇگىن استانادا مەملەكەت باسشىسى نۇرسۇلتان نازاربايەۆتىڭ قاتىسۋىمەن ٴوتىپ جاتقان viii ازاماتتىق فورۋمعا مىڭنان استام دەلەگات قاتىسىپ وتىر. بۇل تۋرالى قوعامدىق دامۋ ٴمينيسترى دارحان كالەتايەۆ مالىمدەدى.

«ەلباسىنىڭ ازاماتتىق فورۋمعا قاتىسۋى جيىننىڭ ماڭىزى مەن مارتەبەسىن ەسەلەپ وتىر. بۇل مەملەكەت پەن قوعام ٴۇشىن دە، ازاماتتىق سەكتور ٴۇشىن دە ۇلكەن وقيعا. بۇل فورۋمعا ەلباسىنىڭ ساياساتىن قولدايتىن، ەلدىڭ جارقىن بولاشىعىنا سەنەتىن ازاماتتاردىڭ فورۋمى دەسە دە بولادى. مۇنداي كەزدەسۋلەر حالىقتى، ازاماتتاردى قاناتتاندىرىپ، ولاردىڭ قىزمەتتەرىنە، جوبا-جوسپارىنىڭ تابىستى جۇزەگە اسۋىنا سەپتىگىن تيگىزەدى دەپ ويلايمىن. پرەزيدەنتتىڭ باستامالارىن لايىقتى ىسكە اسىرۋدا قازاقستاننىڭ ازاماتتىق سەكتورىنىڭ ٴرولى اسا ماڭىزدى. ەلباسى ٴوزىنىڭ «قازاقستاننىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىندا اتاپ وتكەندەي ٴاربىر قازاقستاندىق جۇرگىزىلىپ جاتقان رەفورمالاردىڭ ٴمانىن جانە ولاردىڭ وتانىمىزدىڭ وركەندەۋ جولىندا ماڭىزىن جەتە ٴتۇسىندىرۋى ٴتيىس. رەفورمالاردى تابىستى جۇزەگە اسىرۋ ٴۇشىن قوعامنىڭ ورتاق ماقساتقا جۇمىلۋى اسا ماڭىزدى. بۇگىنگى ازاماتتىق فورۋم ٴدال وسى ماقساتتى كوزدەيدى»، - دەدى مينيستر.

كالەتايەۆ بۇل فورۋمنىڭ ماڭىزى دا، مازمۇنى دا ەرەكشە ەكەنىن اتاپ ٴوتتى.

«ازاماتتىق فورۋم العاش رەت وسىنداي اۋقىمدا، پانەلدىك سەسسيالاردى جۇيەلى ۇيىمداستىرۋ ٴوتىپ جاتىر. ەكى كۇندە پىكىرتالاس جاساۋعا، پىكىر الماسۋعا ارنالعان 35 ديالوگ الاڭى كوزدەلدى. فورۋمعا قاتىسۋشىلار سانى رەكوردتى كورسەتكىشكە جەتتى. فورۋمعا ەلىمىزدىڭ ازاماتتىق سەكتورىنىڭ مىڭنان استام وكىلى دەلەگات رەتىندە قاتىسىپ جاتىر. قارقىندى كۇندە دامىپ كەلە جاتقان قازاقستاننىڭ ۇكىمەتتىك ەمەس سەكتورى قوعامدىق پروگرەسستىڭ قوزعاۋشى كۇشى، جاعىمدى وزگەرىستەردىڭ باستاماسىنا اينالدى»، - دەدى ول.

اتالعان شارانىڭ ماقساتى – ازاماتتىق سەكتوردىڭ، مەملەكەتتىك ورگانداردىڭ، بيزنەس-قۇرىلىمداردىڭ، حالىقارالىق ۇيىمداردىڭ جانە ساراپشىلار قاۋىمداستىعىنىڭ اشىق ديالوگىن دامىتۋ.

ٴvىىى ازاماتتىق فورۋمنىڭ كۇن تارتىبىندەگى نەگىزگى ماسەلەسى - ازاماتتىق قوعامدى دامىتۋدىڭ 2020-2025 جىلدارعا ارنالعان تۇجىرىمداما جوباسىن تالقىلاۋ.

شارا بارىسىندا الەۋمەتتىك (قر بعم، دسم، ەڭبەك جانە حالىقتى الەۋمەتتىك قورعاۋ مينيسترلىگى) جانە ەكونوميكالىق سالاعا جاۋاپتى مينيسترلەرمەن (قم، ۇەم، اشم)، قۇقىق قورعاۋ ورگاندارىنىڭ وكىلدەرىمەن قوعامنىڭ وزەكتى ماسەلەلەرى تالقىلانباق.

viii ازاماتتىق فورۋم اياسىندا سەمينارلار، شەبەرلىك ساباقتارى، دوڭگەلەك ۇستەلدەر، پىكىرتالاس الاڭدارى، مۇددەلى ۆەدومستۆولار باسشىلارىمەن سالالىق كەزدەسۋلەر تۇرىندەگى 35 تاقىرىپتىق سەسسيالار وتكىزۋ جوسپارلانعان.

فورۋمدا «ادامدار» (people)»، «پلانەتا» (planet)، «وركەندەۋ» (prosperity)، «الەم» (peace)، «سەرىكتەستىك» (partnership) اتاۋىمەن 5 پانەلدىك سەس¬سيا وتەدى. اتالعان سەسسيالار بۇۇ-نىڭ تۇراقتى دامۋ ماقساتتارىنىڭ قۇرامىنا كىرەتىن ٴتيىستى ماقساتتى توپتاردى قامتيدى.

جيىن بۇگىن دە جالعاسىن تاۋىپ وتىر. بۇگىنگى شارا نەگىزگى پلەنارلىق وتى-رىسپەن باستالىپ، ۇكىمەتتىك ەمەس ۇيىمداردى ماراپاتتاۋ راسىمىمەن اياقتالماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي