BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«تاقتار ويىنى» تەلەحيكاياسىنىڭ جەتىنشى كەزەڭى شىعاتىن كۇن بەلگىلى بولدى

«تاقتار ويىنى» فانتاستيكالىق داستانى جەتىنشى كەزەڭىنىڭ پرەمەراسى وسى جىلدىڭ 16 شىلدەسىندە جارىققا شىعادى. بۇل تۋرالى تۋىندىنىڭ twitter-دەگى جەكە پاراقشاسىندا حابارلانعان، دەپ جازادى baq.kz.

7 ناۋرىزدا جەلىگە سەريالدىڭ ٴتۇسىرىلىم جۇمىستارى بارىسىنان الىنعان قىسقا كليپتەر تاراي باستادى. روليكتەردىڭ بىرىندە جاۋىنگەر قىز بريەننا تارتتىڭ قىلىشى كورسەتىلسە، كەلەسى ۆيدەودا سەريالداعى اكتريسا لينا حيديگە گريم سالۋ بارىسى تۇسىرىلگەن.

«تاقتار ويىنىنىڭ» جەتىنشى كەزەڭى شىلدەدە جارىققا شىعاتىنى تۋرالى ٴسۇيىنشى جاڭالىقپەن ەڭ العاش بولىپ 1 ناۋرىزدا داۆوس سيۆورتتى سومداۋشى يرلاندىق اكتەر ليام كاننينگەم بولىسكەن ەدى. ٴبىراق ٴبىرىنشى سەرياسى ٴدال قاي كۇنى شىعاتىنىن ايتپادى.

«جامان جاڭالىق، تەك جەتى ەپيزود شىعادى، قورىتىندى كەزەڭنىڭ ٴتۇسىرىلىم جۇمىستارى قىركۇيەكتە باستالادى»، - دەپ قوستى اكتەر.

تاقتار ويىنى (اعىلش. game of thrones) — جازۋشى دجوردج ٴمارتيننىڭ «مۇز بەن وت جىرى» اتتى روماندار جەلىسى بويىنشا تۇسىرىلگەن فەنتەزي جانرىنداعى امەريكالىق درامالىق تەلەسەريال. سەريال دەۆيد بەنيوفف جانە د.ب. ۋايسستىڭ باسشىلىعىمەن hbo تەلەارناسى ٴۇشىن تۇسىرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي