BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا ٴviiى ازاماتتىق فورۋم ٴوز جۇمىسىن باستادى

فوتو: Бауыржан Жуасбаев

استانا، baq.kz ٴتىلشىسى. 27 قاراشا كۇنى استانادا «تاۋەلسىزدىك» سارايىندا «ازاماتتىق قوعام جانە مەملەكەت: سۇحبات. ارىپتەستىك. سەنىم» دەگەن اتاۋمەن viii ازاماتتىق فورۋم ٴوز جۇمىسىن باستادى.

«قازاقستان ازاماتتىق اليانسى» زاڭدى تۇلعالار بىرلەستىگىنىڭ پرەزيدەنتى اسىلبەك قوجاحمەتوۆ ازاماتتىق فورۋمنىڭ اشىلۋىندا ٴسوز سويلەدى.

«ٴبىزدىڭ ازاماتتىق فورۋم – ناعىز ازاماتتاردىڭ فورۋمى. بۇل فورۋم از سويلەپ، سوزبەن ەمەس، ىسپەن دالەلدەيتىندەردىڭ فورۋمى. بۇل فورۋم قازاقستاننىڭ ازاماتتىق قوعامىن دامىتاتىن ازاماتتاردىڭ فورۋمى. بۇگىن ٴوز جۇمىسىمىزدى باستايمىز. ەكى كۇندە فورۋم جۇمىسىنا جۇزدەگەن ساراپشى، 25 مينيستر مەن ۆيسە-مينيستر، دەپۋتات، بەلسەندى جانە ەڭ باستىسى قر پرەزيدەنتى قاتىسادى. مۇنداي مازمۇندى باعدارلاما ناعىز فورۋمدى وتكىزۋگە مۇمكىندىك بەرەدى. ٴبىز بىر-بىرىمىزبەن اڭگىمەلەسىپ قانا قويماي، قازاقستان ازاماتتارىنىڭ ٴومىرىن، ازاماتتىق جاۋاپكەرشىلىگىن قالاي جاقسارتامىز دەگەن سۇراقتارعا جاۋاپ بەرىپ، مۇنداي قيىن ٴبىراق قاجەتتى ىستە كوشباسشى بولۋى ٴتيىس ادامداردى كورسەتەمىز»، - دەدى اسىلبەك قوجاحمەتوۆ.

قوعامدىق دامۋ ٴمينيسترى دارحان كالەتايەۆ بۇل فورۋمنىڭ ورنى بولەك ەكەنىن اتاپ ٴوتتى.

«ازاماتتىق فورۋمعا ەلدە بولىپ جاتقان وزگەرىستەردى، ماسەلەلەردى قاراۋ ٴۇشىن جينالىپ وتىرمىز. بىرىنشىدەن، قازاقستاننىڭ ازاماتتىق اليانسىنا العىسىمدى ايتقىم كەلەدى. سەگىزىنشى رەت وتكىزىلىپ جاتقان فورۋمنىڭ ورنى دا، ٴجونى دە بولەك. 2005 جىلى العاشقى فورۋمعا ەلباسى قاتىسا المادى، ٴبىراق وسى جولى قاتىسۋعا قىزىعۋشىلىق تانىتتى. ەرتەڭ اربىرىمىزدە ەلباسىمەن سويلەسۋ مۇمكىن بولماق»، - دەدى دارحان كالەتاۆ.

قوعامدىق دامۋ ٴمينيسترى فورۋمدا «ٴارى قاراي قالاي ٴومىر سۇرەمىز؟» دەگەن سۇراققا جاۋاپ بەرىپ، ازاماتتىق قوعام مەن ۇكىمەتتىك ەمەس ۇيىمدار تۋرالى ماسەلەلەر قوزعالاتىنىن جانە بۇل وكىلەتتى ورگاندار ٴۇشىن ماڭىزدى ەكەنىن اتاپ ٴوتتى.

«ٴبىز ٴبىرىنشى كەزەكتە وسى سالاعا قاتىستى قانداي دا ٴبىر ٴنورماتيۆتى-قۇقىقتىق اكتىلەر، ساياسي شەشىمدەردى قابىلداۋ ٴۇشىن سىزدەردى تىڭداپ، پىكىرلەرىڭىزدى ٴبىلۋىمىز كەرەك. فورۋمعا ۇلكەن دايىندىق ٴجۇردى. ايماقتىق ازاماتتىق فورۋمدار ٴوتتى. بۇگىن مۇندا ايماقتىق فورۋمنان تاڭدالعان دەلەگاتتار كەلىپ وتىر. ٴبىز مەملەكەت پەن ازاماتتىق قوعام اراسىندا لايىقتى ديالوگ ورناتا الامىز دەپ ويلايمىن. بۇگىن فورۋمنىڭ اشىلۋىندا جەتكەن جەتىستىكتەرىمىز تۋرالى، مەمەلەكەتتىڭ ازاماتتىق قوعامعا بەرىپ وتىرعان مۇمكىندىكتەرى تۋرالى ايتۋعا بولار ەدى. ٴبىراق ٴبىز بۇل جەرگە پىكىر الماسۋ ٴۇشىن جينالىپ وتىرمىز. وسىنداي جاقسى كەزدەسۋلەردە ٴبىرتالاي اڭگىمە ايتىلادى. بۇگىن جانە ەرتەڭگى اڭگىمە ناتيجەلەرى بيلىكتىڭ، ەلدىڭ قۇلاعىنا جەتۋگە تولىق مۇمكىندىگى بار»، - دەپ ايتتى قوعامدىق دامۋ ٴمينيسترى دارحان كالەتايەۆ.

ايتا كەتسەك، فورۋمعا 850 استام ادام قاتىسىپ وتىر. ونىڭ ىشىندە پارلامەنت دەپۋتاتتارى، قازاقستاندىق جانە حالىقارالىق ۇكىمەتتىك ەمەس ۇيىمداردىڭ، مەملەكەتتىك ورگانداردىڭ وكىلدەرى مەن ساراپشىلار بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي