BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا قحا 20 جىلدىعىنا 3d فورماتتا اننيماسيالىق فيلم تۇسىرىلۋدە

استانا. 21 مامىر. baq.kz – بۇل تۋرالى بۇگىن «وڭتۇستىك اقپارات» ٴباسپاسوز ورتالىعىندا باق وكىلدەرىنە بەرگەن بريفينگتە وبلىستىق ىشكى ساياسات جانە ٴدىن ىستەرى باسقارماسىنىڭ باسشىسى بەرىك قۇرمانعالي مالىمدەدى. 

قازاقستان حالقى اسسامبلەياسىنىڭ 20 جىلدىعىنا «ٴبىز سوققان ورتاق ٴۇي» تاقىرىبىندا 3d فورماتتا اننيماسيالىق فيلم تۇسىرىلۋدە. فيلم جاستاردى وتاندى سۇيۋگە، مەملەكەتتىك ٴتىلدىڭ ناسيحاتتالۋىنا جانە حالىقتار اراسىندا ىنتىماقتاستىق پەن دوستىق بايلانىستى نىعايتۋعا ۇگىتتەيدى. اتالعان ٴفيلمدى 1 ماۋسىم ‒ حالىقارالىق بالالاردى قورعاۋ كۇنى جارىققا شىعارۋ جوسپارلانۋدا،‒ دەدى باسقارما باسشىسى.

‒ باسقارمانىڭ نەگىزگى مىندەتتەرىنىڭ ٴبىرى ‒ قر پرەزيدەنتى ن.نازاربايەۆتىڭ قازاقستان حالقىنا «نۇرلى جول - بولاشاققا باستار جول» جولداۋىن ناسيحاتتاۋ بولىپ تابىلادى. وسى ورايدا اقپاراتتىق-توپتاردىڭ جۇمىسىنا بارلىعى 400 مىڭنان استام ادام قامتىلىپ، بۇقارالىق اقپارات قۇرالدارىندا 800-گە جۋىق ماقالا جارىق كوردى،‒ دەدى ب.قۇرمانعالي.

باسقارما باسشىسىنىڭ ايتۋىنشا، جەڭىستىڭ 70 جىلدىعىنا ۇلتتىق ناقىشتى ايقىندايتىن 15 مىڭ دانا جەڭىس لەنتاسىن شىعارىپ، تاراتقان. جەڭىس كۇنى «داڭق» مەموريالىندا وتكەن شارادا «وتىرار» تەلەارناسىمەن بىرلەسە «ماڭگىلىك داڭق» شەرۋىن ۇيىمداستىرعان. سونداي-اق، اتالعان داتاعا وراي باسقارمانىڭ تاپسىرىسىمەن وڭىردەن اتتانعان باتىرلاردىڭ ٴومىر جولى مەن سوعىس ارداگەرلەرىنىڭ ەرلىگى باياندالعان قىسقا مەتراجدى «مايدانگەرلەر» ٴفيلمى ٴتۇسىرىلىپ، كورەرمەنگە ۇسىنىلدى.

ٴباسپاسوز ماسليحاتىندا باسقارما باسشىسى الداعى ۋاقىتتا ەل بىرلىگىن نىعايتۋدا وبلىس اكىمى جانىنداعى «ىرىس الدى ‒ ىنتىماق» قوعامدىق فورۋمى، وتباسى قۇندىلىقتاردى ارتتىرۋ ٴۇشىن «مەرەيلى وتباسى» ۇلتتىق بايقاۋى جانە ٴپاتريوتيزمدى قالىپتاستىرۋ ماقساتىندا «مەنىڭ قازاقستانىم» پاتريوتتار فورۋمى وتكىزىلەتىنىن ايتسا، ٴدىنارالىق تاتۋلىقتى ساقتاۋ باعىتىندا رەسپۋبليكالىق سەمينارلار مەن عىلىمي كونفەرەنسيالار جانە بۇقارالىق اقپارات قۇرالدارىمەن رەسپۋبليكالىق سەمينارلار، ونىڭ ىشىندە «ايماقتىق جۋرناليستەر فورۋمىن» وتكىزۋ جوسپارلانعانىن تىلگە تيەك ەتتى.

يدەولوگيا سالاسىندا اتقارىلىپ جاتقان جۇمىستار جونىندە كەڭىنەن بايانداعان بەرىك ۋالي ۇلى بايلانىس جانە اقپارات قىزمەتكەرلەرى كۇنىنە بايلانىستى بۇقارالىق اقپارات قۇرالدارىنداعى ۇزدىك ماقالا مەن بەينەسيۋجەتتەرگە كونكۋرس جاريالاعانىن ايتىپ، سول بايقاۋعا باق وكىلدەرىن بەلسەنە قاتىسۋعا شاقىردى. 

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي