BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ازامات ساتىبالدىنىڭ «ٴبىر سەن ٴۇشىن...» ٴفيلمى كورەرمەنگە جول تارتتى

قازاق كينوسىنىڭ قاتارى جاڭا «ٴبىر سەن ٴۇشىن...» اتتى فيلممەن تولىقتى، دەپ حابارلايدى baq.kz.

24 ساۋىردە الماتىدا ٴفيلمىنىڭ جابىق كورسەتىلىمى بولىپ، ونەرسۇيەر قاۋىم الدىندا تۇساۋى كەسىلدى. ٴفيلمنىڭ تۇساۋكەسەر كورسەتىلىمىنە الماتى قالاسىنىڭ اكىمى باۋىرجان بايبەك ارنايى كەلدى. اكتەر ٴاسانالى ٴاشىموۆ باستاعان ونەر قايراتكەرلەرى، انشىلەر، اكتەرلەر، باق وكىلدەرى قاتىستى.

قازاقستاننىڭ ەڭبەك سىڭىرگەن قايراتكەرى، قازاقستان جاستار وداعى سىيلىعىنىڭ لاۋرەاتى ازامات ساتىبالدى مەن اكتريسا زارينا كارمەنوۆالار باستى رولدەرىن سومداعان «ٴبىر سەن ٴۇشىن...» ٴفيلمىنىڭ كورسەتىلىمىندە كوز جاسىنا ەرىك بەرگەندەر بولدى، فيلم اياقتالعاننان كەيىن كورەرمەن قاۋىم ۇزاق قول سوعىپ، قوشامەت ٴبىلدىردى.

«قازاقستان الەمدە اجىراسۋدان 27 ورىن الادى ەكەن. ونىڭ كوبى جاستار. نەگە ەكەنىن زەرتتەدىك ٴبىراز، سويتسەك ٴقازىر ٴبىزدىڭ جاستاردا ٴۇمىت جوق ەكەن، سەنىم جوق، ارمان جوق، ماحاببات جوق. سوندىقتان دا ٴبىز جاستارعا وي سالاتىن وتباسى تۋرالى فيلم تۇسىرۋگە نيەتتەندىك. مەنى قولداعان بارشا ارىپتەستەرىمە العىس ايتامىن. كينو كوپتىڭ ەڭبەگى. ٴبىز بۇل فيلم ارقىلى تابىس تابۋدى كوزدەگەن جوقپىز، ونداي ويىمىز بولسا اۋرەلەنبەي كومەديا تۇسىرگەن بولار ەدىك»، - دەدى فيلم تۋرالى ازامات ساتىبالدى.

ونىڭ ايتۋىنشا فيلمدە جۇمىس ىستەگەندەردىڭ بارلىعى نەگىزىنەن دەبيۋتانت بولىپ تابىلادى. ازامات ساتىبالدى پروديۋسەر رەتىندە، ارداق تولەۋباي رەجيسسەر رەتىندە وسى فيلمدە العاش رەت باق سىنادى.

وزەكتى وتباسىلىق ماسەلەلەردى قامتىعان ٴفيلمنىڭ ۇزاقتىعى 98 مينۋت. فيلم نەگىزىنەن الماتى قالاسىندا، الماتى توڭىرەگىندە، وتكەن جىلدىڭ جاز ماۋسىمىنان باستاپ تۇسىرىلگەن. ٴفيلمنىڭ كومپوزيتورى ۇشقىن جامالبەك، سسەناريي اۆتورى ٴلاززات تۇلكىبايەۆا، قويۋشى وپەراتورى جانتاي قىدىراليەۆ، قويۋشى سۋرەتشىسى نازيرا بايبەكوۆا.

قالىڭ كورەرمەننىڭ ەسىنە سالا كەتەتىن بولساق، 27 ساۋىردەن باستاپ «ٴبىر سەن ٴۇشىن...» وتاندىق مەلودراماسى اينالىمعا شىعادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي