BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قحا «شەرلى شەجىرە اماناتى» فورۋمىن وتكىزەدى

استانا. 28 مامىر. baq.kz – ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە وراي قازاقستان حالقى اسسامبلەياسى قر پرەزيدەنتى مۇراعاتىمەن بىرلەسىپ 29-30 مامىردا باتىس قازاقستان وبلىسىندا «تاريحي تاعىلىم – وتكەنگە تاعزىم» جوباسى اياسىندا «شەرلى شەجىرە اماناتى» حالىقارالىق فورۋمىن وتكىزەدى.  

ٴىس-شارالاردىڭ نەگىزگى ٴبولىمى ورال قالاسىندا وتەدى دەپ جوسپارلانۋدا. وعان قر مەملەكەتتىك حاتشىسى گۇلشارا ٴابدىحالىقوۆا، قازاقستان حالقى اسسامبلەياسى ٴتوراعاسىنىڭ ٴبىرىنشى ورىنباسارى ەرالى توعجانوۆ قاتىسادى.

شارا اياسىندا ورال قالالىق مادەنيەت جانە دەمالىس ساياباعىندا «قازاق حالقىنا مىڭ العىس» مونۋمەنتىنىڭ جانىندا «ەسكە الۋ اكسياسى»، ازاق دراما تەاترىنىڭ عيماراتىندا «ماڭگىلىك ەل» - ۇلتتىق تاريح پەن تاريحي زەردەدەگى قۇبىلىس رەتىندە» دەگەن تاقىرىپتا حالىقارالىق عىلىمي-پراكتيكالىق كونفەرەنسيا وتەدى دەپ كوزدەلۋدە.

كونفەرەنسيانىڭ پلەنارلىق وتىرىسىندا قر مەملەكەتتىك حاتشىسى گ.ٴابدىقالىقوۆا، قحا ٴتوراعاسىنىڭ ورىنباسارى - حاتشىلىق مەڭگەرۋشىسى ەرالى توعجانوۆ، تمد، اقش، وڭتۇستىك كورەيا، چەحيا ەلدەرىنەن كەلگەن ساراپشىلار، قر مەملەكەتتىك ورگاندارىنىڭ وكىلدەرى، تاريحشى عالىمدار ٴسوز سويلەيدى.

30 مامىردا ٴىس-شارالار سىرىم اۋدانىنىڭ جىمپيتى سەلوسىندا جالعاسادى. الدىمەن  «الاش مۇراتىنان – «ماڭگىلىك ەل» بەلەسىنە» اتتى ەسكە الۋ اكسياسى ٴوتىپ، ارتىنشا مۇمكىندىگى شەكتەۋلى بالالارعا ارنالعان «قحا: 20 ىزگى ٴىس» قايىرىمدىلىق اكسياسى جالعاساتىن بولادى. سونداي-اق، دەپورتاسيالار، ساياسي قۋعىن-سۇرگىن قۇرباندارى مەن ۇلى وتان سوعىسى ارداگەرلەرىن ەسكە الۋعا ارنالعان اس; «ايەل دەنساۋلىعى – ۇلت دەنساۋلىعى» الەۋمەتتىك كونسۋلتاسيالارى; جاستارعا ارنالعان «قۇرمەت. تۇسىنىستىك. كەلىسىم» الەۋمەتتىك ترەنينگى; اۋدان حالقىمەن «قوعامدىق كەلىسىم جانە ۇرپاقتار ساباقتاستىعى» تاقىرىبىندا كەزدەسۋ; «تەڭدەسسىز سىي» - «دار بەسسەننىي» اكسياسى وتكىزىلەدى.  

 

دانا ساعىنبەك


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي