BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قحا-20 جىل: كورەي حالقىنىڭ ٴسالت-داستۇرى

 استانا. 4 ماۋسىم. baq.kz – قازاقستانعا تاريحي دەپورتاسيا كەزىندە قونىس اۋدارعان كورە سارام كورەيلەرى بۇگىندە وزىندىك تاريحي-مادەني مۇراعا باي، حالىقتىق ەلەمەنتتەرى مەن سانعاسىرلىق ۇلتتىق ٴسالت-داستۇرى مەن ادەت-عۇرپىن ٴوز دارەجەسىندە ساقتاپ قالعان، اتا سالتىنىڭ مول قازىناسىن دارىپتەي بىلگەن ۇلت رەتىندە ٴقادىرلى.

 قازاقستانداعى كورەيلەر حريستيان ٴدىنىن ۇستانادى. ال نەگىزىنەن كورەي ۇلتىنىڭ كوپ بولىگى بۋددا ٴدىنىنىڭ وكىلدەرى. ەجەلگى داۋىردە كورەيلەر شامان ٴدىنىن ۇستانىپ، تابيعات قۇدىرەتىنە تابىنعان. iii-iv عاسىرلاردا كورەياعا بۋددا ٴدىنى تارالىپ، ورتا عاسىرلاردا كونفۋسييشىلدىك كۇشتى ىقپال ەتكەن. كورەيلەردىڭ وتباسى ادەتتە كوپ بالالى بولىپ كەلەدى. بالانىڭ دۇنيەگە كەلۋىن ۇلكەن مەرەكە ەتىپ تويلايدى. تۇرمىستىڭ اۋىرلىعىنان بالالار نارەستە كەزىندە كوپ شەتىنەي بەرگەن. وسىنداي كەساپاتتان ساقتاۋ ٴۇشىن بالالارعا تۇرلىشە ىرىمدار جاساۋدى ادەتكە اينالدىرعان. ماسەلەن، ەرتە كەزدە ەر بالانىڭ بىرنەشە ەسىمى بولعان. ەگەر بالا اۋقاتتى وتباسىنان شىققان بولسا جاقسى اتتار قوياتىن بولعان. (مارجان، اسەلە، ايداھار ت.ب.). ال ەگەر شارۋا ادامىنىڭ بالاسى بولسا – شوشقا، باقا، يت ت.ب. دەپ قويىلعان. بالانىڭ ەسىمى نەعۇرلىم تۇرپايى بولسا، سوعۇرلىم ونىڭ ٴومىرى جەڭىل بولادى دەگەن تۇسىنىك ورناعان. بۇل بالانى كوز تييۋدەن ساقتايدى دەگەن تۇسىنىكتەن تۋعان. كەيدە ەر بالاعا قىز بالانىڭ اتىن بەرۋشىلىك تە بولعان. كەيىندە نارەستەنىڭ سىرت بەينەسىنە، مىنەزىنە قاراي لايىقتى ەسىمدەر بەرگەن. مىسالى بۇركىت – باتىلدىق بەينەسى. شەلپەك – جالپاق بەت بالا. بالا وسىلايشا ۋاقىتشا اتتاردى پايدالانىپ كەلىپ، كەيىن كامەلەتكە تولعاندا ٴتيىستى قۇجات الۋ كەزىندە تۇراقتى اتقا يە بولادى. ٴداستۇر بويىنشا نەمەرەلەردىڭ ەسىمىن اتا تەگىنە قاراي ونىڭ اتاسى قوياتىن بولعان. وسىلايشا اتا تەككە بايلانىستى اتتار ونشا كوپ بولماي كورەي حالقىندا سوي، پاك، كيم، لي دەگەن اتتار بۇكىل رۋ، تايپالاردىڭ بالالارىنا ورتاق ات بولىپ تاراعان.

قازاقستاندىق كورەيلەر دە كورەيلىكتەر دە ولاردىڭ اتا-بابالارى سياقتى نەكەگە تۇرۋعا ەرەكشە ٴمان بەرەدى. بۇل ادامنىڭ ومىرىندەگى ٴتورت باستى وقيعانىڭ ٴبىرى جانە سالتاناتتى تۇردە وتكىزىلىپ، وعان بارلىق رۋلاستارىنىڭ نازارى اۋدارىلادى. نەكە الدىندا قۇدا ٴتۇسۋ ٴراسىمى وتەدى. كۇيەۋ جىگىت رۋلاستارىنىڭ ىشىندەگى ۇلكەندەرى – اكەسى، ۇلكەن اعاسى، كەيبىر جاعدايدا عانا كۇيەۋ جىگىتتىڭ اناسى قۇدا بولا الادى. قالىڭدىقتىڭ اتا-اناسىنىڭ كەلىسىمىن، ەكى جاق چەنچي – نەكەلەستىرۋ ٴراسىمىن وتكىزۋگە كەلىسەدى، نەكەلەسۋدى تولىعىمەن كۇيەۋ جىگىت قارجىلاندىرادى، ٴبىراق ول قالىڭدىقتىڭ ۇيىندە وتەدى. چەنچي راسىمىنە كۇيەۋ جىگىت پەن قالىڭدىقتىڭ جاقىن تۋىستارى مەن دوستارى شاقىرىلادى. قالىڭدىقتىڭ تۋىستارىنا ەرلى-زايىپتىلار اراسىنداعى ادالدىقتىڭ بەلگىسى رەتىندە – قاز، كۇرىشتىڭ جەلىمدى سورتىنان جاسالعان ەرەكشە نان – چالپىپەگي، سونىمەن قاتار اق كۇرىش شەلپەكتەر – تيمپەني ۇسىنۋ مىندەتتى بولىپ ەسەپتەلەدى.

كورەيلەر وتباسىنداعى قارت ادامداردى قۇرمەتتەپ، بالالارى ولاردىڭ مەرەيتويلارىن تويلايدى. سونىڭ ىشىندە ەڭ ماڭىزدىسى بالالاردىڭ اتا-اناسىنىڭ 61 جاسقا تولۋ مەرەيتويىن تويلاۋى بولىپ تابىلادى. بۇل مەرەيتوي ەگەر وتباسىنداعى بالالاردىڭ بارلىعى ەر جەتىپ، وتباسىن قۇرىپ، ولاردىڭ تويلارى جاسالىپ، وتباسىندا ەشقانداي قايعىلى جاعداي بولماسا عانا تويلانادى. ەگەر ونداي بولماسا، مەرەيتوي كەيىنگە قالدىرىلىپ 2، 4، 6 جىلدان كەيىن تويلانادى.

كورەيلەردىڭ ساداق تارتۋ جارىسى، بەلبەۋ تاقپاي كۇرەسۋ، ماتادان جاسالعان بەلبەۋ تاعىپ كۇرەسۋ سەكىلدى ۇلتتىق ويىندارى مەن سپورت جارىستارى مەرەكە قارساڭىندا ٴداستۇرلى تۇردە وتكىزىلىپ وتىرادى. جالپى، كورەيلەردىڭ وسى تۇستاعى ٴداستۇرلى ۇلتتىق ويىندارى قازاق حالقىنىڭ ٴتول ويىندارىنا ۇقساس كەلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي