BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

ەلوردالىق 80 وتباسى «نۇرلى جەر» ارقىلى پاتەر الدى

استانا، baq.kz. جاڭا جىل مەرەكەسى قارساڭىندا ەلوردالىق وتباسىلار «نۇرلى جەر» مەملەكەتتىك تۇرعىن ٴۇي قۇرىلىسى باعدارلاماسىن ىسكە اسىرۋ اياسىندا «كەيىننەن ساتىپ الۋمەن جالعا بەرىلەتىن تۇرعىن ٴۇي» باعىتى بويىنشا جاڭا پاتەرلەردىڭ كىلتىن الدى.

كىلتتەردى تاپسىرۋ سالتاناتتى راسىمىنە استانا قالاسىنىڭ اكىمى باقىت سۇلتانوۆ جانە «قيك» يۇ» اق باسقارما ٴتوراعاسى ٴادىل مۇحامەتجانوۆ قاتىستى.

جالعا بەرىلەتىن پاتەرلەردى استانا قالاسى اكىمدىگىندە كەزەكتە تۇرعاندار الدى – ولار كوپ بالالى وتباسىلار، 1-2-توپتاعى مۇگەدەكتەر جانە مۇگەدەك بالالاردى تاربيەلەپ وتىرعان وتباسىلار، اتا-اناسىنىڭ قامقورلىعىنسىز قالعان جەتىم بالالار جانە حالىقتىڭ الەۋمەتتىك وسال توپتارىنا جاتاتىن باسقا دا ازاماتتار.

قونىستانۋشىلارعا لەپسى كوشەسى، 44 ٴۇي مەكەنجايىندا ورنالاسقان جالپى الاڭى 4،3 مىڭ ش.م. بولاتىن تۇرعىن ۇيدەن 80 پاتەر بەرىلدى. ونىڭ ىشىندە: 25 – ٴبىر بولمەلى، 41 – ەكى بولمەلى، 14 – ٴۇش بولمەلى پاتەر بار. وبەكت ەسىلدىڭ سول جاعالاۋىندا ورنالاسقان، جانىندا مەكتەپ، جەكەشە بالاباقشالار، قالالىق ەمحانا جانە بالالار اۋرۋحاناسى بار.

اي سايىنعى جالداۋ اقىسى 1 شارشى مەتر ٴۇشىن 839 تەڭگەنى قۇرايدى.بارلىق پاتەر كەزەكتە تۇرعاندارعا ارلەنگەن كۇيىندە تاپسىرىلدى. ولار تولىقتاي قونىستانۋعا دايىن، ۇيلەرگە قاجەتتى كوممۋنيكاسيالار جۇرگىزىلگەن. باستاپقى جارنا جانە ارتىق تولەم جوق. 20 جىل وتكەننەن كەيىن پاتەرلەر جالداۋشىلاردىڭ مەنشىگىنە وتەدى.

جاڭا جالداۋشىلارعا سويلەگەن سوزىندە «كيك» يۇ» اق باسقارما ٴتوراعاسى ٴادىل مۇحامەتجانوۆ قونىستانۋشىلاردى قۇتتىقتادى جانە مەملەكەت باسشىسىنىڭ قازاقستاندىقتار ٴۇشىن تۇرعىن ٴۇيدىڭ قولجەتىمدى بولۋى تۋراسىنداعى تاپسىرماسىن ورىنداۋدىڭ ماڭىزدىلىعى تۋرالى ايتتى:

«نۇرلى جەر» مەمباعدارلاماسىنىڭ ماڭىزدى مىندەتتەرىنىڭ ٴبىرى ازاماتتاردىڭ الەۋمەتتىك وسال توپتارىنىڭ تۇرعىن ٴۇي جاعدايلارىن جاقسارتۋ بولىپ تابىلادى. سوڭعى 4 جىل ىشىندە ۇلكەن جۇمىس جاسالدى. بۇگىندە «كەيىننەن ساتىپ الۋمەن جالعا بەرىلەتىن تۇرعىن ٴۇي» باعىتى بويىنشا سالىنعان پاتەرلەردە شامامەن 18 مىڭنان استام وتباسى تۇرىپ جاتىر. وسىنشاما اسەرلى دەرەكتەر – بارلىق تاراپتان جوسپارلانعان جۇمىستاردىڭ ٴساتتى ناتيجەسى مەن تيىمدىلىك كورسەتكىشى»، - دەدى ٴادىل مۇحامەتجانوۆ.

«كەيىننەن ساتىپ الۋمەن جالعا بەرىلەتىن تۇرعىن ٴۇي» باعىتى مەملەكەت باسشىسى باستامالىق ەتكەن «نۇرلى جەر» مەملەكەتتىك تۇرعىن ٴۇي قۇرىلىسى باعدارلاماسىنىڭ بولىگى بولىپ تابىلادى. «بايتەرەك» ۇبح» اق-نىڭ ەنشىلەس ۇيىمى بولىپ تابىلاتىن «قازاقستان يپوتەكالىق كومپانياسى» يۇ» اق باعدارلاما وپەراتورلارىنىڭ ٴبىرى بولىپ تابىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي