BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ٴار ٴفيلمنىڭ تابىسى تۋرالى مالىمەت قولجەتىمدى بولۋى ٴتيىس

ەلىمىزدە كورسەتىلگەن فيلمدەردىڭ تابىسى جانە باسقا دا دەرەكتەرى اشىق بولۋى ٴتيىس. وسى ورايدا «كينەماتوگرافيا تۋرالى» زاڭ جوباسىندا كينو سالاسىندا اقپاراتتىق مونيتورينگ جۇيەسىن قۇرۋ كوزدەلىپ وتىر، دەپ حابارلايدى baq.kz ٴتىلشىسى.

«زاڭ جوباسىنداعى باعىتتاردىڭ ٴبىرى – اقپاراتتىق مونيتورينگ جۇيەسىن قۇرۋ. كورسەتىلگەن فيلمدەردەن تۇسكەن قارجى تۋرالى تولىق اقپارات الۋعا مۇمكىندىك بەرەتىن ارنايى اقپاراتتىق جۇيە قۇرۋ ماسەلەسىن زاڭنامالىق دەڭگەيدە شەشۋ كەرەك»، - دەدى قر مادەنيەت جانە سپورت ۆيسە-مينيسترى اقتوتى رايىمقۇلوۆا.

«ارمان» كينوتەاترىنىڭ ديرەكتورى باۋىرجان شۇكەنوۆتىڭ ايۋىنشا كينويندۋستريا نارىعىنىڭ اشىقتىعى بۇل سالانى دامىتۋ ٴۇشىن كوپتەگەن مۇمكىندىكتەر بەرمەك.

«نارىقتىڭ اشىق بولۋىنا كينوتەاترلار دايىن با دەگەن ستاتيستيكاعا قاتىستى سۇراق تۋىنداپ وتىر. بىزدە ستاتيستيكا بار، ٴبىراق جۇيەلەنبەگەن. كەيبىر كينوتەاترلار فيلم تابىسىن قۇپيادا ۇستايدى، كەيبىرى اشىق ايتادى. ديستريبيۋتور مەن كينونى كورسەتەتىندەر ٴوز شارتتارىندا فيلمنەن تۇسكەن قارجىنىڭ اشىقتىعىن كورسەتۋى ٴتيىس. زاڭ ماقۇلدانسا ٴار كارتينانىڭ تاپقان تابىسىن بىلەتىن بولامىز. الەمدىك كينويندۋستريادا كينو كورسەتىلەتىن نارىقتىڭ اشىقتىعى سول نارىقتىڭ سەنىمدىلىگىنىڭ ٴبىرىنشى كورسەتكىشى. ەكىنشىدەن، كينويندۋستريا ستاتيستيكاسىنىڭ اشىقتىعىنان ينۆەستورلار بۇل ەلدە قانداي جانر قىزىق، ٴفيلمدى قاي ۋاقىتقا قويۋ كەرەك جانە ٴتۇسىمنىڭ قانداي ەكەنىن بىلەدى. زاڭ جوباسىندا بولەك ٴبىرىڭعاي وڭتايلاندىرىلعان جۇيەنى قۇرۋ تۋرالى جەكە باپ بار. وسى ارقىلى كينويندۋستريانى دامىتۋ ٴۇشىن ٴارى قاراي قالاي جۇمىس ىستەۋ كەرەگىن بىلەمىز»، - دەدى باۋىرجان شۇكەنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي