BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ورالمان» ٴفيلمى ازيانىڭ ۇزدىك ٴفيلمى اتاندى

يراننىڭ استاناسى تەگەراندا وتكەن ٴ35-شى حالىقارالىق فادجر كينوفەستيۆالىندە رەجيسسەر ٴسابيت قۇرمانبەكوۆتىڭ «ورالمان» ٴفيلمى شەتەلدىك فيلمدەر اراسىنان توپ جارىپ، باس جۇلدەنى – «ازيانىڭ ۇزدىك ٴفيلمى» جۇلدەسىن جەڭىپ الدى. قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى تۇسىرگەن اتالمىش فيلم وسى فەستيۆالدىڭ «شىعىس پانوراماسى» سەكسياسىندا 12 ەلدەن كەلىپ تۇسكەن 15 تولىقمەتراجدى كارتينامەن باق سىنادى، دەپ حابارلايدى baq.kz.

ەستەرىڭىزگە سالا كەتسەك، «ورالمان» ٴفيلمى تۋعان جەرىنەن كەتۋگە ٴماجبۇر بولعان، الايدا ونداعان جىل وتكەن سوڭ اۋعانستاننان ەلىنە قايتا ورالعان قانداستارىمىز جايلى باياندايدى. فيلمگە دۋلىعا اقمولدا، ەسىم سەگىزبايەۆ، ەرجان ٴتۇسىپوۆ، شىنار اسقاروۆا، بايان قاجنابيەۆا سىندى قازاقستاندىق تانىمال اكتەرلەر تۇسكەن.

«ٴفيلمنىڭ ٴتۇسىرۋ توبىن وسى العاشقى جەڭىسپەن قۇتتىقتايمىن»، - دەدى كارتينانىڭ رەجيسسەرى ٴسابيت قۇرمانبەكوۆ.

فادجر حالىقارالىق فەستيۆالىنىڭ نەگىزىن 1982 جىلى يراننىڭ مادەنيەت مينيسترلىگى جانە يسلام باعىتى ۇيىمى قالاعان. فەستيۆال قيىر شىعىستاعى ەڭ اۋقىمدى ٴارى تانىمال جانە الەم كينەماتوگرافيستەرى مادەني بايلانىس ورناتا الاتىن بىردەن-بىر الاڭ ەسەپتەلەدى.

ايتا كەتەتىن جايت، فادجر كينوفەستيۆالىنىڭ نەگىزگى بايقاۋىندا ٴار جىلدارى «قازاقفيلم» كينوستۋدياسىنىڭ فيلمدەرى قاتىسقان بولاتىن، مىسالى: سەرىك اپرىموۆتىڭ «سوڭعى ايالداما»، ارداق ٴامىرقۇلوۆتىڭ «قوش بول، گۇلسارى» (ارنايى جۇلدە، 2010 ج.)، دارەجان ومىربايەۆتىڭ «ستۋدەنت»، اقان ساتايەۆتىڭ «جاۋجۇرەك مىڭ بالا» (جۇلدە، 2013 ج.)، ەمير ٴبايعازيننىڭ «اسلاننىڭ ساباقتارى» (ارنايى جۇلدە، 2014 ج.)، ەرمەك تۇرسىنوۆتىڭ «شال» (تەحنيكالىق جانە كوركەمدىك جاعىنان ۇزدىك كورىنىستەرى ٴۇشىن ارنايى جۇلدە، 2014 ج.) فيلمدەرى قاتىسقان بولاتىن. وتكەن جىلى «فادجر» كينوفەستيۆالىندە ەرلان نۇرمۇحامبەتوۆتىڭ «جاڭعاق تال» ٴفيلمى «ازيانىڭ ۇزدىك ٴفيلمى» جۇلدەسىن الدى.

فيلم حح عاسىردىڭ 30-شى جىلدارى قىزىل اسكەردىڭ جەندەتتەرىنەن اۋعانستانعا قونىس اۋدارۋعا ٴماجبۇر بولعان قازاق وتباسى تۋرالى. باس كەيىپكەر بازارباي قارتتىڭ ٴبىر قىزى مەن ۇلى سول جاقتا دۇنيەگە كەلەدى. بالالارى ەسەيىپ، وتباسىن قۇرادى. ۇلى ساپارقۇل جەرگىلىكتى پۋشتۋن ۇلتىنان كەلىنشەك الادى. ال قىزى اۋعان جىگىتىنە تۇرمىسقا شىعادى. ساپارقۇل سوعىس كەزىندە مودجاحەتتەر جاعىندا سوعىسادى. جىلدار وتەدى. بازاربايدىڭ وتباسى قازاقستانعا كوشۋگە رۇقسات بەرەتىن كۆوتا الادى. بارلىعى جولعا جينالادى. تاۋلى قىشلاقتان شىققان وتباسىنى ۇزاق جول كۇتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي