BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴاسانالى ٴاشىموۆ «ٴقازاقفيلمنىڭ» كينوسىندا باستى ٴرولدى سومدايدى

ش.ايمانوۆ اتىنداعى «قازاقفيلم» كينوستۋدياسى جاڭا جوبانى قولعا الدى. «بەتكەيدەگى بۇتالار كولەڭكەسىندە» (شارتتى اتاۋى) اتتى جاڭا تولىقمەتراجدى كوركەم فيلم قر مادەنيەت جانە سپورت مينيسترلىگىنىڭ تاپسىرىسىمەن تۇسىرىلمەك. فيلمدە باستى ٴرولدى كسرو جانە قازاقستان حالىق ٴارتيسى ٴاسانالى ٴاشىموۆ سومدايدى، دەپ حابارلايدى baq.kz.

ٴفيلمنىڭ رەجيسسەرى − «ٴسىز كىمسىز، كا مىرزا؟» (2010 ج.) فيلمىمەن تانىمال قۋات احمەتوۆ.

«يدەيا اۆتورى – ٴاسانالى ٴاشىموۆ. ول 2014 جىلى ماعان ەلدەن شالعاي تۇراتىن جالعىزباستى قارت تۋرالى فيلم ٴتۇسىرۋدى ۇسىندى. ٴاسانالى اعانىڭ ويى بويىنشا قاريا – دالا فيلوسوفى، ٴتۇرلى عىلىمعا قىزىعاتىن ادام»، - دەيدى ٴفيلمنىڭ رەجيسسەرى قۋات احمەتوۆ.

قازىرگى تاڭدا كارتينا دايىندىق كەزەڭىندە: اكتەرلەر تاڭداۋ، رەكۆيزيتتەر دايىنداۋ جانە دەكوراسيا تۇرعىزۋ جۇمىستارى ٴجۇرىپ جاتىر. ٴتۇسىرىلىم جۇمىستارى وسى جىلدىڭ مامىر-ماۋسىم ايلارىنا جوسپارلانعان. سسەنارييىن قۋات احمەتوۆ پەن رەسەيلىك كينودراماتۋرگ ودەلشا اگيشەۆ تۇركى حالىقتارىنىڭ اڭىز-اڭگىمەلەرى نەگىزىندە جازعان. وسى ورايدا ٴاسانالى ٴاشىموۆ جوباعا قاتىستى ٴوز ويىن ايتتى:

«بۇل جوبا تۋرالى ايتقالى بەرى ٴتۇرلى جانردا تالاي سسەناريي جازىلدى. الايدا ول سسەنارييلەردە مەنىڭ كورەرمەندەرگە ايتار ويىم دۇرىس جەتكىزىلمەگەن بولاتىن. سوندىقتان دا قۋات ەكەۋمىز دراماتۋرگتى كوپ ىزدەدىك. اقىرى دراماتۋرگ تابىلىپ، بۇل ماسەلە وڭ شەشىمىن تاپتى. ٴقازىر ٴتۇسىرىلىم جۇمىستارىن اسىعا كۇتىپ وتىرمىز».

فيلم جەلىسى بىلاي: اعاتاي ەسىمدى قارتتىڭ ەشكىمى جوق. سۇيگەن جارى قايتىس بولعان. ارالارىندا بالالارى بولماعان. اعايىن-تۋىسقاندارى دا قالماعان. فيلمگە ٴوز ورتاسىنان بەزىپ، دالاعا بارىپ تۇرۋدى كوزدەگەن قارت كىسىنىڭ ٴومىرى ارقاۋ بولعان. ايتسە دە داناگوي قارتقا بالالار ۇيىنەن قاشىپ شىققان بوبەك ەسىمدى كىشكەنتاي، ەلگەزەك بالا كەزىگىپ، ونىڭ باستاپقى جوسپارىن بۇزىپ كەتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي