BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىرىمبەك كوشەربايەۆ نەمەن ەرەكشە ماقتاناتىنىن ايتتى

بيىل قىزىلوردالىق تۇلەكتەردىڭ 97 پايىزى ٴبىلىم گرانتىن جەڭىپ الدى. مەن وسى كورسەتكىشپەن ەرەكشە ماقتانامىن. بۇل تۋرالى قىزىلوردا وبلىسىنىڭ اكىمى قىرىمبەك كوشەربايەۆ قر ۇكىمەتىنىڭ ٴباسپاسوز ورتالىعىندا وتكەن بريفينگتە ايتتى، دەپ حابارلايدى baq.kz ٴتىلشىسى.

«بيىل مەكتەپ بىتىرگەن 6000 تۇلەكتىڭ 97 پايىزى جوعارى جانە ارنايى ورتا وقۋ ورىندارىنا ٴتۇستى. مەن وسى كورسەتكىشپەن ەرەكشە ماقتانامىن. بۇل وبلىس جاستارىنىڭ ۇلكەن پوتەنسيالى بار ەكەنىن كورسەتەدى»، - دەدى وبلىس اكىمى.

كوشەربايەۆ جاستاردىڭ وقۋعا مۇمكىندىك الۋى ولاردىڭ جامان جولعا تۇسپەۋىنە جول اشاتىنىن اتاپ ٴوتتى.

«جوعارىدا اتالعان 97 پايىز – ٴبىلىم ساپاسىنىڭ كورسەتكىشى عانا ەمەس. بۇل بالالارىمىز بەيتاراپ مارگينال جاستار قاتارىن تولىقتىرمايدى دەگەن ٴسوز. ياعني، بولاشاق ەكسترەميستەر مەن قىلمىسكەرلەردىڭ ورنىن تولتىراتىن الەۋمەتتىك بازا قىسقاردى. 2013 جىلدان باستاپ، وسى ماقساتتا وڭىردەگى تۇرمىسى تومەن جانە كوپبالالى وتباسىنان شىققان، اسىرەسە، اۋىل بالالارىنا جوعارعى وقۋ ورنىندا وقۋ ٴۇشىن وبلىس اكىمىنىڭ گرانتى تاعايىندالدى. بۇگىنگە دەيىن 694 بالا رەسپۋبليكانىڭ بەلدى وقۋ ورىندارىندا اكىم گرانتى ەسەبىنەن ٴبىلىم الۋدا»، - دەدى ٴوڭىر باسشىسى.

ونىڭ ايتۋىنشا، قىزىلوردا جاستارىنىڭ رەسەيدە دە ٴبىلىم الۋعا مۇمكىندىگى بار.

«2014 جىلدان بەرى قىزىلوردا جاستارىنا رەسەي ۇكىمەتىنىڭ ارنايى ٴبىلىم گرانتتارى ٴبولىنىپ كەلەدى. رەسەيدىڭ جەتەكشى جوعارى وقۋ ورىندارى قىزىلوردالىق تۇلەكتەردى تەحنيكالىق ماماندىقتار بويىنشا وقىتۋعا، ياعني it-ماماندار، مەتاللۋرگتەر، تەحنولوگتار، حيميكتەر دايارلاۋ تۋرالى ۇسىنىسىمىزدى قۇپتادى. ولار جىل سايىن 150 بالانى وزدەرى تاڭداپ الادى. بۇگىندە ٴبىزدىڭ 452 تۇلەك رەسەيدىڭ جەتەكشى تەحنيكالىق جوعارى وقۋ ورىندارىندا گرانتپەن ٴبىلىم الۋدا. ولاردىڭ العاشقى لەگى كەلەسى جىلى ەلگە ورالادى. سونداي-اق م.ۆ.لومونوسوۆ اتىنداعى ماسكەۋ مەملەكەتتىك ۋنيۆەرسيتەتىنىڭ رەكتورى ۆيكتور سادوۆنيچيي 2018 جىلدان باستاپ، قىزىلوردا جاستارى ٴۇشىن ماسكەۋ مەملەكەتتىك ۋنيۆەرسيتەتى ەسەبىنەن فيزيكا-ماتەماتيكا جانە مەحانيكا-ماتەماتيكا ماماندىقتارىنا قوسىمشا 20 گرانت ٴبولۋ تۋرالى شەشىم قابىلدادى»، - دەدى قىرىمبەك كوشەربايەۆ.

ٴسوز سوڭىندا ٴوڭىر باسشىسى جاستارعا زور ٴۇمىت ارتاتىنىن ايتتى.

«ٴدال وسى بالالار وڭىرگە جاڭا يندۋستريالدىق كەلبەت بەرىپ، زاماناۋي زيالى قاۋىمدى قالىپتاستىراتىن بولادى. ٴبىز ولاردىڭ ەكى مەملەكەتتىڭ اراسىنداعى دوستىق دانەكەرى بولاتىنىنا سەنىمدىمىز»، - دەدى قىزىلوردا وبلىسىنىڭ اكىمى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي