BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

«مەنىڭ ەلىم» اۆتوموتوشەرۋىنە قاتىسۋشىلار استاناعا كەلدى (فوتو)

استانا. 12 ماۋسىم. baq.kz – 29 مامىردا اتىراۋدا قازاقستان حالقى اسسامبلەياسىنىڭ 20 جىلدىعىنا ورايلاستىرىلعان رەسپۋبليكالىق اۆتوموتوشەرۋ باستالعان بولاتىن. بۇگىن شەرۋگە قاتىسۋشىلار استاناعا ات باسىن تىرەدى، ودان ارى قوستانايعا جول تارتپاق. «wheels brothers mc» بايكەرلەر كلۋبىنىڭ پرەزيدەنتى ولەگ ٴشمالدىڭ ايتۋىنشا، شەرۋگە قاتىسۋشىلار ٴار قالادا جاستارمەن كەزدەسىپ، العان اسەرلەرىمەن بولىسەدى.

- بۇل اۆتوموتوشەرۋ قازاقستان حالقى اسسامبلەياسىنىڭ 20 جىلدىعىنا ارنالعان. اسسامبلەيا يدەيالارى قازاقستاننىڭ ٴاربىر تۇرعىنى ٴۇشىن جاقىن ٴارى تۇسىنىكتى. جاستارعا ٴتاتۋ-تاتتى بولۋدى، ٴبىرىن-بىرى قۇرمەتتەۋدى تىلەيمىن، وسىلايشا عانا گۇلدەنۋگە قول جەتكىزە الامىز، - دەدى ولەگ شمال.

ساياحاتشىلار كومانداسىندا قازاقستاننىڭ ٴتۇرلى قالالارىنىڭ تۇرعىندارى بار، ولار تۋعان ەلىمىزدىڭ سۇلۋ تابيعاتىمەن جاقىن تانىسۋدا. اۆتوموتوشەرۋ اتىراۋ قالاسىندا باستالىپ، قازاقستاننىڭ 20-دان استام قالاسى مەن ەلدى مەكەنىن باسىپ وتەدى. قاتىسۋشىلار استانادان قوستانايعا اتتانىپ، ودان ٴارى اقتوبە، ورال، اتىراۋ قالالارىن باسىپ ٴوتىپ، اقتوبە قالاسىندا ساپارلارىن اياقتايدى. شەرۋگە ٴار قالانىڭ تۇرعىندارى قاتىساتىندىقتان كەيبىرى ٴۇشىن جولدىڭ ۇزاقتىعى 24 كۇندى قۇراسا، ۇزىندىعى 12500 كم اسادى.

اۆتوموتو اۋەسقويلارىنىڭ نەگىزگى كولونناسى ەلىمىزدىڭ ٴار قالاسىنداعى بەلسەندى، اۆتوموتو قوزعالىس سپورتشىلارىن بىرىكتىرەدى. باسقا ايماقتارداعى موتوسيكلشىلار كولونناعا قوسىلىپ، شەرۋدى اياقتاي الادى.

«مەنiڭ ەلiم» رەسپۋبليكالىق اۆتوموتوشەرۋىنە قاتىسۋشىلار مەن ونى ۇيىمداستىرۋشىلار كەلەسى جىلى بۇدان دا كوپ قالانى ارالاپ، قاتىسۋشىلار سانىن ارتتىرۋعا ٴۇمىتتى.

 

فوتو: عابيت ماداليەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي