BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قحا دەپۋتاتتارى 472 ەلدى مەكەندە 1 199 كەزدەسۋ وتكىزگەن

استانا. 5 ماۋسىم. baq.kz – بۇگىن پرەزيدەنت جانىنداعى ورتالىق كوممۋنيكاسيالار قىزمەتىنىڭ الاڭىندا وتكەن ٴباسپاسوز ٴماسليحاتىندا پارلامەنت ٴماجىلىسىنىڭ دەپۋتاتى ٴارى قازاقستان حالقى اسسامبلەياسى اتىنان سايلانعان دەپۋتاتتىق توپتىڭ مۇشەسى ۆيكتور كيانسكيي دەپۋتاتتاردىڭ 472 ەلدى مەكەندە 1 199 كەزدەسۋ وتكىزگەندىگىن مالىمدەدى.

 

- ٴبىزدىڭ ارىپتەستەرىمىز وڭىرلەردەگى جۇمىس اياسىندا ەلىمىزدىڭ بارلىق وبلىستارىندا بولىپ، ەلباسىنىڭ «قازاقستان - 2050» ستراتەگياسى»، «قازاقستاندىق جول – 2050: ٴبىر ماقسات ٴبىر مۇددە، ٴبىر بولاشاق»، «نۇرلى جول – بولاشاققا باستار جول»، «بارشاعا ارنالعان قازىرگى زامانعى مەملەكەت» 100 ناقتى قادام – ۇلتتىق جوسپارى» جولداۋلارى بويىنشا 472 ەلدى مەكەندە 1 199 حالىقپەن كەزدەسۋ شارالارىن وتكىزدى. سونىمەن قاتار، 1 422 ادامدى جەكە قابىلداپ، باق-تا 762 ماتەريالدار مەن ماقالالار جاريالادى، - دەدى ۆ. كيانسكيي.

دەپۋتاتتىڭ ايتۋىنشا، ماجىلىسمەندەر قحا-نىڭ بارلىق ٴىس-شارالارىن، رەسپۋبليكالىق جانە وڭىرلىك وقىتۋ سەمينار-ترەنينگتەرىن وتكىزۋگە اتسالىسقان.

ايتا كەتەيىك، بيىل ەلىمىزدە قازاقستان حالقى اسسامبلەياسىنىڭ 20 جىلدىعى اتالىپ ٴوتىپ جاتىر. ايتۋلى مەرەيتوي اياسىندا رەسپۋبليكانىڭ بارلىق ايماعىندا ٴتۇرلى مەرەكەلىك شارالار ۇيىمداستىرىلعان. كوپشىلىگى حالىقتىڭ الەۋەتىن، رۋحانياتىن ارتتىرۋعا باعىتتالعان. قحا ٴتوراعاسىنىڭ ٴبىرىنشى ورىنباسارى ەرالى توعجانوۆتىڭ ايتۋىنشا، اسسامبلەيا جىلى اياسىندا جىل سوڭىنا دەيىن مىڭداعان شارا وتكىزىلەتىن بولادى. ولاردىڭ قاتارىندا، ۇوس ارداگەرلەرىنە كومەك كورسەتۋ، قازاق حاندىعىنىڭ 550 جىلدىعىن اتاپ وتۋگە اتسالىسۋ سىندى شارالار بار.

 

 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي