ەلىمىزدە قالدىقتىڭ 90 پايىزى پوليگون مەن قوقىس ورنىنا تاستالادى - قوعام|10 جەلتوقسان 2018، 16:18
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە قالدىقتىڭ 90 پايىزى پوليگون مەن قوقىس ورنىنا تاستالادى

استانا، baq.kz ٴتىلشىسى. قر پارلامەنتى سەناتى ٴتوراعاسىنىڭ ورىنباسارى سەرگەي گروموۆ ەلىمىزدە جىل سايىن جينالاتىن 5-6 ملن توننا قالدىقتىڭ 90 پايىزى پوليگون مەن قوقىس ورنىنا تاستالاتىنىن ايتتى.

«ەنەرگەتيكا مينيسترلىگىنىڭ مالىمەتىنە ساي، ەلىمىزدە جىل سايىن 5-6 ميلليون توننا قاتتى تۇرمىستىق قالدىق جينالادى. ولاردىڭ تەك ٴبىراز بولىگى عانا قايتا وڭدەلەدى. قالدىقتاردىڭ شامامەن 90 پايىزى پوليگوندار مەن قوقىس تاستاۋ ورىندارىنا جەتكىزىلەدى. سوندىقتان، تۇرمىستىق قالدىقتاردى دۇرىس تۇتىنۋ قاجەتتىلىگىنىڭ ماڭىزى كۇن ساناپ ارتىپ كەلەدى. بۇگىنگى تاڭدا ەلىمىزدە قالدىقتاردى ىرىكتەپ، قايتا وڭدەيتىن 100-دەن اسا كاسىپورىن جۇمىس ىستەيدى. ولار 20-دان استام ٴونىم ٴتۇرىن شىعارادى. قايتا-قايتا جينالىپ قالاتىن قوقىس پروبلەماسىن شەشۋدىڭ نەگىزگى جولدارى – قايتا وڭدەۋ، ورتەۋ جانە كومۋ. بۇل قازىرگى كەزدەگى ەڭ قاراپايىم ادىستەر. بىزگە ٴبىرىنشى كەزەكتە قالدىقتاردىڭ رەسيركۋلياسياسىن جۇيەلەۋ كەرەك. سەبەبى ول قورشاعان ورتاعا زيانىن تيگىزبەيدى. ٴقازىر قالدىقتاردىڭ رەسيركۋلياسياسى دامىعان ەلدەردىڭ ەكولوگيالىق ساياساتىنىڭ باسىم باعىتتارىنىڭ ٴبىرى سانالادى. دامىعان ەلدەردە قالدىقتار ەكىنشى سۇرىپتى شيكىزات سانالادى»، - دەدى گروموۆ سەناتتا ٴوتىپ جاتقان «ٴوڭىر» دەپۋتاتتىق توبىنىڭ جۇمىس وتىرىسىندا.

ونىڭ ايتۋىنشا، وزىق تەحنولوگيالاردى ەنگىزىپ، پايدالانۋ كوپتەگەن ماسەلەنى، ونىڭ ىشىندە قورشاعان ورتانىڭ لاستانۋ پروبلەماسىن شەشۋگە مۇمكىندىك بەرەدى. سونداي-اق، حالىقتى «بارلىعىن ٴتيىمدى پايدالانۋعا» تاربيەلەۋ اسا ماڭىزدى.

«كوپتەگەن ەلدەردە ٴوز بەتىنشە قالدىقتاردى جويعان حالىق ٴتۇرلى ادىستەرمەن ىنتالاندىرىلادى. گەرمانيادا قالىقتاردىڭ قانشا پاكەتكە ٴبولىنىپ سالىناتىنىن كورگەن شىعارسىزدار. ال بىزگە ٴبىرىنشى كەزەڭدە سۇيىق مينەرالدى قالدىقتاردى ٴبىر جاققا، قاتتى تۇرمىستىق قالدىقتاردى ەكىنشى جاققا سالىپ ۇيرەنۋىمىز كەرەك. ٴبىز وسىعان جەتىپ الساق، ەلىمىز ٴۇشىن ۇلكەن جەتىستىك بولادى. حالىق وسىلايشا بىرتىندەپ ۇيرەنەدى. بالكىم بىزگە زاڭدا ازاماتتاردىڭ جاۋاپكەرشىلىگىن كۇشەيتۋ كەرەك بولار. مەن قوقىس جويعانى، جيناعانى ٴۇشىن باعانى كوتەرۋگە شاقىرمايمىن، دەگەنمەن ٴبىز بىرىگىپ، وسى وزەكتى پروبلەمانى شەشۋىمىز قاجەت»، - دەدى سەرگەي گروموۆ.

سەنات ٴتوراعاسىنىڭ ورىنباسارى شەتەلدە قالدىقتاردان ەلەكتر ەنەرگياسى وڭدەلەتىنىن ايتتى. سولتۇستىك قازاقستان مەن اتىراۋ وبلىستارىنىڭ زاۋىتتارى وسى تەحنولوگيانى زەرتتەپ، تاجىريبە جۇرگىزىپ جاتقانىن دا جەتكىزدى. الىنعان ەنەرگيا قايتا وڭدەۋ كاسىپورنىندا پايدالانىلماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي