BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«العاشقىلار ٴداۋىرى» – ساپالى قازاق ٴتىلدى كينونىڭ العاشقى ٴداۋىرى

كەشە استانادا تيمۋر بەكمانبەتوۆتىڭ «العاشقىلار ٴداۋىرى» ٴفيلمىنىڭ العاشقى كورسەتىلىمى ٴوتتى، دەپ حابارلايدى baq.kz ٴتىلشىسى.

«العاشقىلار ٴداۋىرى» – ادامزاتتىڭ تۇڭعىش رەت عارىش كەڭىستىگىنە اتتانعان ٴساتىن بەينەلەيتىن بلوكباستەر. باستى رولدەردەگى ەۆگەنيي ميرونوۆ (الەكسەي لەونوۆ) پەن كونستانتين حابەنسكييدىڭ (پاۆەل بەليايەۆ) اكتەرلىك شەبەرلىگى مەن تيمۋر بەكمامبەتوۆتىڭ رەجيسسەرلىك ەرەكشەلىگىن ۇشتاستىرعان وتە ٴساتتى فيلم دەپ باعالاۋعا تۇرارلىق كارتينا.

«العاشقىلار ٴداۋىرى» – بيىلعى جىلدىڭ العاشقى، ال 2011 جىلدان بەرى قازاق تىلىندە دۋبلياجدالعان 18-كينوكارتينا.

قازاقشا ديابلياجىنىڭ رەجيسسەرى ايجان جامشيتوۆا بولدى. باستى كەيىپكەرلەرگە ازامات قاناپيا (الەكسەي لەونوۆ)، عاني قۇلجانوۆ (كونستانتين حابەنسكيي)، باقىتجان نۇرپەيىسوۆ (سەرگەي كورولەۆ) ت.ب. داۋىس بەردى. بارلىعى دۋبلياجعا 25 اكتەر قاتىسقان.

العاشقى كورسەتىلىمگە مادەنيەت جانە سپورت ٴمينيسترى ارىستانبەك مۇحامەدي ۇلى، قورعانىس جانە اەروعارىش ونەركاسىبى ٴمينيسترى بەيبىت اتامقۇلوۆ، عارىشكەرلەر تالعات مۇسابايەۆ پەن ايدىن ايىمبەتوۆ جانە دەپۋتاتتار، قوعام قايراتكەرلەرى مەن جۋرناليستەر قاتىستى.

فيلمدە باستى رولدەردىڭ ٴبىرىن سومداعان كونستانتين حابەنسكييدىڭ (پاۆەل بەليايەۆ) داۋىسىنا دۋبلياج جاساعان عاني قۇلجانوۆ ٴوز ويىمەن ٴبولىستى.

«شىنىمدى ايتسام، ٴوزىم كينوعا ٴتۇسىپ، ساحناعا شىعۋشى ەدىم، بۇل فيلمدە كونستانتين حابەنسكييدىڭ داۋىسىنا دۋبلياج جاساپ، ساحناعا شىعىپ تۇرمىن. بۇل دا ۇلكەن مارتەبە. «بولاشاق» قاۋىمداستىعىنا العىس ايتقىم كەلەدى. نەگە دەسەڭىز، وسى كۇنگە دەيىن 18 ٴفيلمدى قازاق تىلىنە اۋدارىپ، ٴبىزدىڭ كورەرمەندەرىمىزگە پاش ەتكەن ەكەن» - دەيدى اكتەر.

كورسەتىلىم سوڭىندا ەلىمىزدىڭ ماقتانىشى ەكى بىردەي عارىشكەر اعامىزدان كينودان قانداي اسەر العانىن سۇرادىق.

«عارىشتا تۋرا وسىلاي بولادى. كينونىڭ شىنايىلىعى ٴتانتى ەتتى. مەنىڭ ٴوزىم اشىق كەڭىستىككە 8 رەت شىققان عارىشكەرمىن. سول كەزدەرىم كوز الدىما كەلدى. كورۋگە تۇرارلىق فيلم دەر ەدىم» - دەيدى تالعات مۇسابايەۆ.

ايدىن ايىمبەتوۆ حالىق قاھارمانىنىڭ ايتقانىن ماقۇلدادى.

فيلم تۋرالى قر مادەنيەت جانە سپورت ٴمينيسترى ارىستانبەك مۇحامەدي ۇلى دا ٴوزىنىڭ وڭ پىكىرىن جاسىرىپ قالا المادى.

«تيمۋر بەكمامبەتوۆتىڭ شاقىرۋىمەن ول پروديۋسەرلىك جاساعان "العاشقىلار ٴداۋىرى" ٴفيلمىن زايىبىم ەكەۋمىز اسا قىزىعۋشىلىقپەن كورىپ شىقتىق. ادامزات عاسىرلار بويى كوسموستى يگەرۋدى ارماندادى، ٴقازىردىڭ وزىندە عارىش كەڭىستىگىنە شىعىپ، جەردەن جوعارى قالىقتاۋ تاڭعاجايىپ بولىپ كورىنەدى. 1965 جىل، "ۆوسحود-2" عارىش كەمەسىنىڭ ۇشۋى، الەكسەي لەونوۆتىڭ اشىق كەڭىستىككە شىعۋى، شتاتتان تىس جاعداي... گاگاريننىڭ ۇشۋى، لەونوۆتىڭ ەرلىگى - ٴبəرى ٴبىزدىڭ بايقوڭىردان باستالىپ ەدى... ٴفيلمنىڭ سيۋجەتى ناقتى وقيعالارعا نەگىزدەلگەن، وپەراتور ٴتۇسىرىلىمى دە وتە قىزىقتى. بۇل كورۋگە تۇرارلىق دۇنيە، دوستار، ٴبىز ەرەكشە əسەر الىپ شىقتىق» - دەيدى مينيستر.

وسى ٴفيلمنىڭ كورسەتىلىمى بارىسىندا كوڭىل تولقىتقان ٴبىر جايعا كۋا بولدىق. ول – ەكى اكتەر مەن ٴبىر عارىشكەردىڭ (ەۆگەنيي ميرونوۆ، الەكسەي لەونوۆ، كونستانتين حابەنسكيي) قازاق ٴتىلى تۋرالى، قازاق حالقى مەن قازاق جەرى تۋرالى ايتقان كوڭىل تولقىتارلىق پىكىرلەرى ەدى. ونى كينونى كورۋگە بارعان كەزدە وزدەرىڭىز دە ەستيسىزدەر.

اشىق عارىش كەڭىستىگى تۋرالى العاشقى فيلم بۇل ەمەس، دەگەنمەن قازاق دالاسى – بايقوڭىرعا تىكەلەي قاتىستى تاريحي دۇنيەنىڭ قازاق تىلىندە سويلەۋى ٴبىزدى شىن قۋانتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي