BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«قازاق حاندىعى» سەريالى تۋرالى حالىق نە دەيدى؟ ەكسكليۋزيۆ

ناۋرىز مەرەكەسى كۇندەرى 10 بولىمنەن تۇراتىن «قازاق حاندىعى» تاريحي سەريالى جۇرت نازارىنا ۇسىنىلدى. رۇستەم ابدىراشەۆتىڭ تۋىندىسىن «31-ارنادان» كورسەتتى. تەلەحيكايا باستالىسىمەن-اق جۇرتتىڭ ويى سان-ساققا ٴبولىندى. ٴارتۇرلى پىكىر ايتىلدى. الايدا تەلەحيكايا ناقتى تاريحي نەگىزگە سۇيەنگەن، تاريحي تۇلعالار كورىنىس تاپقان تۇڭعىش تاريحي كينوكارتينا ەكەندىگىن ەسكەرسەك، ايتىلعان پىكىردىڭ ٴاربىرى قۇندى. وسىعان وراي baq.kz ٴتىلشىسى كورەرمەندەر مەن تاريحشىلاردىڭ اتالمىش تاريحي تۋىندى جونىنىندە پىكىرىن ٴبىلدى.

الدىمەن تاريحي تۋىندىنى اسىعا كۇتكەن كورەرمەندەردىڭ «youtube» جەلىسىندەگى پىكىرلەرىن بەرۋدى ٴجون كوردىك.

ساعجان بولاتحان ۇلى: - اي، رۇستەم اعا-اي. نەبارى 5 ملن دوللارعا ٴبىر سەريال جاساپ شىقتى. بۇل وتە از اقشا. سول نارسە سەريالعا اسەرىن تيگىزگەنى ازداپ ٴبىلىنىپ تۇر. جۋموڭ مەن قۇبىلاي 300 ملن-عا تۇسىرىلگەن. جاۋجۇرەك مىڭ بالا - 12 ملن، كوشپەندىلەر - 40 ملن. سوعان قاراماستان 5 ملن-عا تاماشا تۋىندى جاسالدى. مەنىڭ تۇسىنگەنىم قازاق حاندىعى 300 ملن-عا تۇسىرىلسە، رۇستەم اعا ٴبارىن 100-% عا قاتىرادى.

مادينا ناجميددينوۆا: - بۇل (سەريال – اۆتور) نەگىزى 20 سەريا بولعان، ٴبىراق اقشا بولىنبەگەن... ايتپەسە «كوشپەندىلەر» جانە تاعى باسقا كينولارمەن سالىستىرعاندا سەريال 6 ەسە تومەن اقشاعا تۇسىرىلگەن. (سەريالدى تۇسىرۋگە – اۆتور) ٴپۋتيننىڭ «بۇرىن قازاق دەگەن ەل بولماعان» دەگەن ٴسوزى سەبەپكەر بولعان. ماعان قاتتى ۇنادى. وتە تاماشا. رۋحىڭدى كوتەرەدى، پاتريوتتىق سەزىمىڭدى وياتىپ، بويىڭا كۇش، قايرات، جىگەر ەنەدى. قايران مەنىڭ اتالارىم. وسىنداي قيىندىققا مويىماي، وسى كۇنىمىزگە جەتكىزگەن ٴبىرىنشى اللا، ەكىنشى سەبەپكەر اتالارىما راقمەت. شۇكىرشىلىك ەتەمىن.

ابزال ناربايەۆ: - قازاعىم نەگە ولاي دەيسىڭدەر؟ كورەيانىڭ دا تاريحىن كوردىك قوي. (ولاردىڭ – اۆتور) تاريحىن جۋمونگتان باستاپ جاتتاپ الدىق!!! وسىعان دا مىڭ شۇكىر!!! كينو جاقسى تۇسىرىلگەن! قانشا ەڭبەك جاتىر مۇندا!!! ۇناماسا وزدەرىڭ وسىلاي تۇسىرىڭدەر!!!

ولجاس يمانبەكوۆ: - تولىپ جاتقان قايداعى جوق ٴۇندىستان، قىتاي، تۇرىكتەردىڭ (فيلمىنەن – اۆتور) مىڭ ەسە ارتىق كينو. قازاقتىڭ تاريحى تەرەڭ عوي. قوبىلاندى، الپامىس، ماحامبەت باتىرلار جايلى كينو تۇسىرىلسە ەكەن. كينو قاتتى ۇنادى. راقمەت! جالعاسى تەزىرەك شىقسا جاقسى بولار ەدى.

ال «facebooك» جەلىسىندەگى قولدانىشۋلار مىنانداي پىكىر بىلدىرگەن ەكەن.

دۇكەن ٴماسىمحان ۇلى، اقىن، ادەبيەتشى، قىتايتانۋشى: - «قازاق حاندىعى» سەريالىندا، كەرەي مەن جانىبەكتىڭ قازاق حاندىعىن قۇرعانىن ەستىگەن ٴابىلقايىر حان (شايبان شاح) اشۋعا بۋلىعىپ: «قازاقتارمەن بارىس-كەلىسىمىمدى ۇزەمىن» دەگەن مازمۇندا ۇشبۋ جارلىعىن جازدىرادى. وسى كەزدە ەكراننان حان جارلىعىن قاعازعا ٴتۇسىرىپ وتىرعان حاتشىنىڭ جازباسى كورىنەدى... كۇلەسىڭ بە، جىلايسىڭ با؟! ماسقارا!!! الگى حاتشى xv عاسىرداعى حان جارلىعىن xx عاسىر باسىندا پايدا بولعان احمەت بايتۇرسىن ۇلىنىڭ الىپپەسىمەن (توتە جازۋ) سۇيكەپ وتىر.

ٴمولدىر بولاتباي: - بىتكەن ىسكە سىنشى كوپ. ارينە! ٴبىراق شىندىعىندا دا (سەريالدا – اۆتور) قاتەلىكتەر كوپ، تىلدىك جاقتان دا. جالپى رەجيسسەردى عانا كىنالايىق دەسەك، سول كينونىڭ باسى قاسىندا قانشاما ادام ٴجۇر. بىرەۋى بايقامادى دەگەن وتىرىك بولار. قانشاما قارجى كەتتى ٴارى ول ٴبىزدىڭ تاريحىمىز عوي. كينونى تەك ٴبىز عانا كورىپ، «كوش جۇرە تۇزەلەدى» دەپ وتىرمايمىز. باسقا ۇلتتار كورسە نە دەمەك؟ شۇعىلالى تاريحىمىزدى جالپىعا ماقتانا جاريا ەتكەلى وتىرعان جوقپىز با؟ «سىن تۇزەلمەي ٴمىن تۇزەلمەيدى» دەگەن اتالى سوزگە توقتاعان دۇرىس بولار.

كورەرمەندەردىڭ سىن ەسكەرتپەلەرىن ەسكەرە كەلە، ٴبىز تاريحشىلاردىڭ «قازاق حاندىعى» جونىندە ويىن بىلۋگە تىرىستىق.

بەرەكەت كارىبايەۆ، تاريح عىلىمدارىنىڭ دوكتورى، پروفەسسور: - مەن «قازاق حاندىعى» سەريالىن تولىق كورە العان جوقپىن. العاشقى 1-2 سەريالىن كوردىم. مەن تاريحشىنىڭ كوزىمەن قارادىم. ناقتى پىكىردى سەريالدى تولىق كورگەننەن كەيىن ايتامىن. ٴبىراق ٴابىلقايىر حان ٴابىلقايىر بولىپ قالۋى كەرەك ەدى. ونى «شايبان شاح» دەپ اتاۋ قاتە.

جامبىل ارتىقبايەۆ، تاريحشى، ەتنوگراف: - مەن «قازاق حاندىعى» سەريالىن كورگەن جوقپىن. سوڭعى كەزدەرى دەنساۋلىعىم سىر بەرىپ ٴجۇر. تەلەحيكايادا ٴابىلقايىر حاننىڭ «شايبان شاح» دەپ اتالعانىن سىزدەن ەستىپ وتىرمىن. بۇل ورىنسىز. «شاح» دەپ ايتۋعا بولمايدى. تەك پارسىلار عانا ٴوز بيلەۋشىلەرىن «شاح» دەپ اتاعان. ال تۇرىك حالىقتارى بيلەۋشىلەرىن «حان»، «قاعان» دەيدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي