BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا سۋرەتشى جاستاردىڭ كورمەسى ٴوتتى (فوتو)

استانا. 12 ماۋسىم. baq.kz – قحا-نىڭ 20 جىل مەرەيتويىنا وراي استاناداعى رەسەي مادەني ورتالىعىندا «جاستاردىڭ شىعارماشىلىق سەرپىلىسى» اتتى سۋرەت جانە ٴمۇسىن كورمەسى ٴوتتى.

كورمەدە قولونەر شەبەرلەرىنىڭ ٴتۇرلى جانردا سالىنعان سۋرەتتەرى مەن مۇسىندەرى قويىلعان. ٴاربىر سۋرەتتىڭ وزىندىك ەرەكشىلىگى بار. ٴبىرى ۇلتتىق ناقىشتا سالىنعان ويۋ-ورنەكپەن بەينەلەنسە، باسقا سۋرەتتەر وتانعا دەگەن قۇرمەت جانە ٴتۇرلى ابستراسيالىق ناقىشتا سالىنعان سۋرەتتەردى كورۋگە بولادى.

«بۇل كورمەنىڭ جاستارعا بەرەر تاربيەسى وتە كوپ. كورمەدە قويىلعان ٴاربىر سۋرەتتىڭ وزىندىك ەرەكشە ٴستيلى بار. مۇنداي باۋيقاۋدىڭ ٴوتىلۋى كەلەشەكتە وسى سالانى ارى قاراي دامىتۋعا سەرپىن بەرەدى. سۋرەت ونەرى بارلىق ونەر ىشىندەگى ەڭ كۇردەلىسى. سوندىقتان وسى سالانى جاقسى مەڭگەرۋ ٴۇشىن ادامعا ەڭ باستىسى كۇش پەن سابىرلىق قاجەت. بۇل كورمەدە قويىلعان بارلىق كارتينا شەت ەلدىك قولونەر شەبەرلەرىنىڭ تۋىندىلارىنان كەم ەمەس. ٴاربىر سۋرەتكە مۇقيات قارايتىن بولساڭىز، ەرەكشە اسەرگە بولەنۋگە بولادى. وسىنداعى قولونەر شەبەرلەرىنە تىلەرىم بولاشاقتا قازاقستاننىڭ اتىن شىعاراتىن اتاقتى سۋرەتشىلەر قاتارىنان كورىنە بەرسىن» دەيدى شارانى ۇيىمداستىرۋشىلاردىڭ ٴبىرى - سۋرەتشىلەر وداعىنىڭ مۇشەسى ٴماجىت سادىق ۇلى.

كورمەگە تۋىندىلارىن الىپ كەلگەن سۋرەتشىلەردىڭ ٴبىرى دينارا تاستانبەكوۆا. ول نەگىزىنەن افريكا قۇرلىعىنىڭ ارۋلارىن قاعاز بەتىنە تۇسىرۋگە اۋەس.

«سۋرەتتى بالا كەزىمنەن بەرى سالىپ كەلەمىن. ەرەكشە ٴبىر ٴستيلىم جوق، جۇرەگىم نەنى قالايدى سونى سالۋعا تىرىسامىن. بۇل كورمەگە مەن ەكى تۋىندىمدى الىپ كەلدىم. ولار افريكالىق ارۋلاردىڭ پورترەتى. قارا ٴناسىلدى قىزداردى ۇناتامىن، ولاردىڭ بەت كەسكىنى، كوزدەرى وتە ادەمى كەلەدى» دەدى د.تاستانبەكوۆا.

ايتا كەتەيىك، كورمەگە جاس سۋرەتشىلەر بىرلەستىگى، استانا قالالاىق سۋرەتشىلەر وداعى وكىلدەرىنىڭ كارتينالارى قويىلدى. اتاپ ايتقاندا، ريزا تاجيەۆا، عابيت سەرعازيەۆ، ٴاليا ەسىلبايەۆا، الماس مانكەەۆا، دينارا تاستانبەكوۆا سىندى قىلقالام شەبەرلەرىنىڭ تۋىندىلارى جوعارى باعالانىپ، ۇيىمداستىرۋشىلار تاراپىنان ماراپاتقا يە بولدى.

دانا ساعىنبەكقىزى
فوتو: عابيت ماداليەۆ

 

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي