BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قازاقستاندىق «جول» جانە «ۆوليا ك پوبەدە» فيلمدەرى حالىقارالىق كينوفەستيۆالگە قاتىسادى

«قازاقفيلم» كينوستۋدياسىندا وندىرىلگەن «جول» جانە «ۆوليا ك پوبەدە» اتتى فيلمدەر 2017 جىلدىڭ 13-20 ٴساۋىر ارالىعىندا وتەتىن «كراسنوگورسكيي» اتتى ٴ15-شى حالىقارالىق سپورتتىق كينوفەستيۆالىنە قاتىسادى، دەپ حابارلايدى baq.kz.

رەجيسسەر اسقار ۇزابايەۆتىڭ «جول» سپورتتىق دراماسى قازاقستانداعى ەڭ ايگىلى سپورت ٴتۇرى – بوكس تۋرالى باياندايدى. كارتينا ەرەجەسىز جەكپە-جەككە قاتىساتىن جاس جىگىت تۋرالى.

رەجيسسەر توقتار قارساقبايەۆتىڭ «ۆوليا ك پوبەدە» اتتى دەرەكتى ٴفيلمى كلاسسيقالىق ادىسپەن كۇرەسەتىن، كسرو-نىڭ ەڭبەك سىڭىرگەن سپورت شەبەرى، قازاق كسر-نىڭ ەڭبەك سىڭىرگەن جاتتىقتىرۋشىسى، قازاق كسر-نىڭ ٴبىرىنشى وليمپيادا چەمپيونى – جاقسىلىق ۇشكەمپىروۆ تۋرالى. فيلمدە سوۆەت سپورتىنىڭ حرونيكاسى قولدانىلعان.

ٴ2003-شى جىلى قۇرىلعان «كراسنوگورسكيي» حالىقارالىق فەستيۆال - شىعىس ەۋروپاداعى جانە تمد ەلدەرىندەگى ٴىرى سپورتتىق كينوبايقاۋ. كينوفەستيۆال پرەزيدەنتى – الەمنىڭ ٴۇش دۇركىن وليمپيادا چەمپيونى، الەمنىڭ ون دۇركىن چەمپيونى، ون ٴبىر رەت ەۋروپا چەمپيونى – يرينا رودنينا.

«قازاقفيلم» كينوستۋدياسىنىڭ ٴباسپاسوز قىزمەتى مالىمدەگەندەي، فەستيۆالدىڭ ماقساتى – سپورتتىق كينوتۋىندىلاردى تەگىن كورسەتۋ اپتالارىن ۇيىمداستىرۋ ارقىلى، وتاندىق جانە الەمدىك كينەماتوگرافيا مادەنيەتىنىڭ قۇندىلىقتارىنا بارلىق الەۋمەتتىك توپتاردىڭ كەڭىنەن قول جەتكىزۋىن قامتاماسىز ەتۋ; سوڭعى ٴۇش جىلدا شىعارىلعان ۇزدىك سپورتتىق وتاندىق جانە شەتەلدىك فيلمدەردى انىكتاۋ جانە ولاردى ماراپاتتاۋ; سونداي-اق كينو مەترلارى مەن جاس اۆتورلار ٴۇشىن تولىققاندى تاجىرەبە الماسۋ مۇمكىندىگىن قۇرۋ.

بيىلعى جىلى فەستيۆال باعدارلاماسىنا رەكوردتىق وتىنىمدەر – 100-گە جۋىق سپورت تۋرالى كينوتۋىندىلار ٴتۇستى. فەستيۆالگە قاتىسۋ ٴۇشىن تاڭداپ الىنعان 70-كە جۋىق كوركەم جانە دەرەكتى كينوفيلمدەردى قاتىسۋشى 15 ەل ۇسىنعان. ولاردىڭ اراسىندا رەسەي، اۆستريا، بەلارۋس، ۇلىبريتانيا، گەرمانيا، يسپانيا، يتاليا، قازاقستان، كانادا، مولدوۆا بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي