BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

دۋلىعا اقمولدا حالىقارالىق كينوفەستيۆالدە ۇزدىك اكتەر اتاندى

دۋلىعا اقمولدا قازان قالاسىندا وتكەن حالىقارالىق كينوفەستيۆالدە ۇزدىك اكتەر اتاندى، دەپ حابارلايدى baq.kz اقپارات اگەنتتىگى.

رەجيسسەر ٴسابيت قۇرمانبەكوۆتىڭ «ورالمان» فيلمىندە باستى ٴرولدى سومداعان اكتەر دۋلىعا اقمولدا 5 جانە 11 قىركۇيەك ارالىعىندا تاتارستاندا وتكەن xiii حالىقارالىق مۇسىلماندار كينوسى فەستيۆالىندە «ۇزدىك ەر ادام ٴرولى» جۇلدەسىمەن ماراپاتتالدى.

«ورالمان» ٴفيلمى تۋعان جەرىنەن كەتۋگە ٴماجبۇر بولعان، الايدا ونداعان جىلدار وتكەن سوڭ اۋعانستاننان ەلىنە قايتا ورالعان قانداستارىمىز جايلى باياندايدى.

«تولىقمەتراجدى كارتينالاردا سومداعان رولدەرىمنىڭ ىشىندەگى بۇل مەنىڭ العاشقى جەڭىسىم، وتە قۋانىشتىمىن. بۇل تەك مەنىڭ عانا تابىسىم ەمەس، رەجيسسەر ٴسابيت قۇرمانبەكوۆتىڭ، وپەراتور مارس ۋماروۆتىڭ، قويۋشى سۋرەتشى، كومپوزيتوردىڭ، سونىمەن قاتار بارلىق ٴتۇسىرۋ توبىنىڭ ەڭبەگى. ولاردىڭ بارلىعىنا العىسىمدى بىلدىرە وتىرىپ، وسى جەڭىسپەن قۇتتىقتايمىن»، - دەدى اكتەر دۋلىعا اقمولدا.

قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرىسى بويىنشا ش.ايمانوۆ اتىنداعى «قازاقفيلم» كينوستۋدياسى تۇسىرگەن اتالمىش فيلم وسى فەستيۆالدىڭ نەگىزگى بايقاۋىندا 10 تولىقمەتراجدى كارتينامەن باق سىنادى. جالپى فەستيۆالگە قاتىسۋعا 61 ەلدەن 782 فيلم ۇسىنىس تۇسكەن.

ايتا كەتسەك، فەستيۆالدىڭ «ۇزدىك فيلم» جۇلدەسىن تۇرىك رەجيسسەرى مۇستافا قارانىڭ «كالاندرا ىزعارى» ٴفيلمى، ال «ۇزدىك رەجيسسەر» جۇلدەسىن ٴۇندى رەجيسسەرى مانگەش دجوشي («دجوشي جونۋشى» ٴفيلمى ٴۇشىن) يەلەندى. رەسەيدىڭ ەكى كارتيناسى دا جۇلدەلى ورىنداردان كورىندى – «امۋن» ٴفيلمى «ۇزدىك سسەناريي» جۇلدەسىمەن ماراپاتتالسا، «سوفيچكا» ٴفيلمىنىڭ وپەراتورى ايرات ياميلوۆ ۇزدىك وپەراتور اتاندى. ال «ۇزدىك ايەل ادام ٴرولى» جۇلدەسى «ايەل كۇنى» ٴفيلمىنىڭ ٴۇش اكتريساسىنا بۇيىردى.

اتالمىش حالىقارالىق مۇسىلماندار كينوسى فەستيۆالى – 2005 جىلدان بەرى تاتارستاندا وتكىزىلىپ كەلە جاتقان رەسەيدەگى ٴىرى كينوفەستيۆالدەردىڭ ٴبىرى. فەستيۆال ۇيىمداستىرۋشىلارىنىڭ ايتۋىنشا، بۇل كينوفورۋمنىڭ ماقساتى – مۇسىلمان ەلدەردىڭ فيلمدەرىن ۇلكەن ەكرانعا شىعارىپ، ٴدىني عانا ەمەس، ادامي قۇندىلىقتاردى دا دارىپتەۋ، ۇلتارالىق ديالوگ قالىپتاستىرۋ.

ەستەرىڭىزگە سالا كەتسەك، «ورالمان» كوركەم ٴفيلمى وسى جىلدىڭ باسىندا يراننىڭ استاناسى تەگەراندا وتكەن ٴ35-شى حالىقارالىق فادجر كينوفەستيۆالىندە باس جۇلدەنى، سونىمەن قاتار xiii حالىقارالىق «ەۋرازيا» كينوفەستيۆالىندە باس جۇلدەنى جەڭىپ العان بولاتىن.

ايتا كەتسەك، «ورالمان» كوركەم ٴفيلمى 15 قىركۇيەكتەن باستاپ ەلىمىزدە پروكاتقا شىعادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي