BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«ٴقازاقفيلمنىڭ» فيلمدەرى «سىنشىلار تاڭداۋىندا» ۇزدىك اتاندى

ش.ايمانوۆ اتىنداعى «قازاقفيلم» كينوستۋدياسى تۇسىرگەن فيلمدەر «سىنشىلار تاڭداۋى» كينوجۇلدەسىنىڭ بارلىق نوميناسيا بويىنشا قاتىسىپ، بەس اتالىمدا ۇزدىك اتاندى، دەپ حابارلايدى baq.kz.

بيىل قازاقستان كينەماتوگرافيستەر وداعىنىڭ قولداۋىمەن قازاقستان كينوسىنشىلار اسسوسياسياسى ۇيىمداستىرىپ وتىرعان «سىنشىلار تاڭداۋى» جۇلدەسىنەن ۇمىتكەر، پروكاتقا شىققان جانە بىلتىر فەستيۆالدەرگە قاتىسقان 29 قازاقستاندىق فيلم قاراستىرىلدى.

اقان ساتايەۆتىڭ «اناعا اپارار جول» ٴفيلمى ٴۇش بىردەي جۇلدەنى يەمدەندى.

اتاپ ايتساق، «اناعا اپارار جول» فيلمىندە جاساعان وبرازدارى ٴۇشىن «ەڭ ۇزدىك اكتريسا» - التىناي نوگەربەك جانە «ەكىنشى پلانداعى ۇزدىك اكتريسا» ارۋجان جازىلبەكوۆا دەپ تانىلدى. ال «فيلمگە جازىلعان ۇزدىك مۋزىكا» نوميناسياسىن اتالمىش ٴفيلمنىڭ كومپوزيتورلارى ٴالىم زايروۆ پەن رومان ۆيشنەۆسكيي ٴبولىستى.

سونىمەن قاتار، كينوسىنشىلاردىڭ شەشىمى بويىنشا «ۇزدىك وپەراتور» نوميناسياسىندا «قازاقفيلم» كينوستۋدياسى تۇسىرگەن ەمير بايعازين تريلوگياسىنىڭ ەكىنشى ٴبولىمى – «ٴتورت تاعدىر» («رانەنىي انگەل») ٴفيلمىنىڭ وپەراتورى يۆ كاپ ۇزدىك دەپ تانىلدى. ودان بولەك، «قازاقفيلم» كينوستۋدياسىنىڭ «دەبيۋت» شىعارماشىلىق بىرلەستىگىندە جارىققا شىققان «سۆيدەتەل دەلا № 6» قىسقامەتراجدى ٴفيلمىنىڭ سسەنارييى ۇزدىك اتالدى (سسەناريي اۆتورى ٴادىلحان ەرجانوۆ). ٴفيلمنىڭ رەجيسسەرى سەرىك ابىشەۆ.

«قازاقفيلم» كينوستۋدياسىنىڭ ٴباسپاسوز قىزمەتىنىڭ مالىمدەۋىنشە، تاۋەلسىز كينوستۋديالار جارىققا شىعارعان فيلمدەر كەلەسى جۇلدەلەرگە يە بولدى: «كينوسىنشىلار تاڭداۋى» كينوجۇلدەسىنىڭ «ۇزدىك فيلم» نوميناسياسىندا ەكى فيلم جەڭىسكە جەتتى، ولار: دراما جانرىنداعى ۇزدىك فيلم – «چۋما ۆ اۋلە كاراتاس» (پروديۋسەرلەرى سەرىك ابىشەۆ جانە ولگا حلاششەۆا) جانە «تاراز» كريمينالدىق دراماسى (پروديۋسەرى نۇرتاس ادامباي). سونىمەن قاتار، «تاراز» ٴفيلمى ەكى جۇلدەنى قانجىعاسىنا بايلادى - اكتەر ەركەبۇلان دايىروۆ «ۇزدىك اكتەر» جۇلدەسىن يەلەنسە، ال وسى فيلمدە عالىمجان مولدانازاردىڭ ورىنداۋىندا شىرقالعان ٴانى ۇزدىك دەپ تانىلدى. «رايونى» فيلمىندە ويناعان ٴشارىپ سەرىك «ەكىنشى پلانداعى ۇزدىك اكتەر» جۇلدەسىن يەمدەندى. ەڭ ۇزدىك قىسقامەتراجدى فيلم – دارحان تولەگەنوۆتىڭ «مارشرۋت» كارتيناسى.

سونىمەن قاتار، «كينوسىنشىلار تاڭداۋى» جۇلدەسى ارنايى سىيلىعىمەن «زاۆترا – مورە» دەرەكتى ٴفيلمى ٴۇشىن كاتەرينا سۋۆوروۆا، قايتا وڭدەلگەن «تۇركسىب» فيلمىنە جازعان مۋزىكاسى ٴۇشىن كومپوزيتور قۋات شىلدەبايەۆ جانە «ليسا كينو» فوتوجوباسى ٴۇشىن نيكولاي پوستنيكوۆ پەن جاننا قۋانىشەۆا ماراپاتتالدى.

ايتا كەتسەك، تاۋەلسىز قوعامدىق ۇيىم – قازاقستاننىڭ كينوسىنشىلار اسسوسياسياسى ٴۇش جىل بۇرىن قۇرىلعان بولاتىن. ونىڭ قۇرامىنا بۇگىندە گۇلنار ابىكەەۆا (اسسوسياسيا پرەزيدەنتى)، ولگا مالىشەۆا، تولەگەن بايتۇكەنوۆ، ولەگ بورەسكيي، كارىم قادىربايەۆ جانە باسقا دا 11 سىنشىلار بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي