BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ەلىمىزدە ۆەستەرن جانرىندا فيلم ٴتۇسىرىلدى

شاكەن ايمانوۆ اتىنداعى «قازاقفيلم» كينوستۋدياسىندا قازاقستان رەسپۋبليكاسى مادەنيەت جانە سپورت مينيسترلىگى تاپسىرىسى بويىنشا تۇسىرىلگەن «شالا قازاق» تولىقمەتراجدى كوركەم ٴفيلمنىڭ ٴتۇسىرىلىم جۇمىستارى اياقتالدى، دەپ حابارلايدى baq.kz ٴتىلشىسى.

«قازاقفيلم» مالىمەتىنشە، بۇل كينوتۋىندىنىڭ شارتتى اتاۋى. ۆەستەرن جانرىندا تۇسىرىلگەن جاڭا فيلم قىلمىسكەرلەرمەن جالعىز ٴوزى كۇرەسكە تۇسكەن اۋىلدىق ۋچاسكەلىك پوليسەي تۋرالى. كينوتۋىندى رەجيسسەرى – تولەگەن بايتۇكەنوۆ.

«ٴبىز بۇل جوباعا بىلتىر كوكتەمنەن باستاپ كىرىستىك. سول كەزدەن سسەناريي كوپتەگەن وزگەرىسكە ۇشىرادى. باسىندا كومەديا ٴتۇسىرۋدى جوسپارلاعان ەدىك. سسەنارييدىڭ سوڭعى نۇسقاسى التى اي بۇرىن عانا جازىلىپ ٴبىتتى. ٴفيلمنىڭ قازىرگى اتاۋىنان ەش جۇرناق قالمادى دەسەم ارتىق ايتپاعان بولارمىن. كينوتۋىندىنىڭ اتاۋىن الدا مىندەتتى تۇردە وزگەرتەمىز. ٴفيلمنىڭ جانرى – ۆەستەرن. مەنىڭ ويىمشا، بۇل جانردا تۇسىرىلگەن فيلمدەر قازاقستاندا جوقتىڭ قاسى. ۆەستەرن ٴتۇسىرۋ ٴۇشىن بىزدە جازىق دالا دا، تۇلپارلار دا، قايراتتى جىگىتتەر دە بار. جانە دە، ۆەستەرن ۋاقىت وتە كەلە اقش قوعامىندا ورىن العان وزگەرىستەردى ايقىن كورسەتە الدى. باسقاشا ايتقاندا، ۆەستەرن تاريحى – بۇل امەريكانىڭ كوڭىل-كۇي تاريحى. وسى ۆەستەرننىڭ قالىبىن ٴبىزدىڭ ەلگە الىپ كەلۋدى بۇرىننان ويلاپ جۇرگەن ەدىم»، - دەدى كارتينانىڭ رەجيسسەرى.

ٴفيلمنىڭ ٴتۇسىرۋ جۇمىستارى بيىل 10 تامىزدا باستالىپ، 21 كۇنگە سوزىلعان. كارتينانىڭ ٴتۇسىرۋ جۇمىستارى الماتى وبلىسى قاپشاعاي قالاسىنان 40 شاقىرىم جەردە ورنالاسقان «بريگادير №4» اۋىلىندا جۇرگىزىلگەن. ەندى فيلم كينووندىرىسىنىڭ ەڭ قيىن مونتاجداۋ-تۇستەۋ كەزەڭىنە وتەدى. جوسپار بويىنشا فيلم قاراشا ايىنىڭ ورتاسىنا دەيىن مونتاجدالماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي