BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

"قازاق حاندىعى" سەريالىنىڭ جالعاسى تۇسىرىلەدى

فوتو: Абзал Қалиев

بۇگىن استانادا «سارايشىق: ۇلى قالا تاريحى» حالىقارالىق كونفەرەنسياسىنىڭ اشىلۋ سالتاناتىندا سويلەگەن قر مادەنيەت جانە سپورت ٴمينيسترى ارىستانبەك مۇحامەدي ۇلى وسىلاي دەپ مالىمدەدى، دەپ حابارلايدى baq.kz ٴتىلشىسى.

«بيىل ٴبىز «قازاق ەلى» تاريحي ٴفيلمىنىڭ جالعاسىن تۇسىرەمىز. ول «قاسىم حان» دەپ اتالادى. بۇل سارايشىق قالاسىنا تىكەلەي قاتىستى. مۇنان بولەك مينيسترلىكتىڭ قولداۋىمەن «سارايشىق» دەرەكتى ٴفيلمى جارىققا شىعادى. ٴبىز قازىر وسى جۇمىستارعا دايىندىق ۇستىندەمىز» - دەيدى مينيستر.

ەستەرىڭىزدە بولسا، وسىدان بىرنەشە كىن بۇرىن «قازاق حاندىعى» سەريالىنىڭ سسەنارييىن جازعان اۆتورلاردىڭ ٴبىرى سماعۇل ەلۋباي «قازاق حاندىعى» تەلەحيكاياسىنىڭ جالعاسى ەسەپتى قاسىم حان تۋرالى تاريحي فيلم تۇسىرىلەتىندىگى تۋرالى ايتقان بولاتىن.

بۇل تۋرالى جازۋشى «جاس الاش» گازەتىنە بەرگەن پىكىرىندە ايتقان. وندا سماعۇل ابات ۇلى «قازاق حاندىعى» تاريحي جوباسىنىڭ توڭىرەگىندەگى سىنعا جاۋاپ بەرە كەلىپ:

«قازاق حاندىعى جوباسىنا قاتىستى جاڭالىعىمىز دا بار. وسى تاريحي جوبانىڭ جالعاسى رەتىندە پرەزيدەنت ن.نازاربايەۆ مادەنيەت جانە سپورت ٴمينيسترى ارىستانبەك مۇحامەدي ۇلىنا قاسىم حان تۋرالى تاريحي فيلم تۇسىرۋگە تاپسىرما بەردى. بىزگە دە تاپسىرما بەرىلىپ، ٴبىز، سسەناريستەر، تاريحقا قايتادان كىرەيىك دەپ جاتىرمىز. بۇل ۇلكەن قۋانىش. قازاق حاندارىنىڭ ىشىندەگى ەڭ مىقتى، ايتۋلى حان – قاسىم. قازاقتىڭ قازىرگى تەرريتورياسىنىڭ نەگىزىن سول قاسىم حان كۇرەسپەن، شايقاسپەن ٴجۇرىپ قالىپتاستىرعانى بەلگىلى. سوندىقتان بۇل جوبا قىزىقتى بولادى دەپ ويلايمىن. قالىڭ كورەرمەندى وسى ٴبىر قۋانىشتى حابارمەن قۇتتىقتاپ قويايىن دەپ ەدىم» - دەگەن بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي