BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاقفيلم» كينوستۋدياسى «شىڭىراۋ» ٴفيلمىن ٴتۇسىرۋدى باستادى

ش.ايمانوۆ اتىنداعى «قازاقفيلم» كينوستۋدياسىندا ٴابىش كەكىلبايەۆتىڭ «شىڭىراۋ» پوۆەسى بويىنشا تولىقمەتراجدى كوركەم ٴفيلمنىڭ ٴتۇسىرىلىمى باستالدى، دەپ حابارلايدى baq.kz ٴتىلشىسى.

فيلم مادەنيەت جانە سپورت مينيسترلىگىنىڭ تاپسىرىسىمەن تۇسىرىلۋدە. ٴفيلمنىڭ سسەناريي اۆتورى جانە رەجيسسەرى – جاڭابەك جەتىرۋوۆ.

ٴتۇسىرىلىمنىڭ بارلىعى دەرلىك ماڭعىستاۋ وبلىسىندا وتەدى. فيلمدە قاراقيا ويىسى، ٴۇستىرت شوقىسى جانە كاسپيي تەڭىزى كورىنىس تابادى. تۇسىرىلىمدەر ٴۇشىن فورت-شەۆچەنكو قالاسىنا جاقىن جەردەگى قانعا اۋىلىندا دەكوراسيالار تۇرعىزىلىپ، ەلدى-مەكەن فاكتۋرالاندى.

باستى رولدەرگە اسىلحان تولەپوۆ پەن الدابەك شالبايەۆ بەكىتىلگەن. سونداي-اق، فيلمگە مۇحامەدجان مىرزاكيەۆ، داۋلەت ٴابىش، قاناتبەك قۇرىمبايەۆ، ماقسات ٴسابيتوۆ، ازامات شارعىن، زۋحرا سايپي جانە باسقالار تۇسەدى.

«كوپتەگەن وتاندىق كينەماتوگرافيستەر ۇلى ٴابىش كەكىلبايەۆتىڭ پوۆەسى بويىنشا فيلم ٴتۇسىرۋدى جانە ەكرانداۋدى ارماندادى. الايدا ٴالى كۇنگە دەيىن پوۆەس ەكران تىلىندە سويلەگەن ەمەس. مەن بۇل تاقىرىپتا فيلم تۇسىرەم دەپ جۇرگەلى كوپ بولدى. سسەنارييدى ٴتورت جىل بۇرىن جازىپ، تۇزەتۋلەردى كۇنى بۇگىنگە دەيىن ەنگىزىپ وتىردىم. ٴقازىر مەنىڭ بار قالاۋىم – ٴابىش كەكىلبايەۆتىڭ پوۆەسى دەڭگەيىندەگى فيلم ٴتۇسىرۋ. ٴبىز لوكاسيا مەن ناتۋرا تاڭداۋ بويىنشا كوپ جۇمىس اتقاردىق. بارلىق اكتەردى بەكىتتىك. بىر-ەكى كۇندە ماڭعىستاۋ وبلىسىنا تۇسىرىلىمدەردى باستاۋعا جولعا شىعامىز»، - دەگەن ەدى رەجيسسەر ش.ايمانوۆ اتىنداعى «قازاقفيلم» اق ەكسپەرتتىك كەڭەسىنىڭ وتىرىسىندا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي