BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قحا-نىڭ 20 جىلدىعى اياسىندا بيىل 17 مىڭنان استام ٴىس-شارا وتكىزىلگەن

استانا. 18 ماۋسىم. baq.kz – بيىل قازاقستان حالقى اسسامبلەياسىنىڭ 20 جىلدىق مەرەيتويى اياسىندا رەسپۋبليكامىزدىڭ بارلىق ايماعىندا ٴتۇرلى ٴىس-شارالار وتۋدە. ولارعا بارلىعى 8 ميلليوننان استام ادام قاتىسقان. بۇل جايىندا بۇگىن استاناداعى ورتالىق كوممۋنيكاسيالار قىزمەتىندە قحا وكىلدەرىنىڭ قاتىسۋىمەن وتكەن بريفينگ بارىسىندا ايتىلدى.

اسسامبلەيا وكىلدەرىنىڭ ايتۋىنشا، جىل باستالعالى بەرى ەلىمىزدە 470-تەن استام ٴىرى الەۋمەتتىك جوبا قولعا الىنعان. سونداي-اق، 17 مىڭنان اسا ٴتۇرلى ٴىس-شارالار وتكىزىلىپ، وعان بارلىعى 8 ميلليون قازاقستاندىق تارتىلدى.

قحا-نىڭ ۇستىمىزدەگى جىلعى ايتۋلى ٴىس-شارالار:

2015 جىلى 6 اقپاندا استانادا، وبلىس جانە اۋدان ورتالىقتارىندا قحا جىلىنىڭ سالتاناتتى تۇردە اشىلۋى بولىپ ٴوتتى. سالتاناتتى ٴراسىم كەزىندە 9 رەسپۋبليكالىق كونكۋرستىڭ باستالۋى جاريالانىپ، قحا جىلىنىڭ جالاۋى كوتەرىلدى.

نەبارى رەسپۋبليكادا 2 800 ەلدى مەكەندە 1 ملن. 375 مىڭنان استام ادام قاتىسقان 4 120 ٴىس-شارا بولىپ ٴوتتى.

2015 جىلعى 28 اقپاندا قازاقستان حالقى اسسامبلەياسىن قۇرۋ تۋرالى قر پرەزيدەنتىنىڭ جارلىعىنا قول قويىلعانىنا 20 جىل تولۋىنا ارنالعان «مەنىڭ قازاقستانىم» اتتى قازاقستان حالقىنىڭ فورۋمى وتكىزىلدى. فورۋم اياسىندا «بەيبىتشىلىك پەن كەلىسىمنىڭ جول كارتاسى» مەگا-جوباسىنىڭ قورىتىندىسى شىعارىلدى، وڭىرلەردەن كەلگەن دەلەگاتتار جاستاردىڭ رەسپۋبليكالىق «قامقور» پاتريوتتىق جوباسى جانە «تاريح تاعىلىمى» اتتى قازاقستاندىق كينو كۇندەرىن جاريالادى. قحا-نىڭ 20 جىلدىق مەرەيتويىنا ارنالعان اۋقىمدى ٴىس-شارالار ەلىمىزدىڭ بارلىق وڭىرلەرىندە وتكىزىلدى.

5-11 ٴساۋىر ارالىعىندا شىمكەنت قالاسىندا قازاقستاننىڭ ەتنوستىق تەاترلارىنىڭ ٴىىى رەسپۋبليكالىق فەستيۆالى وتكىزىلدى. فەستيۆال اياسىندا وتاندىق جانە قازىرگى زامان اۆتورلارىنىڭ شىعارمالارىنان ەتنوستىق تەاترلار ۇجىمدارىنىڭ ورىنداۋىندا قويىلىمدار ۇسىنىلدى.

21 ناۋرىزدا استانا جانە الماتى قالالارىندا، وبلىستاردا ناۋرىز مەيرامىنا ارنالعان «ٴبىر ەل – ٴبىر تاعدىر» اتتى قحا فەستيۆالدەرى وتكىزىلدى.16 ناۋرىزدا جانە 27 ناۋرىزدا كوكشەتاۋ مەن تاراز قالالارىندا «ەلىمنىڭ تاعدىرى – مەنىڭ تاعدىرىم» اتتى رەسپۋبليكالىق فورۋم ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي