BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

بۇگىن «باستاۋ-2016» كينوفەستيۆالى باستالدى

فوتو: Tengrinews.kz

الماتىدا ستۋدەنتتىك فيلمدەر مەن كينومەكتەپتەردىڭ vi «باستاۋ» حالىقارالىق كينوفەستيۆالى باستالدى. قازان ايىنىڭ 24-28 ارالىعىندا وتەتىن شاراعا رەسەيلىك كينورەجيسسەر، اكتەر ۆلاديمير مەنشوۆ پەن پروديۋسەر، كينورەجيسسەر نۇرتاس ادامبايەۆ قازىلىق ەتەتىن بولدى، دەپ حابارلايدى baq.kz.

بيىلعى ىرىكتەۋ كوميسسياسىنا 36 ەلدەن 305 فيلم كەلىپ تۇسكەن. سولاردىڭ ىشىنەن تاڭدامالى 57 فيلم كونكۋرستىق باعدارلامادا باق سىنايدى. شارانىڭ اشىلۋ سالتاناتى ٴو. جولداسبەكوۆ اتىنداعى ستۋدەنتتەر سارايىندا وتەدى. اشىلۋ ٴفيلمى رەتىندە لەيلا توعاستىڭ «ماريام ٴانى» («پەسن ماريام») كارتيناسى كورسەتىلەدى. اۋقىمدى شارا بارىسىندا بەلگىلى كينو ونەرىنىڭ تارلاندارى كەلۋشىلەرگە شەبەرلىك ساباقتارىن وتكىزىپ، سەمينار-كونفەرەنسيالار ۇيىمداستىرىلماق. بيىلعى حالىقارالىق قازىلار القاسىن رەسەيدىڭ بەلگىلى اكتەرى، رەجيسسەرى، «وسكار» يەگەرى، رف حالىق ٴارتىسى جانە ەڭبەك سىڭىرگەن ونەر قايراتكەرى ۆلاديمير مەنشوۆ باسقارادى. قۇرامدا، سونىمەن قاتار، گولليۆۋدتان كەلگەن وپەراتور حيرو ناريتا، بريتان جازۋشىسى، ازيا كينوسىنىڭ مامانى دجاسپەر شارپ، رەسەيلىك اكتريسا اننا گورشكوۆا جانە وتاندىق بەلگىلى پروديۋسەر، كينەرەجيسسەر نۇرتاس ادامبايەۆ بار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي