BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دجەكي چان: مەن جىندىمىن، ٴبىراق توپاس ەمەسپىن

فوتو: Ержан Жаубай
  1. قىتاي xالقى باقىلاۋعا مۇقتاج. ايتپەسە، ولار ويىنا كەلگەنىن ىستەيدى.
  2. مەن ەشقاشان ەكىنشى بريۋس لي بولۋعا تىرىسقان ەمەسپىن. مەنىڭ بار بولعانى ٴبىرىنشى دجەكي چان بولعىم كەلەدى.
  3. ٴقاۋىپتى تريۋكتەر جاسار الدىندا مەنەن ٴبارى: "دجەكي، قورقىپ تۇرعان جوقپىسىڭ؟" دەپ سۇرايدى. ارينە، قورقام. نە، مەنى سۋپەرمەن دەپ ويلاپ پا ەدىڭدەر؟
  4. كەيدە كينودا جاعىمسىز كەيىپكەردى دە ويناعىم كەلەتىن ساتتەر بولادى. كەيدە، ٴتىپتى، كينودا ٴولىپ قالعىم كەلەدى.
  5. مەن - پەرىشتە ەمەسپىن. مەنىڭ دە جامان ادەتتەرىم كوپ-اق.
  6. كۇندەردىڭ كۇنىندە ٴبىر گولليۆۋدتىق پروديۋسەر نەمەسە رەجيسسەر ماعان تازا درامالىق دۇنيە جاساۋعا ۇسىنىس جاسايتىنىنان ٴالى دە ٴۇمىتتىمىن.
  7. ەگەر ساعان شەكتەن تىس ەركىندىك بەرىلسە، سەن قازىرگى گونكونگ سياقتى بولاسىڭ. ياعني، شەكتەن تىس بەي-بەرەكەت.
  8. كورەرمەندى ٴتۇسىنۋ قيىن. نەنى ۇناتادى، نەنى جەك كورەدى - ٴبىلىپ بولمايسىڭ. ٴبىر كينولارىم وزىمە ەرەكشە جاقىن، ٴبىراق كورەرمەگە وتپەي قالادى. ەندى ٴبىر دۇنيەم وزىمە جاقپايدى، دەگەنمەن، بوكس ٴوفيستى قىرىپ جاتادى. قىزىق.
  9. مەن جىندىمىن، ٴبىراق توپاس ەمەسپىن.
  10. مەنىڭشە، قازىرگى ەڭ ماڭىزدى فيلمدەر - وتباسىلىق فيلمدەر.
  11. كەيدە مەن تاڭعى بەسكە دەيىن كەزلەسۋلەردە بولام. سوسىن ەكى ساعات ۇيىقتاپ، قايتادان ٴتۇسىرىلىم الاڭىنا كەتۋىم كەرەك بولادى. سونداي ساتتە وزىمنەن سۇرايمىن: وسىنىڭ ٴبارى نە ٴۇشىن؟
  12. مەنى دجەكي چان ەتكەن - ەڭبەك. اۋىر ەڭبەك. جۇرتتىڭ ٴبارى ۇيىقتاپ جاتقاندا، مەن جاتتىعۋ الاڭىندا جۇرەتىنمىن.
  13. كورەرمەننىڭ كوڭىلىن كوتەرۋدەن بولەك، مەنىڭ كينو ارقىلى تاربيەلىك دۇنيەلەردى دە سىڭىرگىم كەلەدى. بىلەسىز بە، پروديۋسەر نەمەسە رەجيسسەر رەتىندە ٴبىزدىڭ قوعام الدىندا ۇلكەن جاۋاپكەرشىلىگىمىز بار.

ەستەرىڭىزدە بولسا، ول بۇگىن استانادا وتكەن كەزدەسۋ بارىسىندا باق وكىلدەرىنىڭ كومەككە مۇقتاج جاندار جايلى ٴجيى جازۋىن قالايتىنىن ايتقان بولاتىن. ودان بولەك، دجەكي چان ٴوزىنىڭ قازاقستان جايلى ارمانىن دا ايتتى. سونىمەن قاتار قازاقستانداعى قىتاي كينوفەستيۆالىنىڭ اشىلۋ سالتاناتى بارىسىندا قر اشم داۋرەن ابايەۆ قۇتتىقتاعان ەدى. ال تانىمال ٴانشى ديماش قۇدايبەرگەن جەكيگە توسىنسىي جاسادى.

مۇرات ەسجاننىڭ پاراقشاسىنان الىندى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي