BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

استانادا «قازاقستان جولى: بىرلىك. پاتريوتيزم. رەفورمالار» اتتى كونفەرەنسيا ٴوتتى

 استانا. 16 ماۋسىم. baq.kz – بۇگىن «ريكسوس پرەزيدەنت وتەل استانا» قوناق ۇيىندە قر پارلامەنتى ٴماجىلىسىنىڭ ۇيىمداستىرۋىمەن قازاقستان حالقى اسسامبلەياسىنىڭ 20 جىلدىعىنا ارنالعان «قازاقستان جولى: بىرلىك. پاتريوتيزم. رەفورمالار» اتتى حالىقارالىق كونفەرەنسياسى ٴوتتى.

 كونفەرەنسيا جۇمىسىنا ٴماجىلىس سپيكەرى قابيبوللا جاقىپوۆ، قازاقستان حالقى اسسامبلەياسى ٴتوراعاسىنىڭ ورىنباسارى - حاتشىلىق مەڭگەرۋشىسى ەرالى توعجانوۆ، بەلارۋس رسەپۋبليكاسى ۇلتتىق جينالىسى وكىلدەرى پالاتاسىنىڭ ٴتوراعاسى ۆلاديمير اندرەيچەنكو، قىرعىستان رەسپۋبليكاسىنىڭ جوگوركۋ كەنەشى ٴتوراعاسى ا.جەەنبەكوۆ، اۋعانستان، قازاقستان، رەسەي، تاجىكستان، تۇركىمەنستان پارلامەنتشىلەرى ، قحا جانە جانە حالىقارالىق ۇيىمداردىڭ وكىلدەرى قاتىستى.

جيىنعا قاتىسۋشىلار قازاقستان رەسپۋبليكاسى مەن ەلباسى ن.ٴا.نازاربايەۆتىڭ كوپ ەتنيكالىق جانە كوپ كونفەسسيونالدى قوعامدى دامىتۋعا، حالىقارالىق قاۋىپسىزدىكتى جانە قازاقستاندىق حالىق بىرلىگى مەن قوعامدىق كەلىسىمىن قامتاماسىز ەتۋگە قوسقان ۇلەسىن تالقىلادى.

قوناق ٴۇيدىڭ «شاڭىراق» زالىندا حالىقارالىق كونفەرەنسيا قاتىسۋشىلارىنا ارنالعان قازاقستان حالقى اسسامبلەياسى قىزمەتى جايىندا كورمە ۇيىمداستىرىلدى. كورمە بارىسىندا قوناقتار قحا قۇرىلىمىمەن جانە 20 جىلدا ىسكە اسىرىلعان الەۋمەتتىك ماڭىزى بار، قايىرىمدىلىق باعىتتاعى جوبالارىمەن تانىستى.
سونىمەن قاتار حالىق شىعارماشىلىعى شەبەرلەرىنىڭ كورمەسى ۇيىمداستىرىلىپ، جينالعان قاۋىم نازارىنا سان ٴتۇرلى ونەر تۋىندىلارى ۇسىنىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي